صباحكم مبروك
خوتي راه واحد ولد عمتي مخرج لينا لعقل بالتبرزيط
نحكي لكم القصة من الأول و هو عندي واحد عمتي ميت ليها راجلها و والدة تلاتة و دبا كبرو الصغير فيهم عندو 43 سنة لمهم هاد الصغير دبا مصدع لينا راسنا و تيهدد هو و عمتي لواليد ديالي و الوالدة لي كبار في السن أنه يدعيهم علما انهم ماعارضوه هو و عمتي في حتى شي أمر ,ندخل في الموضوع وعفاكمعطيوني رايكم باش نعرف واش حنى لي من عندنا الغلط أو هما
الوالد ديالي و خوتو ورتو أرض كبيرة من الوالد ديلهم لي هو جدي و ولد عمتي لي حاليا عاطل وجراو عليه من جوج ديال الخدمات لي لوالدة ديالي ضبرات عليه فيهم دبا بغا حق أمه لي هي عمتي و تاصل بالوالدة ديالي حيت هي لي مكلفة كتضبر على الكراي و في حضور الورثة تيخدو فلوس الكراء لمهم متايضيع حتى شي واحد و دبا ولد عمتي قال لأمي راه بغينا نفرقو و كل واحد ياخد حقو و الوالدة ديالي قالت ليه ماكاين مشكل لي درتوها راه حنا متافقين معاكم وقالها قالها اوى خاصكم تجيو باش نتافقو قالت ليه امي راه حنا متافقين معاكم و دبا كل واحد مشغول في خدمتو و مشاغلو نهار توقف علينا و على شي حاجة بما يخص الطوبوغراف او من الناحية المادية بالنسبة للادارات هاحنا كاملين واجدين و من بعد قالها انت لي خاصك تجري قالت ليه أولدي معنديش لوقت لجرى و دبا كبرت مابقيتش بحال شحال هدي علما أن لوالدة ديالي عندها 70 سنة و مقابلة حاليا ولد أختي لي عندو عام و نصف لن أختي كتشتغل و مابغاوش الطفل تربيه الشغالة ادا اظطرت امي تقابلو عامين بيدمان يدخل للروض , ولبارح عاود تاصل ولد عمتي و عمتي بالوالدة ديالي تيهددوها قالولها انت لي خاصك تجري في هد الأمور اولا غاديين نقيدو بيكم الدعوة علما ان الوالد ديالي هو الوحيد لي كان تيصيفط لفلوس لعمتي#تيدور معاها# وخا عندها الشهرية لي خلا ليها راجلها الله يرحمو بالاضافة الى فلوس كراء الآرض ديال الورتة
الله ينول لكم مافي بالكم ايلاما قولولي اشناهو الرأي ط¯ظٹط§ظ„ظƒظ… فهد المشكل وحتى الا مشى دعاهم اشنو خاصهم يديرو باش يحميو راسهم حيت الوالدين ديالي ف شي شكل راه يتعدى عليهم لواحد و تيبقاو ساكتين غير تايشوفو,وخا حقهم يضيع مايعرفو يديرو حتى حاجة
هنا كنتسنا الجواب ط¯ظٹط§ظ„ظƒظ… الله يحفظكم و يحفظ جميع المسلمين
lpjh[h gglshu]m ]dhg;l fow,w hghve
يريت توضحولي الله يجازيكم بخير الا مشى حتى دعاهم كيفاش يرضوعليه واشنو يكتبو؟
حيت هو دبا جالس بلا خدمة و خاصو غير معامن يدابز يلاه جراو عليه خواتاتو لبنات حيت دارهم وهز عليهم الموس
دبا حنا خايفين لايجي لينا أشنو كتنصحونا نديرو من الناحية القانونية و شكرا