استشارة/ ارجوكم البنات ساعدوني انا مقبلة على زواج مختلط.

---

hsjahvmL hv[,;l hgfkhj shu],kd hkh lrfgm ugn .,h[ lojg’> lojg’ hsjahvm or

السلام عليكم ورحمة الله

ختي قبل ما يجوبوك الاخوات يلزمك اول شيء تسولي وتاكدي واش لعندو لجوء السياسي ممكن ياخد معاه مرتو للبلد الي هو مقيم فيها لانه معندوش الجنسية يعني لجوء سياسي

وكذلك الدولة تاعتو على ما اظن مغادة تعطيه حتى ورقة لانه عامل اللجوء السياسي غادي يكون معارض

سولي اختي اول شيء وعاد حطي رجلك

الله يوفقك ياربي

السلام عليكم ورحمة الله وبركاته
اختي الي عند خطيبك لوجوء سياسي راه مغيدشي احصل على التاشيرة للمغرب الا ما عندة جنسية نورويجية هيلق مشكل في الفيزا كنتمنا ليك التوفيق

اختي العزيزة شكرا على ردك المفيد وكنتمنا تتعاونو معاية اكثر وتفيدوني بكل ما كتعرفو هو قالية انو يقدر يمشي لاي دولة بلا فيزة كياخدها من المطار ملي كيوصل وفي النرويج وخا مزال معطوه الجنسية مصلحة الاجئين ملزمة انها تسهل ليا الاجراءات الذهاب وتجيبني بلا مندفع حتى تكاليف الطائرة انا هذ الشي متاكدة منو ولكن معارفاش منين غدي نجيبو شهادة الاهلية و شهادة عدم السوابق العدلية واش من النرويج ولا من السودان وكنتما تفيدوني واش نقدر نتزوج بالوكالة حنتاش انا جاني هذ الشي معقد في الزواج العادي وجزاكم الله اخواتي العزيزات كل خير وكنطلب من الله الي كتمنى فيكم شي حاجة الله يوصلها ليها

ختي عرفتي اشنو يجيك مليح دخلي قسم لمغتربات لاي دولة تاع اروبا وسوليهم قولي لهم واش ايلا شخص كان واخد لجوء سياسي عندو الحق يسافر لاي دولة بدون فيزا

لانه هاد شي جاني غريب لبغى يسافر يلزمو الجنسية هو معندوش جواز السفر تاع النرويج باقي مخدى الجنسية غير لجوء سياسي كيف غادي يسافر

المهم دخلي لقسم المغتربات وسولي وانا غادة نحاول نسول ليك ونرد عليك ان شاء الله

والله يوفقك ياربي

شكرا اختي لحبيبة مرمر شكرا بزاف على الرد اختي راه عاطينو جواز سفر لجوء سياسي بسرعة كياخد الفيزة وراه سول على هذ الشي وراه عمر شي وراق تما في النرويج فيهم جميع بياناتي وقالو ليه حنا غدي نبعتو ليك جميع الاوراق الي لازماك للزواج في المغرب عبر البريد ولكن انا خيفا الوراق يتعطلو وهو خاصو يجي المغرب 20 في شهر 6 وغير سولي ليا انتي بدورك الله يجازيك كل خير وعطيك متمنيتي في خاطرك وانا راه مكنخلي منسول ونهار كامل وانا قدام النت كنقلب على شواحد من امثالك يفيدني والله يوفق الجميع

اهلا اختي فاطمة الزهراء سمحي ليا ما رديتش عليك ولكن باقي مسولت ليك

راني قريت اختي باغية تكتبي بتوكيل في موضوع الاخت تقوى الله

نصيحة ليك احبيبة متكتبيش دابا ومتسرعيش حتى تشوفي ونتاكدو مزيان انه غادة تقدري تلتاحقي بيه

واش هو تيشتغل بالنرويج حاليا عندو الدار فين غادين تسكنو

كذلك عرفتي تصلي على السفارة النرويجية بالمغرب وسوليهم واش لعندو لجوء سياسي بالنرويج ممكن يتزوج وياخد مرتو هكذا تاكدي مزيان اختي

راه انا سمعت بانه اخت غادة تزوج عراقي بالنرويج وعندو الجنسية النرويجية وكان عامل لجوء سياسي وخدى الجنسية وهو جى خطبها ولكن قبل ما يتزوجها قال ليها ضروري نلقى شغل باش يقدرو يخلوك تجي لنرويج

ولكن ايلا تقدري تصلي بالسفارة النرويجية او تمشي عندهم يكون احسن وتسوليهم

كتبي موضوع بالقسم وكتبي نداء لاي اخت تكون باروبا يكون عندها علم باللجوء السياسي واش ممكن ياخد مرتو

اما فيما يخص التوكيل بمصر غير تاكدي من المعلومات وانا نساعد ختي وما تحملي هم بخصوص التوكيل نوريك اشنو تعملي والمحامي كاين ليكتب ليك ونعطيك الامايل تاعو ورقم التلفون وتكتبي عندو ما يكون غير خاطرك بس اهم حاجة الله يرضي عليك تاكدي واش يقدر ياخدك معاه

الله يوفقك احبيبة

اما فيما يخص الاوراق لتتسولي عليها تاع شهادة الميلاد والسجل العدلي مادام تتقولي عندو جواز سفر تاع النرويج يعني راه ياخد الاوراق من تماكين بلاش ما يحتاج يطلبها من السودان

راني سولت ليك صحبتي ولكن للاسف قالت لي معنديش علم بقانون النرويج وقالت لي هو صعيب القانون تاعهم

وقالت لي ايلا عندو لجوء سياسي تيعطوه جواز سفر مكتوب فيه لاجئ يعني جواز السفار راه عندو اكيد

واش هو خدام وعندو الدار ؟؟؟

على ما اظن تيكونو تيعطوهم مبلغ تاع الايجار الدولة النرويجية وكذلك مبلغ كل شهر يعيش بيه لعندو لجوء

ولكن راه ضروري يكون تيخدم باش يقدر يديك معاه

اختي راه غادي يكون عندو مشكل باش يدخل المغرب ادا كان لاجئ خصوصا في هد الظرفية المغرب مشدد بزاف من هد ناحية و هو كيف ما قتلك الاخت راه تيعطيوهم مساعدات اجتماعية مكن الاقامة و مبلغ شهري و تسهيلات في الاندماج في المجتمع النرويجي بحيت تتكون دورات للغات و دورات في حرف او دروس فحال فورماسيون باش يقدر يخدم و كيف ما قالوا ليك راه لازم يخدم مستحيل يدير تجمع عائلي بدون عمل و غادي تكون صعوبات حتى في المغرب ادا بغيتوا ديرو العقد لان تيخافوا من بزاف ديال الامور اختي فكري مزيان قبل ما تديري شي حاجة تندمي عليها و سولي مزيان ما تقيش بمجرد كلام سولي جهات مكلفة و حتى الاوثائق لازم تكون من جهة رسمية باش تكون عندها مصداقية نتمنى ما تسرعيش و تظمني حقوقك من جميع نواحي و الله يسهل امورك