السلام عليكم أخوات عجبني هاد لقسم بزاف وشفت بيلا بزاف دلأخوات لاقين مشكل في السفر ديالهم و قلت ط¹ظ„ط§ط´ ماتجي كل وحدة فينا وتعرف بمدينتها :
الموقع؛ المناخ؛ أهم المأتير؛ الفنادق ومتوسط الأتمنة ديلهم؛ واهم مايميز هاد لمدينة؛ وحتى لمناطق لي قريبة منها ولي يقدر سائح يزورها
وبلا مانساو ا لمتاجر لأننا بطبعنا حنا لمغاربة إلا سافرنا مانرجعو حتى نخوييو الجييييب ههههه ياك وللا
ugha lkuvt,a fhgl]k ]dhgkh ]dhg,h
بينلي نبدا أنا لولا ياك أن فمدينة الداخلة في الصحراء لمغربية مدينة زوينة صغيرة عندها طريق وحدة منين تدخل وتخرج يعني داير بنا تبركلة البحرات يعني شبه جزيرة وصافي على دكشي لجو ديالها شوية معجعج يعني كيكون فيها ريح أغلبية الأوقات بنسبة لفندق كينين لمصنفين متلاً فندق رجنسي وكينن لعاديين تقدر تشد هوتيل ديال 50 ولا 100dh فيهاles cafée كين فين لواحد يقدر يدوز لويكاند كين 25 هي سميت واحد لا plage بعيد على داخلة ب 25km وكاين طلحة حتى هوplage وزيد وزيد وكينن متاجر على قد الحال حقاش لمدينة صغيرة كين شارع لعطرٍ تلقى فيه محلات ديل لحوايج وحتى دسندلات وكاين شارع تيرس حتى هو تلقي فيه حوايج هادشي لج فبالي دبا وأي تساؤل أنا هنا فلخدمة
سلام عليكم أخت عرفت على داخلة أنا غادي نعرفكم على ساقية الحمراء العيون ,العيون مدينة تجمع بين رمال صحراء وواحاتها وبين البحر لكبعد عليها تقريبا ب20 km ,جو فيها 4 فصول فنهار راكم عرفين جو فصحراء ,ناسها من أطيب خلق الله الكرم وحسن ضيافة,أما شوارع مشهورين ولتقدري تخوي جيبك فيهم شارع بوكراع فيه سوق يومي لبغتي كاين فهد سوق كاين شارع سكيكمة خاص بسلعة ديال اسبانيا أ فرنسا وشارع قيروان شارع مكة كاينة ساحة مشوار لربما كلشي شفها فتلفازة عبارة عن أبراج طوال معروفة بيهم العيون ،أما فنادق لهما رخص كاينين فشارع بوكراع بين 50 dh حتى 100dh أما غالين فشارع مكة و قيروان أما لكتعجبها نقرة كاينة واحد بلاصة حد ساحة مشوار خاصة بنقرة ،ولزار العيون مينساش يزور ساقية الحمراء نهار جمعة وأخيرا وليس أخيرا مرحبا بكم فعاصمة الصحراء
السلام عليكم أختي أندلسية123 تانا ساكنة فالعيون وكنضن عرفتي عليها تقريبا بكلشي اللي فيها وفيها الحوت رخييص هههه حيت أنا من محبي السمك إينا بلاصة نتي فالعيون مدة هادي باش ساكنة فيها؟؟ أنا دابا 3 سنوات باش ساكنة فيها إيلا كان ممكن نتعارفو أكتر وكنضن تاتعرفي المدينة مزيان تا إيلا بيت شي حاجا نسولك عليها مزوجة أختي وسمحيلي إيلا كترت فالأسئلة
مرحبا بناس لعيون هنية حتى أنا كتعجبني لعيون بزاااف حقاش دوزت فيها أحلى أيام سكنت فيها 3 سنوات وعندك لحق فيها ميتشاف ولحوت فيها رخيص حتى أنا عزيز عليا بزاف هههههههه بينلي بدينة غي حنا ناس دلجنب نتمنى أنيقات باقي مدن المغرب يشرفون هنا ويشاركنا فهد لموضوع
سلام عليكم أنا خلقت في العيون حياتي كاملة فالعيون لكن داب أنا مزوجة أساكنة فإسبانيا والدي أخوتي ساكنين في حي الوحدة 1هد 3 سنين معاودتش رجعت ,أنت فين ساكنة فالعيون
المشاركة الأصلية كتبت بواسطة ommoaad 
السلام عليكم أختي أندلسية123 تانا ساكنة فالعيون وكنضن عرفتي عليها تقريبا بكلشي اللي فيها وفيها الحوت رخييص هههه حيت أنا من محبي السمك إينا بلاصة نتي فالعيون مدة هادي باش ساكنة فيها؟؟ أنا دابا 3 سنوات باش ساكنة فيها إيلا كان ممكن نتعارفو أكتر وكنضن تاتعرفي المدينة مزيان تا إيلا بيت شي حاجا نسولك عليها مزوجة أختي وسمحيلي إيلا كترت فالأسئلة
سلام أم معاد كدير لباس عليك كيبان ليا غيرخرجت أنا من العيون دخلت أنت هههههههههه
موضوع زوين بصح ساكنين في المغرب ومكنعرفو عليه ولو من قل المدن لساكنين فيها والنواحي
أنا سكنة في العيون ولكن مش ديل صحرة ههههههه لعيون الشرقية ناحية وجدة كتبعد علينا وجدة ب 60 كم مدينة صغيرة لميزها الهدوء ورخاء المعيشة و قريبة لشاطئ السعدية وللمنتزه الطبيعي تفوغالت وزكزل فن كيخرجو ناس ينفسو عن أنفسهم وسمعت بالي الجو ديالها كيواتي لمريض بي الضيقة الله يحفظنا مفيهاش لطيلات ههههههه هاد شي لي بانلي قلتو هههه
أنا سكنة في العيون ولكن مش ديل صحرة ههههههه لعيون الشرقية ناحية وجدة كتبعد علينا وجدة ب 60 كم مدينة صغيرة لميزها الهدوء ورخاء المعيشة و قريبة لشاطئ السعدية وللمنتزه الطبيعي تفوغالت وزكزل فن كيخرجو ناس ينفسو عن أنفسهم وسمعت بالي الجو ديالها كيواتي لمريض بي الضيقة الله يحفظنا مفيهاش لطيلات ههههههه هاد شي لي بانلي قلتو هههه
موضوع جميل ومفيد يستحق التثبيث
لي عودة الى الموضوع
انا بنت اسفي. اهه مسفيوية على بويا وجدي. اسفي مدينه زوينه و ساحليه. بحرها غزال برمالو الدهبية و ملي توصلي لافي سري لباب الشعبة تقداي الفخار . وطلعي طريق سيدي بوزيد كو الحوت عند مدام السعدي . وطلعي لسيدي بوزيد شربي قهيوة و تمنظري في الغروب. و تبان ليك المدينه بالاضواء بحال شي عروسة بارزة. او اسف مدينه معروفة بالفخا وسيري لقسارية باب الشعبه و شري وتقداي معا راسك . ها العمالي و ها الفخار الحمر و الادها كتختالف. غادي نشوف شي تصاور و نلحقهم عندي .