اللي فايت ليها والدة بالفتيح تدخل

السلام عليكن أخواتي
بما أنني مقبلة على الولادة ط¨ط§ظ„ظپطھظٹط­ بسبب الجنين الما اديالو ناقص ماشي هو هداك
راني خايفة بزاف عاودي ليا أختي تجربتك واش كتبقاي تحسي بالحريق واش الفتيح اصعيب انا مولف نولد عادي وهاد المرة مبغاتش اطبيبة اديالي ضروري خاصني نفتح وعلى شحال كتنفسي وشحال ونتي كتبقاي متقدريش تنوضي
جزاكن الله خيرا أخواتي .
ادعيو معايا تمر العملية بسلام

---

hggd thdj gdih ,hg]m fhgtjdp j]og

اختي اللي قالت لك جبيبة ديريه الله يكمل عليك بالخير يارب ودوز كلشي على خير
غادي نقل موضوعك لقسم الولادة تما الاخوات يفيدوك اكثر

اختي بغيت غير ندعي معاك ماعندي حتى فكرة
ياربي يسهل عليك ياربي ماديري في بالك والو

الله افكك بيخير وعلى خير انا ولدت بلفتيح من مور ميمشي البنج كيجيك اشوية دلحريق ولوجع ولكن غي فاليوم الاول ومع المسكنات لي غيبقاو اعطوك مغتحسيش بزاف ونهار الوقفة حاولي تشجعي وتشوفي لفوق باش متشدك الدوخة وكلما تمشيتي كلما بريتي بالنسبة للتنفس انا ولدت فاسبانيا هنا غير كدوز 9 سوايع كيقولولك كولي سواء تنفستي او لا

السلام عليكم أختي معندكي مناشتخافي كلشي غادي يدوز مزيان إن شاء الله انا ولدت بالفتيح الحمد لله كلشي داز مزيان ولله الحمدغادي يبنجوك بنج نصفي مغادي تحسي بوالو مكاملاش 10 د يجبدو البيبي تشوفيه ويديوه ديك ساع غادي تيقاي شي.ساعة عاد يكملو الخياطة متاتحسي.بوالو مجمعين معاك ههههه صافي من بعد ساعتين مورا العملية تيتحيد اللنج تتحسي برجلسك تيتنملو تبدا الحريق تيجيو.يدربو ليك فصيروم باش يفوتك تتبقاي نهارلول ناعسة على ضهرك نهار تاني فصباح تينودو دير شي خطوات وترجعي تنعسي ونصسحة مني الا بغيتي دغيا تبراي تمشاي يعني كل ساعة نودي ديري وخا غير جوح خطوات ونعسي أمتبقايش غير ناعسة أنا تنفست على يومين ونهار تالت خرجت من كلينك نهار سابع حيت لغراز متخافيش انتي توكلي على الله وحسني ضن.برب العزة وربي مغاديش خيبك.وكلشي يدوز مزيان

الله يفك وحيايلك على خير اختي وتشوفي البيبي وتفرحي بيه ،تانا ولدت قيصري هنا تيديرو البنج الكلي ،غير تتبدداي تفيقي من البنج تتبدا كل نص ساعة الممرضة تسولك واش فيح الحريق ودق لك برة وفي اليوم التالي تتبقى تشد فيك وتتمشيك.انا ماحسيتش بالحريق حيت كما قلت لك كل مرة تدق لي ابرة الحريق والله يتمم كل شي على خير .

اختي ما عندك مناش تخافي حتا انا ولدت يالفتيح وفلول ماكنتش باغا كنت رافضة الفكرة نهائيا ولكن الوالده تحلات ب 4 سم وحبسات بقيت كنتوجع النهار كامل بلا فايده ملي وصلات 10 دالليل ستسلمت وكلت ليهم نفتح وصراحة جاتني سيزاريان ساهلة بزاف ودغيا دازت ومع درت التخدير النصفي بقيت كنشوف فيهم وشفت بنتي……
المهم غير توكلي على الله
اه نسيت ماكلت ليك كان عندي نفس المشكل اخر ايكو درتو كالي الطبيب راه الما بدا كينقص حيت وصلت ل 40 اسبوع ويومين وكاليا الى ماجاك الوجع جي نديرو ليك وجع اصطناعي وجاني الوجع قبل يالنسبة الحريق ديال الفتيح دغيا كيفوت ودغيا غتنوضي للشغل ماشي بحال الغراز الله افكك بخير وعلى خير

الله يفكك على خير اختي امتى عندك العملية؟
الله يقومك بالسلامة

اختي الله افكك على خير
ومن الاحسن متسمعيش تجارب الاخر لان كل وحدة وحالتها توكلي على الله وكلشي يفوت ان شاء الله
انا والدة جوج مرات بالفتيح
بالنسبة للحريق بعد الولادة كينين مسكنات اختي مكين لاش تخافي

اختي الفتيح ارحم من الطبيعي، انا جربتهم بزوج الفتيح غير تيديروا لك البنج ديال التحت كي الرحمة ما تيبقاش الوجع و بعد العملية تيعطيوك مسكنات و خاصك تنوضي الغد ديال العملية تمشاي باش تبراي دغية، اما الطبيعي تبقاي توجعي ما تيخرج البيبي حتى تيطرطق ظهرك و تحبس فيك النفس بالالمتحسي بحال الموت دخلاتك.
الله يفكك على خير.