السلام عليكم عفاكم الاخوات انا بنتي كانت كطلع ليها السخانة فاش درت ليها التحاليل لقيت عندها ميكروب فالنبولة نعست انا وياها 8 ايام فالمستشفى بدلت ليها ليكوش وبديت كنمسح ليها بليلانجيت المهم ناضو ليها شي حبيبات فحجرها دابا 13 يوم وهاداك لحبوب مرة كيكرم ومرة كيعاود يرجع وشتو دابا غادي وتيكتر غادي ليها اللور الله يرحم ليكم الوالدين اللي عندها شي فكرة وحتى اللي ماعندهاش دعي مع بنتي بالشفاء بنتي عندها فعمرها 11 شهر
uhth;l k,v,kd
بدلي ليكوش و بقاي توضيها هدوك les lingette حيديهم يمكن مجاوش معاها
من الاحسن ماء دافئ و صابونة بلا ريحة و غادي تهناي ان شاء الله
اما بخصوص دوك الحبوب دهنيهم ليها بالمرجان ديال زيت الزيتون راه مفيد بزاف بالحق متكونش فيه الملحة، كذلك الحناء تكون مدقوقة على يديك خلطيها مع شوية ماء دافي وزيتة ودهنيها ولبسيلها ليكوش راها حتى مهي مفيدة
وحتى الا تترضع منك ردي البال وبعدي منالحاااااااااااااار
منين تبغي تبدلي لها الكوش خذي فوطة صغيورة فزكيها بما دافئ ودهنيها بشوي صابون طرف ومسحي لهابه وفوطة اخرى بماء نظيف ومسحي لها مزيان ونشفي لها ودهني لها بالداو الحمر راه عند الفارماسيان وخيه حتى نشف وديري لها بيبي سات فوق منو وبدلي لها نو الكوش ممكن اكون منو حاولي تلبسيها هد المدة غير حويجات ديال الدار حيت الدوا لحمر متيزولش من الحوايج حتى تبرا لك
وماتخليش عليها الكون بزاف غير تعرفيها فزكات او وسخت على طول بدلي لها وعاودي نفس العملية وان شا الله تولي لباس
بعدي من ليلانجيت
جربي هدشي وان شالله تبرا
بنتي هكاك وقع لها في الصيف عطيتها حليب كرواصونص ماوافقهاش ووسلخها لي
عيييت بالدوايات ولا
حتى عملت هدشي صافي الحمد لله جاب ربي الشفا عليه مايكون عند بنتك ان شا الله
هادوك الحبوب راهم من لي لانجيت ما مولفاهمش بنيتك هادا ما كان انا كنت بدلتهم لها و طرا نفس المشكل و لرجعت شريت لي كنت ناخد
و حتى البوماض لا بدلتيها تدير هاكاك ، و كيف قالت البن الدوا الحمر هو الحل ، انا ما نفعني غير هاديك الرشاشة لي داويت لهل بها البوط كانت ماوال عندي كنت كنرشها و كنتسنا تشف شوية و ندير البوماض و نسد الكوشة