سال المجرب لا تسال الطبيب؟ايوة عتقوني المجربات راه الاطباء دوخوني ؟؟؟؟؟؟؟؟؟؟؟؟؟؟؟

السلام عليكم الانيقات
انا عندي بنيتة عمرها عام و4 اشهر، وهاذ الشهر تعطلت علي الدورة ودرت التيست في 4 ايام الاولى وما بانش دابا دخلت في 12 يوم وباقي كنرضع بنتي.
درت بحث في غوغل شي كيقزل مسموح تبقاي ترضعي بنتك حتى الشهر 5 من الحمل الثاني وتوقفي وشس كيقول راه خطر خااص توقفي مباشرة.
ايوة ما فهمت واااااااااااااااااااااااالو وجيت لهنا باش تفيدوني بتجاربكن
في انتظار ردودكن

---

shg hgl[vf gh jshg hg’fdf?hd,m ujr,kd hgl[vfhj vhi hgh’fhx ],o,kd ??????????????? hgNovm jahx ahx

لا تقدري ترضعي إيلا صحتك تسمحلك بالرضاعة ، أما هو الحليب راه مايضرهاش نهائييييا واخا حاملة ، غير هو شوفي نتي على حسب واش عيانة ولا لا ؟
خاصك تاكلي مزييآان لحقاش راه ماشي ساهل ترضعي وحاملة في نفس الوقت

أختي حتي أنا كنت ديما كنتساءل هاد السوال وكيفما قلتي كاين بزاااف ديال الآراء كل واحد واش كيقول حتي شفت بعيني هنا العيالات كيرضعو 2 تبارك الله التربية ولوليد ولا البنية لي كبر منها يعني الأم كترضع وكتحمل وكاتبقا ترضع حيت كتولد وكترضعهم ب-2 ماشاء الله وهاد شي لي ناوية ندير الى سهل علي الله و حملت .أختي حتى أنا كنرضع ولدي عندو دابا عام وشهر وبغيت نحمل و عمرني وما شربت الفانيد ولا حتى شي وسيلة ديال منع الحمل وباقي ما سهلش الله واخا الحيض راها جاتني مني كملت 4 شهور من بعد الولادة واش أختي بصاح الرضاعة كتشد الحمل واخا تكون الدورة كتجيني منتضمة كل شهر غير لي لاحضت أنها ولات كتجيني قلييلة .عافاك اختي فيديني إلى عندك شي معلومة راني بغيييييييييت نحمل ولكن ما قدرتش نفطم ولدي دابا شي كيقول كيقول لي إلا مافطمتيش ما تحمليش وشي كيقول لي مني كتجيك الحيض بلا تفطمي راه الرضاعة ماشاداش ليك والله ماعرفت اش ندير حرت.سمحيييي لي طولت عليك انتي بغيتي تسولي صدقت أنا لي كنسول فيك ههههه

اختي انا باقة ما عارفاش راسي واش حاملة او لا، ثانيا شحال من بنت كنعرفها حملت وهي كترضع، ولي قريت ان الرضاعة كتشد غير الاشهر الستة الاولى من بعد الرحم كيولي نشط يعني تقدري تحملي واخا كترضعي.
الله يسر
بالحق بغيت نأكد حاجة واش فعلا شفتي ناس رضعو وليداتهم واخا حاملات وما موقع لوليداتهم والو ؟؟؟؟؟؟؟؟؟؟ عفاك جاوبيني

أختي راني شفتهم كيرضعو ماشي غير مني حاملات راهم كيرضعو حاملات وحتي مورى لولادة وبقاو كرضعو 2 وليدات أختي شفت تقريبا شي 4 ديال الحالات 2 شفتهم في سبيطار مني ولدت ووحدة شفتها عند الطبيب كانت كترضع البنية ديالها عندها عام و-7 شهور بقينا داوين أنا وياها علال كرش ما الكرش قلتلها كاتبان لي كرشك باقا منفوخة وخا عام وهادي و-7 شهور باش ولدتي قالت لي لا را يلاه والدة بنية أخرى هادي 2 اسابيع خليتها لباباها قالت لي كترضعهم ب2 ولكن معاونا بالحليب.وعاد وحده أخرى تبارك الله ماشاء الله ولدها يلاه عندو عام وولدات بنية تصوري سبحان الله بحال إلى كترضع في التوام وسبحان الله حملات على ولدها قبل ما تجيها الحيض وكانت معتامدط على رضاعة طبيييييعيت وكترضع بليل وبنهار ورغم دلك حملات كيف ما كيقولو كل وحده والجسد ديالها كل وحدة والهرمونات دياولها.أختي حتى تاكدي بلي راكي حاملة أن شاء الله وشوفي انتي والحالة ديالك كيفما قالت الأخت نبع الحنان ولكن أختي إلا ما طاوعاتكش نفسك وبقا عندك تخوف بلا ترضعي ونتي خايفه حينت الوسواس خايب ماغاتكونيش ترضعي ونتي مرتاحة أما عن نفسي أنا أن شاء إلى سهل الله نويت واخا نحمل حتى نكمل عامين عاد نفطم.أنا راني مسبقة العصا قبل الغنم.باركا نحلم ههههه باركا كنخطط غير بوحدي .الله يسهل على الجميع أختي

السلام عليكم اختي الرضاعة ماكتحبسش الحمل انا حملت على خمس اشهر وكنت كنظن بان الرضاعة غادي تشد وكنت حبلى في 3 اشهر وماعارفاش يعني بقيت كنرضع ولدي 3 شهور اللي انا حاملة حتى مشيت عند الطبيبة دارت لي التحاليل و طلبت مني نوقف الرضاعة في هذاك النهار وفعلا فطمت ولدي ساعتها

المشاركة الأصلية كتبت بواسطة mahboubat ali

أختي حتي أنا كنت ديما كنتساءل هاد السوال وكيفما قلتي كاين بزاااف ديال الآراء كل واحد واش كيقول حتي شفت بعيني هنا العيالات كيرضعو 2 تبارك الله التربية ولوليد ولا البنية لي كبر منها يعني الأم كترضع وكتحمل وكاتبقا ترضع حيت كتولد وكترضعهم ب-2 ماشاء الله وهاد شي لي ناوية ندير الى سهل علي الله و حملت .أختي حتى أنا كنرضع ولدي عندو دابا عام وشهر وبغيت نحمل و عمرني وما شربت الفانيد ولا حتى شي وسيلة ديال منع الحمل وباقي ما سهلش الله واخا الحيض راها جاتني مني كملت 4 شهور من بعد الولادة واش أختي بصاح الرضاعة كتشد الحمل واخا تكون الدورة كتجيني منتضمة كل شهر غير لي لاحضت أنها ولات كتجيني قلييلة .عافاك اختي فيديني إلى عندك شي معلومة راني بغيييييييييت نحمل ولكن ما قدرتش نفطم ولدي دابا شي كيقول كيقول لي إلا مافطمتيش ما تحمليش وشي كيقول لي مني كتجيك الحيض بلا تفطمي راه الرضاعة ماشاداش ليك والله ماعرفت اش ندير حرت.سمحيييي لي طولت عليك انتي بغيتي تسولي صدقت أنا لي كنسول فيك ههههه

لا احبيبة بلا ماتفطميه

راه مرات خويا حملت وهي ترضع وتتشرب الفانيد ولدها كان عنده 8 شهور غير مرة بدلات وقت الفنيد وربيحنتها وحملت

غير ترجاي الله

راه لي تتوقف الحمالة هي ترضعي وماتجيكش الدورة

اما الا تتجيك راه غيكون حمل الا بغا الله

انا الطبيبة ديالي شرحت لي من بعد ماولدت هدشي لي قلت لك دابا

الله افرحك غير راقبي وقت التبويض عندك واعطي لطاك ههههه

وربي يرزقك رية صالحة

شكرا البنات على الردود ديالكم، والله يحقق لكل وحدة ما كتمنى في خاطرها
وباقة طامعة في اجوبة اخرى من عند الانيقات لي كنتمنى ما يبقاوش غير يطلو ويهربو يحاولو يفيدونا ويشاركونا بارائهم
اللهم يسر للجميع