تجمع الانيقات اللي تيعانيو قلة الحليب

الانيقات الي طھظٹط¹ط§ظ†ظٹظˆ من قلة ط§ظ„ط­ظ„ظٹط¨ علاش منفتحوش هاد التجمع ويكون فيه الاجر باذن الله لكل وحدة تتحسن كمية حليبها من خلال المساعدة ديال بعضنا

---

j[lu hghkdrhj hggd jduhkd, rgm hgpgdf- vqhum ‘fdudm- hgpgdf ‘fdudm rlm

ها وحدة معاكم انا شبه منعدم كاين نهار لي مكنرضعش فيه نهاءيا

راه لانك متترضعيش غادي يمشي لك نهائيا حاولي ترضعيه باش يحفز التديين ينتجو الحليب وكولي مدرات الحليب ايوا فينكم المرضعات

سلام وعليكم
بغيت نعرف بش كتعرفو أنه لحليب عندكم قليل
أختي أحب زوجي جربي لحلبة كما قلتلك في تجمع مايا
وحتى أنا متيقتشي حتى قتلي ماما أنها شفت بعينا كترضع سبحان لله

أختي أنا كتبتلك إفادة في تجمع مايا بغيت غير الأجر من عند لله وتينا ستخصرتي فيا كلمة شكراً

مشكورة على لعموم

الله يجازيك بالخير ا ختي على هاذ التجمع.ان شاء الله ندير بنصائحكم.انا واخا الحليب شبه منعدم و الريوس قتلوني بالحريق تنرضع ولدي و تنعاون بالببرون مهم واخا غ قطرات مني حسن من والو.ان شاء الله يطلع لينا الحليب.انا مشكلتي شهيتي قليلة تنبزز على راسي الماكلة واخا هاكاك ناقصة.بغيت نسولكم واخا خارج الموضوع عفاكم فوقاش نقدر نمشي الحمام راني كرهت راسي.انا والدا دابا 3 اسابيع سيزاريان بالليزر.

ختي neehaمرحبا بيك شوفي عن تجربة انا واحد الايام مبقيتش تناكل مزيان ولات بنتي مسكينة تضل تجر ومبغاتش تشد ليا الرضاعة ولكن منين تهلست فراسي بالماكلة تزاد الحمد لله شوفي الى مكان عندك شهية للماكلة من غدا كولي حسوة ديال البلبولة لوحي فيها حبة حلاوة وعملي معلقة ديال الكروية او الحلبة او زريعة البسباس فكاس ماء سخون وخليها حتى تتطلق وشربيها هادشي كوليه تلاتة المرات فالنهار والغدا تغداي بالسردين مشوي والدنجال زعلوك ومتنسايش تشربي الحليب وقرعة ديال الماء لتر فالصباح ولتر فالعشية مفرقين طبعا وميكون غير الخير

اختي محبة زوجها.الله يكتبها فميزان حسناتك.راني بديت من اليوم قلت لراجلي يجيب السردين لغدا.و البلبولة غادي ان شاء الله نديرها صباح مساء.شكرا بزاف

السلام عليكم يا امهات
حتى انا معاكم ولدي عندو 9اشهر و مبقاش فيا الحليب و مبغاش ليا البيبرون
و الريوس طايبين ليا حيت الفليليس كينوض السنان
عرفتو مع مريض مبقاش باغي ياكل غير البزولة نهار كلو و هي في فمو و يبكي حيت ناشفة

اختي حاوي تاكلي الاصناف الي مكتوبين فالمشاركة الي من قبل وحتى راه كاينين واحد الاعشاب تيزيدو الحليب فالفارماسيان وحاولي تشربي الحليب بزاف والفرملح والحوت لان ولدك تينوض السنان ومحتاج الكالسيوم