واش كدوشو لولادكم

---

,ha ;],a, g,gh];l H,gh];l ;d,.k

السلام عليكم
انا منين كانت عندها شهر و نصف تديها جدتها و عمتها للحمام بالليل…اولى كنعوموها بليل و ترضع و تنعس

اسال الله ان يرزق كل اخت منتظرة الدرية السليمة الصالحة عاجلا امين امين امين

اختي ماشي ضروري تعوميها يكفي تمسحي ليها بالحليب او الزيت عنقها ووطوبكاتها وخلي بنتك صحيحة
ايام الصهد والتحمام جاية ان شاء الله حتى انا عندي بنيتة عمرها 4 اشهر هاكا كندير ليها وملي كنحس بالجو سخن كنغسل ليها غير لتحت بصابون المنجل باش ما تطيبش وفخيداتها ورجيلاتها وايدها
الله يقدرنا على وليداتنا

عليك بالسخان كهربائي حفاظاأختي على صحة صغيرتك
سخني الدوش أو الغرفة مزيان عاد دوشي ليها هادشي للي كندير مع ولدي ملي كان صغير
وماتخميش في الضوليجي غالي المهم صحة بنتك

كيف ما قالت ليك اختي مينة ورد سخني مزيان ودوشي ليها
ومن الاحسن دوشي ليها فالليل وفي البيت اللي تتنعس فيه وخلي شعرها هو الاخير عاد غسليه بعدما تكوني لويتيها في فوطة وسخني ليها حويجاتها عاد لبسيهم ليها ونشفيها مزيان رضعيها ونعسيها
راه مزيان تولف العومان راهم تيدوشو وتيتكلبو بالنعاس سبحان الله تيرتاحو
حتى انا بنتي مني خرجتها من السبيطارمبقيتش تندوش ليها كلا نهارواخا كاينة السخونية و ولات تتخاف ليا من الما حيت كانو شدوها واحد 10 ايام وكانو تيدوشو ليها يوميا بعض المرات حتا الوحدة الليل كنت تنشوفقهم تيدوشو ليها مع كانو تيعيطو عليا نشفط الحليبوتنشوفهم
والله يخلي ليك بنيتك ويحفظها

السلاام عليكم
انا ولدي عندو 9 اشهر تنديه معايا للحمام مرة فالاسبوع تنغسل ليه تيعجبو الحال وتنلبس لو الداخل ونلويه فالفوطة ونسيفطو للدار ماتيوقع لو والو صافي ولف حتى هما مساكن تيرتاحو ملي تيغسلو

اختي انا بنتي باقي ماعنداشي حتى شهر و كندوشلها كنسخن البيت ب الشوفاج و كنغسلها فيه و كيفما قالو البنات ف الليل حسن كتنعس مزيان

دوشت لها مرة وحد ندآمت دخلها لبرد مزيآن كلشي ضار فيا وليت غا كنمسح لها وخى دوشات بليل و فلبيت سخنتها قبل مع دالك مرضات دوزتها علينا