السلام عليكم الحبيبات الله يسعدكم عاونوني وطمنوني الله يطمن قلوبكم بخصوص ط§ظ„ط¬ظ„ط¨ط© هنا فالمغرب كيديروها كل شهر ولدي الشهر الأول داروليه برا فيدو وبرا فرجلو والشهر الثاني 3البراوات فرجلو طلعوليه السخانة مسكين والشهر التالت برا وحدة فرجلو طبعا بالإضافة للقطيرات اللي فالفم بغيت ظ†ط³ظˆظ„ظƒظ… بنات فإسبانيا وفالسعودية كيجلبو لولادهم من شهرين لشهرين علاش زعمة شنو ابفرق بينا وبينهم؟ المهم دابا ندوزو للموضوع اللي غيحمقني وماكيخلينيش ننعس ملي كنفكر فيه الختااانة غنختن ولدي قريب وإو باقي ماكملش 4شهور بإصرار باباه ط¨ط؛ظٹطھ ظ†ط³ظˆظ„ظƒظ… واش ماكيأثرش البنج الكامل على عقلو وكيفاش نتعامل معه قبل وبعد ط§ظ„ط®طھط§ظ†ط© وكيفاش غيصوم وهو كل ساعة خصو الحليب الله يسهل عليكم طمنوني وردو عليا راني غنموت بالخلعة عليه
fydj ks,g;l ugn hg[gfm ,ugn hgojhkm qv,,,vd hgpgfm
أختي بنسبة لجلب ماعنديش معلومة من غير أنك إلى بغيتي ديري ليه جلبة ديري ليه قويلب دوليبران قبل ب نص ساعة و من بعد ب٤ دسوايع هكى ماتطلعش ليهم سخنة بمرة أما لختان راه ماتايديروش بنج كامل تايديرو غير الموضعي
شكرا أختي أم آلاء وإسراء على الرد ضروري ياختي كنديرليه القويلبات كل 4سوايع والحمد لله فالختلنة قالوليا بنج كامل وخفت عليه وماعرفتش واش كيديروليه تحليلة الدم قبل والا ديريكت يبنجو ويختنو
السلام عليكم علاش يأاختي ماختنتيهش ملي تزاد واش هوما اللي قالو ليك غايديرو ليه البنج كامل اما بالنسبة للجلبة رآه هادوك هوما الجلبات اللي خصهم يأخذ
السلام عليكم ورحمة الله وبركاته اختي كيف الحال مبقيتش دخلتي لامسن انا امةالرحمان غيرت اسمي هدا بالنسبة للجلبة راني عاد هاد سيمنا درت لبنتي3 و لكن عادي مدرولهاش السخانة و بالنسبة الختانة راه لشفت كيختنو بلا بنج اختي ختنات ولدها في 6 اشهر بلا بنج تبارك الله برا بسرعة واش مسهرك ولدك بحالي هههههههه
المشاركة الأصلية كتبت بواسطة مغربية4 
شكرا أختي أم آلاء وإسراء على الرد ضروري ياختي كنديرليه القويلبات كل 4سوايع والحمد لله فالختلنة قالوليا بنج كامل وخفت عليه وماعرفتش واش كيديروليه تحليلة الدم قبل والا ديريكت يبنجو ويختنو رآه كيديرو تحليلة قبل الختان قبل عاد كتمشي تديه يتختن ما عندك علاش تخافي رآه كلشي يمر بخير ان شاء الله
اختي الختانة مبقاتش صعيبة كيف قبل دابا كلشي تطور باستعمال اللازير غير ديري التحاليل و شوفي طبيب مزيان ولد خويا ختنوه ملي دار تقريبا شهرين و الحمد لله كلشي داز بخير و على خير و بسرعة تبارك الله ولى لاباس الحمد لله بالحقق معرفتش كيافش بنجوه
السلام عليكم حتا انا بغيت نختن ولدي في 7 ايام ديناه للطبيب قالينا خاصو تحاليل مع العلم كان كيختن بلا تحاليل ومع راجلي خدام خلينا الولد بلا ختانة دازت واحد السيمانة قاليا يلاه نديوه عند واحد الطبيب اخر مشينا عندو لقيناه كيختن بلا تحاليل ولكن قالينا تعطلتو جيبوه بكري مع 8 صباحا ورجعنا ودابا باقي مختناه حتى يشد راجلي نهار اخر ونديوه عند الطبيب لي كيختن بلا تحاليل.وبالنسبة للختانة راه كيختنوه بلا بنج هادشي لي عارفة.
انا متفقة مع الاخوات البنج مكيكنشي كامل وبالنسبة للصيام راه غيختنوه فالصباح مثللا شدي الموعد ف 8 دالصباح واخر رضعة عطيهالو قبل ف 12 او 1 دالليل ن بعد الختانة كنضن خصو يبقا شي ساعة ولا ساعتاين عاد ياكل, راه الختانة ولات ساهلة, غير ملي تبدلو لكوش عملو واحد البودرة غيخرجالك الطبيب , عمل كل مرة كمية كبيرة باش الكوش مدلصقش وان شاء الله كلشي يدوز بخير
بالنسبة للجلبة او الدوا راه كل بلاد والنضام ديالها, مثلا ففرنسا كيخرجو نالمواليد واحد التقطيرة لدفيتامين د لمدة عام وفالمغرب كنضن مكيعطوهاشي لان المغرب فيها الشمس على طول العام ماشي بحال فرنسا,,,