واش هادشي طبيعي

بنتي اليوم نعست بزاف وصدري عمر ليا ما شاء الله ومنين تنعطيها ترضع دغيا تتحيد والحليب تيدفق قلت.واش الى كان الحليب كتير خاصني نقصو يعني يدعقها. والله حرت اولا دغيا تتشبع عفاكم جاوبوني واش منين تتبغي تمص المانطة او حوايجها الى قربو لفمها يعني الجوع

---

,ha ih]ad ‘fdud

السلام عليكم

أختي تبارك الله وماشاء الله هذه نعمة عاطيها لك الله باش تشبعي بنيتك ولله الحمد وحاولي ما تضيعيهش استعملي la pompe ونقصي بها الحليب وممكن تخليه في الثلاجة مدة 3 أيام والى كنت ما محتاجاهش حاولي تعطيه لشي بيبي الي مسكين يكون محتاج به وغادية تديري خير والي غادي يجازيك عليه ربنا سبحانه وتعالى
وما تخليهاش تعلم العادة ديال العضان في الحوايج الى كانت أقل من 6 شهور رضعيها والى كانت أكثر من 6 شهور عطيها العضاضة الي كتباع في الصيدلية أو عطيها خبيز أو أي حاجة ممكن تاكلها
الله يخليها لك ويحفظها

اختي احب زوجي و اعشقه انت بحال لوستي منين كيكون فيها الحليب بزززاف ولدها مكيقدرش يرضع كيشد شوية و يطلق حيت كيغلب عليه كتخليه ينعس حتى يفيق عاد كتكمليه
او كيف قالت الاخت استعملي الشفاط ديال الحليب راه كاين في الصيدلية و بقاي تحتافضي بالحليب في الثلاجة و الادات ديال الشفط ديما عقميها
انا كنت كنديرها مع بنتي منين مبغاتش ترضع مني كنت ديما كنحلب بزازلي و نعطيها ترضع

هذه نعمة كبيرة الله يدومها عليك و يخلي ليك وصال ان شاء الله

السلام عليكم ورحمة الله

انا رايي اختي تخلي الامور غادا على طبيعتها لانك ملي غادي تستعمل الاة اللي كتحلب الصدر غادي يولي الطلب كبير وبالتالي انتاج الحليب غادي يزيد فغادا غير تعقدي الامور والامر اختي راه عادي في الشهور الاولى كيكون الحليب موجود بوفرة من بعد راه كيقل
بالنسبة الاقتراح تاع الاخت الكريمة فانا ارى ان الامر صعب وممكن يوقع فيه خلط في الانساب فخاصنا نتابهو في مسالة الرضاعة

واي سؤال تفضلي اختي بكل فرح

متافقة معاكم شكرا ليكم هادشي الي عملت البارح تيقولي راجلي كون تبقى جعانة مغديش تسكت من الغوات يمكن دغيا تتشيع

سلام أختي
حقيقة نفس لمشكل عند حتى أنا و لدي كان كيرطعلي مدة طويلة دبا مبقاش مكيزدش على 10 دقايق وخصني نخليه شوية ونعاود نحاول معه يزيد
و راح بالي معه خفت ليكون مبقاش خصو صدري أولى مكيشبعشي
نتمنى الأخوات لعندم خربر يفيدنا لله يجازيهم بكل خير
و ربي يخليلك وصال و يحفضهلك

السلام عليكم، أولاً أنا تنقول لسيدة مولات لستفاسر تحمد الله أتشكرو حمدا كتيراً على نعمة عطاهلها الله، أولله يحفدلك أختي بنيتك تتشوفيها كما بغيتي، أكندن لاخوات عطوك حل نجيع ديل شفط الحليب إلى كان كيبقلك فصدرك أعلاش لا إلى كانت حداك شي جارتك مسكينة مافيها حليب اباغى ترضع تصدقي حليبك في سبيل الله مافيها تحجى بلعكس هدي أحسن صدقة ، اهنا بغيت نجاوب لخت لقالت غيكون خلط لنساب، أختي ماكين لا خلط لا ولو غير بنادم يعلم وليداتو من صغر ها معامن مرضعٍين بش كتكبر معهم لمعلومة من صغر، أبلعكس أختي هاد لعمل خصنا نشجعو عليه مشي نخوفو ناس منو حيت عمل خير الوكان فيه شي soue مكانش رسول الله صلى الله عليه وسلام تولد من مرة أرضع من مرة أخرى. فالله يخليكم الأخوات متبقوش تخرجو لفتاوي بدون علم ، واستسمح.

السلام عليكم ورحمة الله

اختي الكريمة عندك الصح فالاسلام اباح الرضاعة ولنا في رسول الله صلى الله عليه وسلم القدوة الحسنة ولم اقل اية فتوى

لكن ما قلته انا ايضا صحيح فكم من المصائب تقع بسبب التساهل وجهل الاحكام التي تترتب عن الرضاعة

بل هو امر محمود ان ترضع طفل يتيم توفيت امه او طفل اخر لا يوجد لبن بامه او عجزت عن الرضاعة بسبب المرض او …

لكن ادا كل ام فيها حليب ما شاء الله بارك الله بوفرة ترسله الى الجارة وهي لا تعلم هل هده الاخيرة ارضعته لطفلها ام تصدقت به ام رمته فكيف لي ان اقول لابني ان فلان او فلانة اخوك من الرضاعة

فالمسالة ليست بالهينة اختي

تقبلي مروري في امان الله

والله يفك وحايلك على خير

وعليك سلم الله أختي، دبى ملي وضحتي وجهة نضرك أنا متفقة معاك 100 في 100, خاص لوحده teakad ليمن كتعطي حليبها قبل ماتعطيه، أتكون لمور واضحة…الله يبعد علينا أعليكم كل مكيغضب الله
أجازاك الله خيراً أختي على دعائك معي.

ههههههه الحمد لله ملي تفاهمنا

الله يودي يا اختي ما شي بالجميل راكي اختي في الاسلام ندعي ليك بكل فرح ولكن حتى انت ادعي معايا راني قربت طميمعة ههههه ياكي