السلام عليكم اخوزاتى
اخواتى بغيتكم تساعدونى الله يكتر خيركم
ااخواتى انا تزوجت فى المغرب بزوج عربى يحمل الجنسية الهولندية.
ودخلت هولندا بطريقة غير شرعية ودابا انا 4 سنين وانا فى هولندا معنديش الاوراق. وعندى طفلة عمرها 1 و3شهور.
ودابا عندنا مشاكل كتيرة واهمها ان زوجى مبغاش يعمل ليا اوراق الاقامة ومخلينى دابا ضيعة حياتى فى الغربة محرومة من جميع حقوقى. دابا اخواتى بغا نتفارق مع هد السيد عفاكم كولوا ليا فين اتجه وفين نخد حقى منه الله يكتر خيركم.
hvd] hg’ghr lk .,h[ hglojg’
والله يفك مشاكلك على خير اختي
ثانيا اختي كنذكر بحديث النبي صلى الله عليه و سلم حيث قال(((((ما كان الرفق في شيء الا زانه و ما نزع من شيء الا شانه))))
بمعنى اختي نتي الان في ورطة و الله اعلم شنو هو موقف القانون من الحالة ديالك حيتاش تواجدك فديك البلاد غير قانوني ف اللهم نتي ركزي على راجلك و بداي عليه بالتبحليس و الصباغة و دلليه شويا و رجعي ايام الماضي معاه حيتاش قصوحيت الراس ما عندك ما تصوري منها و ربما فالاخر ترجعي لبلادك بلا ديدي بلا حب الملوك و فكري فبنتي شنو مصيرها حيتاش هو هولاندي يعني حقوقو كلها مضمونة الدور و الباقي عليك نتي لي عي حارقا و صلحي الامور بينك و بين رجلك حيتاش حتى شي عش الزوجية ما خطاتو مشاكل و حتى واحد مالاقيها كيف بغا غير مولانا الكريم و ان ابغظ الحلال عند الله هو الطلاق كما ان الشيطان كل ليلة كيرسل جنودو يوسوسو فبنادم و احسن شيطان هو اللي كايدير مشاكل بين الازواج و كيفرقهم نعلي الشيطان و صبري را الحياة كلها مشاكل و سعداتك يا لي داير الخير
و نتي اقل حاجا دابا ركزي باش تقنني الحالة ديالك و تحصل على ايقامة و هادي خاصها شويا ديال التنازلات و منها الدبلوماسية مع راجلك بالتبحليس كيف قلت من قبل و كيف ما كايقول المثل المغربي المرا البحلاسا غلبات المرا السحارة و التبحليس هو من ذكاء المرءة و حكمتها و كدلك لعبي دور الضعيفة على راجلك ما تبقايش تتقواي عليه و تقصحي راسك
و الله يسمحلي الا قلت شي حاجا غلط
المسالة كلها لازمها مزيد من الصبر و التحمل
وكيما قالت الاخت ام كردي حاولي تاخذيه بالعاطفة احسن ما تاخذيه بقوة الشخصية
انتي دابا مزوجة وعندك طفلة يعني من الناحية الشرعية راكي مرتاحة
ومهما جلستي ومهما بقيتي غادي يجي واحد النهار يضطر فيه باش يدير لك اوراقك
لانك ولدتي معاه ومزال غادي تولدي فلابد يضطر يدير لك اوراقك
صبري وتحملي الغربة واتصلي بداركم وهدري معاهم راه الوسائل ديال الاتصال
ولات مطورة وتقدري تهدري معاهم بالانترنت النهار كامل واياك ثم اياك تدخلي داركم فهاد المشاكل
لانها غادي تزيد الطين بلة انتي بمعرفتك كامراة حاولي تضغطي عليه بالحب ديالك ليه
ماشي بالعكس والضد
اما الا تطلقتي غادي ترجعي لداركم وفيديك بنت
ومستحيل تعيشي فداركم بحال كيف كنتي بالاول
حتى حد ما تيقبل بنتو ترجع له مطلقة واخا ما يقولوش ليك غادي تحسي بيها
اللهم مزوجة بلا اوراق ومع راجلك موفر لك كل شيء
ولا مطلقة ببنت ترجعي لداركم وتولي عالة عليهم انتي وبنتك
وحتى لا خرجتي تخدمي را تتبقاي فنظر المجتمع مطلقة واحد يرمي لك هدرة
وواحد يطلب منك اشياء لي انتي فغنى عنها لا بقيتي مزوجة
انا تنضم صوتي للاخت وتنقولك صبري ثم صبري ثم صبري
وعفاكم دعوا معيا يغلبنى الله عليه ويسمع كلامى ونعمل تنيا كيف الناس اوراق الاقامة .
الله يرحم ليكم الوالدين