شكون عندها فكرة على مشكل الحكاك مضيقين تفيدني و الله يعطيها كل خير فهاد الشهر الفضىل

السلام عليكم
انا قاصداكم تعاونوني و طمنوني حيت ختكم مخلوعة و ماباغاش نتييق بلي خاصني نولد سيزاريان، شحال و انا كنحلم نولد طبيعي و نهز ولدي و نرضعو
البارح مشيت عند طبيبة انا كملت 36 سيمانة، قالت لي كلشي مزيان و الولد مقبل، و عطاتعني ندير راديو دالحكاك حيت اول ولادة
هي كتبات لينا ف الورقة باش نديرووه نهار1 ف شهر 8 ولكن انا وراجلي مارديناش البال لتاريخ مشينا درناه ديك ساعة و جبناه ليها، بقات كاتخاصم و كاتغوت ، قلنا ليها الى بغيتي را نعاودوه، لمهيم فاش قراتو قالت لي عندك لحكاك ظ…ط¶ظٹظ‚ظٹظ† و غاتولدي بالفتيح صافي و خرجنا
انا تصدمت صراحة بقا فيا الحال غايخصني ديما نولد بالفتيح
المهم بغيت تنصحوني واش صافي ما كاينش امل نولد طبيعي زعما لحكاك ماغايزيدوش ايتحلو فاش تقرب الولادة، واش نصبر شوية و نعاود ندير راديو واخا غالي
عافاكم نصحوني و دعيو معايا ط§ظ„ظ„ظ‡ يعطيكم كل خير

---

a;,k uk]ih t;vm ugn la;g hgp;h; lqdrdk jtd]kd , hggi du’dih ;g odv tih] hgaiv hgtqng hgtqdg

سمحيلي احبيبيبة ولكن كلام الطبيبه سليم انا عندي نفس الحالة و ولدت بالفتيح الله يفكك على خير انا راه رضعت بنتي الله يدير اللي فيها الخير

ما تعرفي ربي يسهل ليك وتولدي طبيعي

سلام اختي الى ماقأتيش فكلام الطبيب سيري ووريه لشي طبيب اخر ولكن الى كانو عندك الحكاك مضيقين فمن الضروري تولدي بالفتينح لاحقاش غير غاتكرفسي فالولادة الطبيعية

السلام عليكم
الله يفكك على خير،
بلاما تعصبي راسك وتخلعي اكثر وانت مقبلة على الولادة
خاص الحالة النفسية ديالك تكون مزيانة.
شوفي اختي را كلشي من الخير. را صاحبتي عندها نفس الحالة ديالك كتولد بالفتيح قاتلك أحسن من الوجع والعذاب .
وكترضع عادي خاص غير ترتاحي الاسبوع الاول
وكاينة بنت اخرى هي كتقول للطبيبة نولد بالفتيح كيجيها اسهل من الوجع .
الله يفرجها عليها ، المهم يكون البيبي سليم وان شاء الله تشوفيه تنساي الفتيحوتعاوديها مرة اخرى.

آمين احبيبة شكرا على الجواب ديالك الله يدير للي فيه لخير

ان شاء الله احبيبة غانشوف طبيب آخر، و نشوف رأي ديالو،الى ممكن نجرب ولادة طبيعية و الى تعسرت عاد ندير لفتيح

الحمد الله اختي على كل حال، سلمت امري لله ، و للي فيها خير الله يجيبها , شكرا بزاف على التدخل دياك

الي بغاها الله غتكون فوضي أمرك لله أختي

الى كانو الحكاك ضيقين مميمكنش تولدي طبيعي لانها هديك تتكون خليقة فبعض العيالات ميمكنش تولد الا قيصري
اختي معندك لاش تخافي و قيصرية احسن فنظري من الطبيعي لاننى تعذبت بزااف فولادة بنتى كنت غا نولد طبيعي تعذذذذذبت و هوما يدوزوني الفتيح و الله الى رحمة من عند الله مكملاش ربع ساعة تلقاك ولدتي و ولدك على خير غير حيدي الخلعة و قولي الحمد لله كين حل