Khalti sam3at khabar mo2lim bazaf

Salam 3andi wahad lkhala mjawja ktar man 10 ans o ga3 mawaldat fi had lfatra. Walbarah tahat fi khadma o jaboha ladar mali dawha 3and tbib gal liha 3andak kora fi walda o khasak thaydi lkora o lwalda o hana ha nti ila wladti khalah ghada tmot bilabka hata galbha tab o hiya ghada tahma9 tjib chi dari i3amar 3liha hiya o rajalha 3awad mchat 3and tbiba okhra o galat liha rah 3andak kora fi3lan o sayftatha 3and wahad tbib bach ichofha 3alah o 3asa ihayad liha chwiya man hadik lkora bach tahmal o man ba3d ihaydoha liha kamla ghada ghada tamchi 3and had tbib o chof ach ghay gol liha raha haltha hala o ma9adach tasma3 chi khabar bhal ligal liha hadak tbib .wach chi wahda fikom fayat manha sam3a 3la had chi aw 3la chi hala bhal hadi o brat natmana mankom tafa3ol wa chokran

---

Khalti sam3at khabar mo2lim bazaf khalti

أختي ماعندي حتى فكرة غي دخلت ندعي مع خالتك الله يسمعها خبار الخيرغدا يارب أو الله يفرحها أو يرزقها الذرية اللي تقر عينيها يارب أو يرزقنا جميعا

اختي الله يشافيها ويسمعها اخبار الخير
فايت لواحد البنت صاحبة اختي قال ليها الطبيب عندك كرة ومشات عند واحد اخر اكد ليها الهدرة ديال الاول هي ما تاقتش مشات غير عند طبيب عام وعادي وقال ليها العكس قال ليها بانها حاملة، والحمد لله دابا راه بنتها قريبة تكمل 5 سنين ، وكل مرة كتقول لينا ما كيبان لي غير نديها لعند هادوك الاختصاصيين لي دايرين ريوسهم مزيانين ونوريهم الكورة اش ولات؟
كنتمنى تكون خالتك بنفس الموقف ويفرحها ربي ويسهل عليها
وكل شي مكتاب وبايد الله

انا كنعرف وحدة سيده حيداتها ولكن محيداتش لوالدة يعني غير الكورة اختي الاطباء غير كيخرمز بعضهم الله يهديه والله يشفي خالتك قولي ليها بلا متسرعي حت تاكد اشنو عندها

السلام عليكم اختي الله يشافي خالتك والله يشوف من حالها فعلا لوستي كانت عندها كورة وسبحان الله غير لبارح دارت العملية وحيداتها بالحق محيدوش ليها الوالدة حيدو غير الكورة صافي(للاشارة هده لوستي معندهاش الدراري بالحق العيب من الزوج ديالها ماشي منها قبل متمرض بهده الكورة) الله يشافيهم جميعا والله يرزق كل محرومة الدرية الصالحة عاجلا غير اجل بارب

allah yechafiha wi yerzokeha adoriya assaliha

Khti lay ychafiha chafti wallah mab9a ti9a f taba dial daba kahssak tmchi 3and wahad o 2 o 3 bach yallah t2akdi .tkhayliw ahad sahabti galt liha tbiba 3andak hmala f garn o siyda masskina kan w9a3 liha nafss mouchkil chi 3am 9bal o haydou liha garn.jab lah bant matssar3atch o mali mchat 3and tbiba akhra galt liha hmal maziane o fblasstou .o mali 3aytat tbiba li kant galt liha khassak tji ndiro l operation man hana 45 minutes galt liha docteura rah mchit tbiba akhra o ban liha bebe galt liha ewa mabrouk galt liha o koun daba dart l operation galt liha kan ghadi nfato manl9aw walo o n3awdo nssadou wach hadou taba f nadarkoum .
Khti lah ychafi khalttak oy3tiha doria saliha ya rab

ach ghada ngolik ahbiba llayefarej 3liha wichafiha ohada nhar ljamo3a yaaaaaaaaaaaaaaaaarb tchafi had seyeda otesseme3ha khbar lkhir inchaallah oterezekha doriya ssaliha hiya wakol lmahromiin yaaaaaaaaaaaaaaaaaarab l3alamin waya arhama rahimin

chofi a khti bante khalti kante 10 snine mawaldat w makhalate madart w mara hassat bchi haja w mchat l tbib w galiha andha kora flwalda wkhassha thayadha w dare m3aha maw3id l3amaliya w hitamchi ande tbib akhor w galiha hamla w mchat and akhora galiha hamla w daba wlidatha kabroo matkoun khalteek inchallah w golha matazrabch rah rapi ando kol khire

الله يسمعها خبار الخير
الى قدر الله كانت عندها كورة تحاول تشوف شي طبيب يحيد غير الكورة حتى تتحمل و تولد ان شاء الله
الله يفرج عليها