السلام عليكم و رحمة الله
هادي اول مشاركة ليا فالمنتدى و نتمنى نلقى تجاوب راني فحاجة للمساعدة الله يجازيكم بخير
انا حاملة فالشهر 4 و هادا اول حمل ليا و كنعاني من مشكل ط§ظ„ط±طظ… ط§ظ„ظ…ظپطھظˆط تقريبا من البداية د الحمل ديالي و السيمانة الفايتة درت فيزيتا عند الطبيبة ديالي و من بعد ما عملتلي المنظار و ليكوكغافي قالت ليا بلي خاصني الراحة و نجلس من الخدمة انا خدامة معلمة منكدبش عليكم راه نفسيتي ربي لي عالم بيها حيث خلعاتني و قالت لي ممكن نفقد الجنين فأي وقت و بلي ممكن تكون ولادة مبكرة و لي زاد عليا هو طريقة الكلام و المعاملة ديالها مع العلم اني كنزورها من الشهر للشهر كتبقى تغوت عليا كتزيد تأزمني كثر ما انا مأزمة
بغيت غير نفهم كيفاش الراحة راني سولت الطبيبة باش تشرحلي و بدات كتهكم عليا واش ننعس النهار كولو حيث راني ساكنة بوحدي مع راجلي و العائلة كولها بعيدة علينا زعما واش حتى الطياب و شغل الدار العادي يأثر و لا كيفاش عافاكم لي عندها فكرة ولا ممكن تفيدني ما تبخلش عليا راني وليت غير كنخمم و كنبكي بزاف راني مخلوعة بزاف
الله يحقق ليكم امانيكم يا رب و يجازيكم خير الجزاء
lshu]m uhhhhh[gm fow,w hgvpl hgltj,p ana rah salam
بدلي اختي الطبيبة احسن
والراحة حاولي ما امكن تنعسي على ضهرك
والله يتمم حملك بخير يااااااااااااااااااااااااااااااااااااااااااارب
انا برأيي و حسب معرفتي,انتي محتاجة للراحة بزاف لأنو فهاد الفترة كيكون الجنين عاد كيستقر و كيدير بلاصتو فالرحم
و الراحة هنا كتعني انك تنعسي على ظهرك و ما تهزي حتى شي حاجة تقيلة, و حتى ايلا اضطريتي تعملي شغل الدار ما توقفيش بزاف لمدة متواصلة
من الافضل ما ديري والو كاع على الاقل حتى لنهاية الخامس,و ضروري تجلسي من الخدمة
يا رب يثبت حملك و يفرحك بوليدك و يهدي بالك
بدليها و متخافيش الراحة مهمة و هادشي راك ماشي غير نتي بزاف كيطرا ليهم هاكا و الحمد الله كيولدو طبيعي تفائلي و تكايسي على راسك
o daba rana mn nhar hmelt wana f darna mnou3wkouf bzafff mnou3 drouj mnou3 khrouj hawli ma2amkan tbkay mjebda ana f nadari bdli tbiba o siri 3end 3a2iltek bach ikabloukkkkkkk o lah itebet hamlek o yhfed lik ljanin dyalek
الله يتبت ليك الحمل