mutuelle cnops

البنات كيف عاملين الله يخليكم اللي عندها شي معلومة تفيدني ان شاء الله غادي نولد الشهر الجاي لاول مرة و الطبيب اللي متبعا معاه كيولد فكلينيك المسيرة فكازا شكون اللي فايتة ولدات تما انا عندي كنوبس بغيت نعرف شحال غادي نخلص و كيفاش الترتيبات عطيوني معلومات كافية و بالتفصيل و سمحو ليا كترت عليكم

---

mutuelle cnops

انا ولدت فكلينيك المسيرة واش عند دكتور المصري هما الله اعمرها دار بالنسبة لكنوبس كتعطي نسخة ديال البطاقة وشيك باري وتمن انت سوليه اشنو حيت هما كيزيدو شوية انا باتت معايا اختي و خلصات 150 درهم ههه

الله يجازيك بيخير اختي فعلا متبعة مع المصري شحال اختي تقام عليك كولشي

بالنسبة للخلاص على حسب الكلينيك نتي كتخلصي الفرق بشحال مكان حيت الكنوبس كتخلص 3600درهم بالنسبة للولادة عادية و 7200 بالنسبة للقيصرية
انا كنت ولدت سيزاريان وخلصت الفرق ديال 3600 درهم
بالنسبة للوثائق ملي دخلت فشهري توجهت للكلينيك اللي عنولد فيها ودفعت نسخة من البطاقة الوطنية ونسخة من بطاقة الانخراط في الكنوبس وشهادة من الطبيب اللي متبعة معاه وهما تكلفو بدفع ملف التحمل وقالتلي المكلفة اسبوع ونردو عليك واش وافقو ودكشي اللي كان

الله يفكك على خير اختي

ختي حنا عندنا هاد كنوبس و ولدت في كلينك عين الشق و خلصت الفرق ديال1000درهم و انا ساكنة في عين سبع واخا بعيد مندمتش حيت كايتهلاو فيك و مكين لاتدويرة لاوالو والنقا تما كنت متبعا مع واحد الطبيبة و فاش قريت نولد مشيت عند بوزيان هو لي كيولد تما دوزت فيزيتا وحدة و ولدت عندو واخا عمري تبعت معاه و الحمد كلشي داز بييخير

السلام عليكم اختي الله يفك وحايلك على خير
اختي حتى احنا عندنا كنوبس و ولدت في الكلينيك ، عطيناهم لاكارت ديال لاميتيال بقات عندهم شي 15 يوم ، ما عطيناهم لا شيك لا والو ، غير شي وراق ديالهم كتسنيهم و صافي و خلصنا 600 درهم فيها ولادة و الطبيب لي كيجي يشوف البيبي

شكرا ليكم على الاجابات لهلا يخطيكم

الله يفك وحايلك على خير اختي