بحكم أنها أول تجربة لي و قربت نولد إن شاء الله. أتمنى ممن جربت منكن الولادتين ط§ظ„ط¹ط§ط¯ظٹط© و ط§ظ„ظ‚ظٹطµط±ظٹط© أو ممن سمعت عن كلاهما أن تنصحني ما هي الولادة الأسهل…شكرا مسبقا
kwhzp;k dh lk [vfk hgrdwvdm , hguh]dm
انتي شوفي راسك و جسمك واش قاده على الولاده العاديه و ستاشري مع الطبيب ديالك واش يمكن ليك تولدي عادي الى قال ليك يمكن و كنتي انتي شجاعه وصباره ننصحك تولدي عادي والا ماعندكش حل اخر الا القيصريه
انا ولدت قيصري اش غنقوليك تبنجت وقت الولاده و فقت لقيت بنيتي حدايا الله يخليها ليا و يخلي لجميع الامهات وليداتهم و يرزق كل محرومه
تعذبت واحد السيمانا من الجرح و لكن كلشي داز بيخير و على خير و الحمد لله
الله يفك وحايلك على خير
انا عاد ولدت شي 11 يوم ولادة طبيعية الحمد لله
تمحنت واحد شوية بالحريق ديال الوجع و الزحمة و الخلعة و لكن بمجرد مولدت تفكيييييييييت و حسييييت بالراحة التامة و كنت قادرة نوض بالحق مخديتش راحتي بزاف باستقبال الضيوف
شوفي الطبيب اشنو غادي يقول ليك لان طبيبتي اكدات لي نولد طبيعي
الله يعطيك وقفة ساهلة
أنا مبقيتش ننعس م الخلعة.كل ليلة تنقول ليوم.و جاني غرهاق شديد بهذا السبب
مهم الحل كان هو سيزاريان
من بعد كبرت دارت 3سنين ونصف ولدت يوسف توجعت وكنت طامعة نولد عادي ولكن تحد مزعم حيت كالو لي غتوقع لي شحاجة في الوالدة
من كذبش عليك بقا في الحال شوية وانا نسترجع وكلت عسا ان تكرهوا شيأ وهو خير لكم وعسا ان تحبو شيأ وهو شر لكم
ولهذا نصحك تحاولي تولدي عادي لكان عندك كلشي مزيان
لانه لولادة لعادية تتمحني غديك سويعات ديال الوجع والولادة اما سيزاريان تتبقا اثارها تابعاك ديما
وحاولي تمشاي بزاف مسافة طويلة
وشربي الماء بزاف
وكلي التمر بزاف
وشدي الاعواد ديال القرفة وكبي عليهم الماء لتتشربي منو وخليها تترطاب وبقاي تشربي منها هي بلاصت متشربي الماء
وكثري من الستغفار وبقاي تنعسي علا جنبك الايسر
وبقاي تجلسي جلسة القرفصاء وتجفي هادشي تساعد باش تحل الوالدة
ومنين يشدك الوجع صبري حتا يتابعو الوجعات ولا طرطقت ليك السكية سيري ديك ساعة
والله يفكك علا خير
وحاولي تولدي عادية
غتولدي وتاكلي ميكلة سخونة ماشي بحال سيزاريان
والله يدير ليك ليفيها الخير
ومنين تكوني تولدي دعاي معا خويا يوسف الله يرحمو ويصله لي وليداتي
ملي سمعت الكلام ديالكم غنتشجع و نحاول نولد عادي خصوصا و أن الطبيب قالي بامكانك تولدي عادي..
باراك الله فيك و ربي يفرحك بوليداتك أختي
المشاركة الأصلية كتبت بواسطة meriamaaf 
السلام عليكم الله يفكك على خير راه باش مقسم لك الله تولدي غتولدي ان شاء الله انا اختي مجرباهم بجوج وحتى حاجة ماساهلة داكشي علاش كيغفر لينا الله دنوبنا بعد الولادة بالنسبة للولادة الطبيعية كتعدبي بالوجع والزحمة ومني كيشرgوك ومني تيخيطوك الى ماداروش لك بنج محلي انا ماداروهش ليا ومورا الولادة كيبقاو يوجعوك لغراز ماتقديش تجلسي ولا تمشي لطواليط اعزك الله كل وحدة ولحمها انا حتى ربعنت وبقيت تنتالم بهم كاين غير
ايام كتبرا ولكن بسبب الولادة المتعسرة فقدت ابني البكر الله يرحمو ايام قليلة بعد الولادة ولله الحمد في ولادتي الثانية ولدت قيصري حيث البيبي فات عليه الوقت وبدا الما تينشف وحاول معايا الدكتور نولد طبيعي بالوجع الاصطناعي ولكن ماشدنيش الوجع واضطروا للقيصري والحمدلله بنج نصفي ماحسيت حتى حطو ليا البيبي فوق صدري ولكن غير فات البنج وراك الحريق اسبوع وتشافيت تماما والاهم ان ابني بصحة جيدة الله يخليه ليا ودعي معايا نخاويه في القريب العاجل والله يعطيك ولادة سهلة بلا غراز وبلا فتيح