حاملة و فرحانة و مع ذلك كنتقطع من الداخل hygroma kystique

انا ط­ط§ظ…ظ„ط© و ظپط±ط­ط§ظ†ط© بالحمل ديالي لواحد الدرجة اللي ميمكنش شي وحدة تصورها انا و راجلي فرحانين وكنتسناو هاد المولود ب فارغ الصبر و لكن انا عارفة كتساؤلوا اشناهو المشكل . و المشكل هو الاطباء بغيت نحماق ونتصطا العقل بغا يخرج لي مع هاد الاطباء كل واحد و اش كيقول انا ط­ط§ظ…ظ„ط© دابا في 3 اشهر و اسبوع مشيت ل واحد الطبيب بحال جميع الناس باش نتبع معاه اجرائات الحمل دخلت انا و راجلي معجبنيش داك الطبيب لا انا و لا راجلي مرتاحيناش ليه معصب غير بوحدوا ومبغاش يقبلنا فالاول قاليك يا الله جاياني مالكي ماتجي عندي مللي عرفتي راسك ط­ط§ظ…ظ„ط© انا صدمني لمهم بقا شحال وهو غير معصب وكيشد راسوا قالي نوضي ندير ليك التلفزة اوا دار لي التلفزة بقا شي 10 دقايق ساكت انا كنقول مال هادا ماكايهضر شوي قالي نوضي ابنتي الحمل ماغاديش يمشي بعيد انا بالصدمة قلت ليه كيفاش قالي قلب الجنين غادي يتوقف عن قريب فيه واحد المرض سميتوا hygroma kystique هاد المرض هو عبارة عن واحد الماء كيتكون ف الرقبة والعمود الفقري ديال الجنين قالي القلب ديالوا عيان بزاف غادي يجي واحد الوقت غادي يسكت قالي نعطيك كاع 10 ايام او 15 ايام غادي ينزل ويلا بقا فيك غادي غير تعدبي نتي شوي قال لي كاين اللي كاتبقا 9 اشهر كلها انا مفهمت والوا حتى الله اعلم اولا الله يسهل اولا شي حاجة ديال الله مسمعتهاش من فموا هو حكم علي بحالا هو عالم بالغيب اوا خرجنا من عندوا انا سخفت ل راجلي حدا العمارة جاتني حالة هيستيرية تعلقت ب ولدي بزاف لواحد الدرجة مكتصورش اوا قالي راجلي يا الله نمشيو لطبيب اخر مشينا قالي معندك والوا الجنين مزيان ونتي مزيانا اللي عندك هو الوالدة نازلة شوي وعندك الغازات و لكن حسيت بيه شاف داكشي غير خبا علي راجلي فرح قلت ليه متفرحش ديني لطبيب اخر مشينا دخلنا دار لي التلفزة قالي الجنين مزيان نتي مزيانة بقا شوي قالي ولكن عندوا واحد الجلدة حدا راسوا معرفتش اشناهي خصك تصبري حتى ديري 4 اشهر وتعرفي قالي متخافيش اللي بغاها الله هي اللي غادي تكون انا هاد الطبيب رتاحيت ليه اوا غادي نصبر قولوا لي اش ندير نصحوني شكون عمرها سمعات ب hygroma kystique تقولي اش داكشي و واش بصاح ولدي غادي يموت راه سمعت دقات القلب عند الطبيب مزيانين و شفتوا كيتحرك ب نشاط و لكن معرفت و الله اش ندير راه حالتي ف خطر

---

phlgm , tvphkm lu `g; ;kjr’u lk hg]hog hygroma kystique

اختي الله يثبت حملك ويتمم فرحتك يااااااااااارب حتى تشوفي ولدك بين يديك معافاة سالم من كل سوووئ ان شاااء الله

اختي ديري توكالك على الله هاد الطبا راهم غير يخربقو شحال من واحدة قالو لها نفس كلامك و را تبارك ولدو ولادهم عاديين انا كنعرف وحدة قالها الطبيب عندك كورة و خاصك تحيديها و لا ما حيدتيهاش تكبر و مشات مسكينة عند قابلة عادية قالتلها ابنتي راكي حاملة و بقات شي اشهر اخرى و رجعات للطبيب و قالها شتي هانتي تعطلتي ما درتيش العملية و ها الكورة كبرات و هيا را عندها ديك الساعة السابع و بالخلعة مني مشات دارها شدها الوجع و داوها للسبيطار وولدات وليد لي بغيت نقوليك ما تخافيش ما يكون غير الخير

diri imanak f llah akhti osabri chhar akhor oykon lkhir

سلام اختي انا نقولك شنو غدي ديري سيري عند طبيبة مختصة ديال الولادة وتبع معاها. ونتينا معندك والو حيت حتى كان عندك شيحاجة كانو الاطباء كولهم غدي تسمعي ملعندهم نفس لهدرة نتي بدلي هاد الاطباء كولوم وتباع مع طبيبة مختصة فالولادة باش تبقا معاك حتى الآخير وتولدك ان شاء الله ومتغلطشي لغلطة ديالي وقلك سول لمجرب لا تسول طبيب وعاد ادا كان عندك كيتحرك فكرشك كيما قولتي ودقات ديال لقلب سمعتيهم بودنك مزيانين انا كنحلفلك بالله حتى هاد الولد مافيه والو والله يخليهلك وياربي تولديه على خير وساليم معافى والله يجعل منو درية حسنة. وعاندك تنسى ليموهيم بزاف تباع مع طبيبة مختصة فالولادة باش تبقا معاك حتى الآخير وتولدك ومنبغيكش تغلطي لغلط ديالي

مبروك عليك اختي الحمل او الله يثبت ليك الحمل ان شاء الله
اختي راني حتى انا حاملة او حاسة بيك ولكن عنداك ديري شي حاجا تندمي عليها ردي بالك مزيان للجنين ديالك اختي
او سيري عند اطباء اخرين الى كانت عندك الامكنيات
او الله يسهل عليك احبية ما صعاب عليك
الله يكون معانا او يخلي لينة الل الجينين ديالنا يارب تحفظهم لينة يارب او يكونو في حمايتك يارب

او تجعلهم من حفظة القران او يكونوا حسن الخلق و الخلق

اختي الله يثبت حملك ويتمم فرحتك

مبروووك عليك الحمل و الله يثبتو و يكون ان شاء الله سلييييم معافى..مهما كايقولو ليك الاطباء ما تنسايش ان ربي رحمتو واااسعة و هو القادر على كلشي اولاخصك تامني بأن اللي مكتاب للجنيين ديالك راه غاتشوفيه بلا ماتقاي تقتلي راسك بالوسواس ثانيا ربي فتح لينا باب الدعااااء عليك أختي بالدعاء و الدعاء و الدعاء و استغفري الله كثيرا .. ان شاء الله يكون الخير كاع ماتخلعي

الله يكمل عليك ربي كبير
والله حتى بكيت من قريت موضوعك
ودعيت معك ونا صائمة

اختي الله يثبت حملك ويتمم فرحتك يارب حتى تشوفي ولدك بين يديك معافاة سالم من كل سوئ ان شاااء الله