الله افراحكم في القريب لعاجل إلى ما جاوبوني

السلام عليكم، عافاكم، بغيت نعرف لميزان ديال لحرارة ، شحال كايدير تمن ديالو ؟؟ أ واش فيه أنواع ؟ بغيت نعود نقيس الحرارة كل نهار باش نعرف أيام ل الإباضة، أ بغيت نعرف تست ديال لحمل، إلى بغيت نديرو فدار، شحال تمن ديالو، و نوع لي مزيان، سمحولي بزاف ، ربي لا تذرني فرداو أنت خير الوارثين

---

hggi htvhp;l td hgrvdf guh[g Ygn lh [h,f,kd hglyvf hgsghl hgsghl ugd;l hkh pjn ugd;l uk]d t;vm rgf; ;dt

السلام اختي دخلت ندعي معاك الله يفرحك

أمين أ ختي، باراكا الله فيك

¬السلام عليكم
اختي معندي حتى معلومات والي ممكن نقول الله يرزقني ويرزقك بالحمل السليم المعافى عاجل غير اجل

اللهم امييييييييييييييييييييين يا رب لعالمين

السلام عليكم اختي ماعنديش شي فكرة ربي يسر لك ويرزقك بالدرية الصالحة ويعطيك كل ما نويتي

امييييييين يا رب لعالمين

اختي لنقدر نخبرك به ان ميزان الحرارة فيه انواع فايت لي شريتو ب35درهم اما فيما يخص ديال اختبار الحمل شرتو مرات ولد اختي ب50درهم علي حد علمي نتمني نكون فدتك

السلام عليك الله يفرحك اختي و احتى انا معاك و كل المسلمات اختي سيري ل parapharmacie و شري ميزان الحرارة معارفاش الثمن ديالو الكن ماشي غالي اما اختبار الحمل انا كنت كنشريه من صيدلية اما 50 او 70 درهم واحد مرة سولت في بارا قالت ليا 15 درهم بالفرة شريتو
نتمنى نكون عونتك شوية انا اختي كل شر نتسنى لاكن والو مشيت عند طبيب قال ليا بويضاتك صغار خاص الدواء درت الدواء و اشمن دوا الابر بزااااااف و الفنيد لا كن والو ملي رجعت عندو قال ليا عودي من الاول
سمحي ليا بزززاااااااااااف حكيت لك قصة حياتي لاكن غير من قهر ديالي و لاكن الحمد الله هدا الشهر درت توكلي في الله
الله فرحك

أختي kahramana الله يفرحك بالذرية الصالحة المعافاة، بالنسبة للأثمنة ديال الميزان الحرارة وتست الحمل ما عندي حتى فكرة ، ما عليك غير تسولي في الفرماسي، والله يسر أمورك يارب ويفرحك .

أختي mazagan الله يجازيك بخير على الإفادة ، ولله يسر أمورك وافرحك بالذرية الصالحة المعافاة ، وأحسن حاجة هي التوكل على الله مع الأخذ بالأسباب ، والله يجعل هذا الأدوية سبب في حملك بإذن الله .