الله ارحم والدكم الماعتقوني

السلام اخوتاتي انا مشكلتي تتلخلص اني اعاني من الحكة
تسلخات بين الفخدين وانا حامل .والحمد لله متنعسش من الحريق وهدشي مسبب لي معاناة زيادة عالالم اني متنقدش نمشي الا فواحد الوضعية محرجة.فياريت اللي عندها الحل تعتقني به .الله احرم وجهها عالنار.

---

hggi hvpl ,hg];l hglhujr,kd ,hgd;l

السلام عليكم،مايكون عندك باس اختي ،اناغانعطيك وصفة ساااااهلة و النتيجة انت غاتردي عليا الخبار هههه ، غاتاخدي شوية ديال الماء شي ربع كاس مثلا و غاديري معاه 2 معلقات ديال الزيت الرومية و غاتحركي مزيان بمعلقة حتى يولي الخليط داير بحال بومادا و غاتبقاي دهني بيه لبلاصة لي طايبة لك ، ايوا وردي عليا الخبار

حبيبة غادية ديري شوية الزعتر و طبخيه في الماء ملي تحيده من النار زيدي عليه شوية الملح و توضاي بيه و نشفي مزيان ثم دهني بواحد بومادا سميتها بيفاجين راه اللون ديالها اخضر و الله يجيب ليك الشفاء.
عفاك ادعي معي بالذرية الصالحة……….

شوفي اختي سيري عند الطبيب راه الحكة دليل على حدوت التهابات وراه الا ماتعالجتش كتسبب فمشاكل كتيرة ومنها الاجهاض الله يحفض والولادة المبكرة اختي طبيب اللي متبعة معاه هو اللي حسن ليك فمتل حالتك والله يشافيك اختي

اختي ديري واحد البومادا سميتها bébé 7 راها مزيانه بزاف و كتحيط طياب ولبسي سريولات ديال القطن الطبيعي اللي مافيهش النيلون.

اخوتاتي الله ارحم والديكم وانشاء الله ندير بنصايحكم والاخت ماما خديجة بغيت ربي افرحك فالقريب العاجل بالدرية غير اختي داومي عالاستغفار تم شرب البردقوش واللويزة

الله اشافيك اختي سيري سولي طبيب حسن ليك

اختي الله يشافيك
احسن سيري عند الطبيب حيت الحكة عندها بزاف ديال الاسباب
منها الالتهابات خاصة في فترة الحمل كيكون الفرج والمهبل (اعزكم الله) حساسين بزاف و معرضين اكتر للمكروبات
دكشي علاش قولتليك احسن شوفي الطبيب
الله يجيب الشفاء ويتمم حملك على خير

السلام عليكم
اسال الله ان يشفيك اختي و يعطيك الصحة امين

الله يشفي أختي
ديري kenta ديال les بéبé ماغايكون عندها حتى ضرر إنشاء الله