حبا في الله ادخلن

لقد سبق و طرحت مشكلتي هنا المتعلقة بهرمون الحليب البرولاكتين وقد وجدت الصدر الرحب عندكن و المشورة و الدعاء الذي يثلج الصدر.
لقد كنت اعاني من ارتفاع في هذ ا الهرمون العائق أمام الحمل و تقيدت بعلاج الطبيبة حيث كتبت لي دواء الباغلوديل ،وكنت اخذه كل يوم لمدة شهر كما انني كنت اشرب المرددوش والسالمية ،اتعرفون لقد انخفضا لهرمون بشكل سريع في مدة شهر و نصف والحمد لله.
أشكر الأخت أم نبيل التي أعطتني نبدة عن هذا الهرمون كما أشكر كل من قرأ مشكلتي و دعا لي بالذرية الصالحة لي و لجميع المحرومات من الأمومة.
أحببت ان تشاركنني تجربتي و شكرا لكن جميعا.
ملحوظة:بالنسبة للمرددوش و السالمية كنت اشربهما اربع مرات باليوم و دون سكر.

---

pfh td hggi h]ogk h]og,

الحمد لله اختي اسأل الله ان يديم عليك الصحة والعافية ويرزقك ذرية صالحة بأذن الله تعالى و تكون قرة عين لك ولزوجك .

الله يفرحك اختى و حتى انا كتبت لى الطبيبة ناخد بارلوديل لكن بلا ما درت تحاليل ديال هاد الهرمون .انتى واش درتى تحاليل باش عرفت انه مرتفع عندك

نعم أختي درت تحاليل وكتبت ليا الطبيبة بارلوديل وتناولته لمدة شهر إضافة للسالمية و المرددوش لأنهما فعالان في توازن الهرمونات.وبعد شهر ونصف عاود درت تحاليل للبرولاكتين والنتيجة انه هبط سريعا.
الله يشفيك ويسمعك خبار الخير و أي استفسار انا رهن الإشارة

بارك الله فيك اختى انا مشيت عند الطبيبة حيت بغيت نحمل هادى عام و انا ونص و انا مزوجة و مين دارت لى ايكوفرافى فالوالدة لقات كل شى مزيان و عطات لى نشرب بارلوديل و دوفستان و برولفين على اساس يساعدونى على الحمل ساعة معطاونى حتى نتيجة و من بعد قالت لى ضرورى ديرى الراديو نالوالدة ديالك باش ادا كان شى مشكل يبان فالراديو و النتائج اختى كانت مطمنة لقات كل ش طبيعى باقى غير راجلى ادير التحليلة ديال الحيوانات المنوية . بغيت نعرف منك اختى شنو هى التحاليل الاخرى اللى ممكن تطلبها منى الطبيبة نديرها باش طمن انى مافى حتى حاجة و شكرا و سمحيلى ادا كنت كثرت فكلامى.

الحمد لله حبيبتي وان شاء الله يستفيد الاخوات الي عندهم نفس المشكل من تجربتك واسال الله العظيم ان يمن عليك بالدرية الصالحة

شكرا اختى و الله تعالى يتقبل دعائك لى.

ااختيي انا عملت تحاليل البرولاكتين وكذلك تحليلات للرحم حيث ان الطبيبة هي التي تقرر نوعية التحاليل حسب التشخيص.بالنسبة لي سبق لي الحمل وشاء الله ان يسقط في الشهر3 حيث كنت حامل بتوأم لكن إرادة الله.
كما اخذت دوفاستون لمدة 3اشهر و قد نظم لي الدورة الشهرية .وغدا صباحا لي موعد مع الطبيبة لأرى هل تم التبويض ؟
اختي ليلى يجب على زوجك ايضا ان يحلل الحيوان المنوي.
المرددوش السالمية أفاداني كثيرا والحمدلله.
الله يسهل علينا جميعا و نأمهات إنشاء الله.
غدا ملي نرجع من عند الطبيبة نردعليك لخبار.

الله يرزقكم الذرية الصالحة ويفرحكم في القريب العاجل
دعيو معايا بشي ولادة سهلة بدون ألم هههههه هذا هو شهري التاسع
الله يسمعكم اخبار الخير ويعطيكم للي في بالكم آآآآآآميييييين

اختي ممكن تقولي لي كيفاش تديري للسالمية او مرددوش انا اصلا تنشربهوم مع اتاي.سؤال اخر عندي نفس مشكل ديالك بغيت نعرف واش استعملت pregnyl فوقت الاباضة.سمحي لي اختي و الله يفرحنا جميع بالذرية الصالحة ان شاء اله