[size=6]السلام عليكم
الاخوات هده اول مرة نشارك في هدا القسم ونتمنى تجاوبوني او بالاحرى تساعدوني
عييت من التفكير المهم بلا ما نطول عليكم
مشكلتي هي الغيرة
كنغير كثر من القياس لدرجة الى الزوج ديالي قال السلام لشي بنت في الشارع كنحيح
او كنتخاصمو مع العلم اني عارفاه ما عمرو ما كيفكر في الخيانة لانه انسان يخاف ربه
او انا كنثيق فيه ولكن ما عرفتش اش كيوقع لي ما كنستحملش انه يتكلم مع بنت اخرى
هده 9 سنين دالزواج عندي 2 الاطفال او دائما هدا المشكل يؤرق حياتي او حتى الزوج ديالي
ولا كيتشكى طلبت منو ياخدني عند الطبيب النفساني ولكن رفض او ما خداش الطلب ديالي
بجدية ما تصوروش النفسية ديالي كيف دايرة بعض المرات كنقول ربما الحل نتفارق باش
نقدر نزول من قلبي عافاكم ساعدوني بسرعة وشكرا لكل من قرا مشكلتي [/size]
hgydvm hglvqdm hggi dogd;l gd uk]ih ad pg
تهلاي فلوليدات.
يمكن ليها تسبب ليك مضرة هو خاصو يحس بيك أنكي كتبغيه عليها دايرة عليه هدا الحالة هههه
وخاصو على الأقل ملي يكون معاك بلاش من داك السلام يدير راسو مكعرافف حد فحالا فميركان هههه
ونقدر نقولك انا هذا المسالة لنتي حاسيتي انها خارجة على ارادتك هي عدم الثقة في النفس
ولي هي عندها رواسب كثيرة خاصة من الطفولة فاعلمي أنكي مفيدة لنفسك وغيرك
وعليك بالدعاء فهو وحده القادر على أن يضعك في قارب السعادة والتوفيق في حياتك الزوجية
بحول الله
موفقة أختي الكريمة
نتمنى تراجعي نفسك أكيد غادي تلقاي فراسك مؤهلات لي غاديي تزيد ثقة فراسك
وبالتوفيق