السلام أعليكم الأنيقات أنا اليوم قررت انني نعاود ليضارني حقاش معنديش الجرأة انني نقول لشي حد أخر حتى ماما أناً أخوتتي عند 24 سنة متزوجة أو عند وليد الله إحفضو لي ياربي مشكلتي انني حساسة بزاف أو أكتريا دبى ملي ولدي مشي معايا خليتو عند ماما بحكم انني أنا خدامة أوملقيتش لي اشدو ليا أو ماما كينا في كازا أو أنا فماركش المهم أنا دبا وليت دغية كانتقلق أو، كنبقة نبكي غي بحدي حتى وصل بية لأمر انني كنبقة نحلم بليل أو كنبكي أو نعير راجلي بدون شعور حتى كيقول هو اشنو دارت فصباح أو مكنعقلش راجلي حتى هو مشي حنين بزاف غادي اكون حنين ضروري ولكن الحنان ديالو مكيبنش أو أنا خوافة بزاف إلى شفت ر بوبريس أو لا سراق زيت كنول كاملة كنترعد أو هو كيبدة يضحك معايا أو كيخلعني أو هادشي كيئتر علي بزاف أو أنا دبى كنحس فحال إلى جاني إكتئاب ولدي مشي حداية راجلي حتى هو ماحنينش أو ماعندي حد فهد المدينة غير الله سبحانه وتعالى كنحس براسي وحيدة كيخسني غي سبة باش نبدا نبكي الله إخليكم إلى مدعيو معايا بش نخرج من هاد المشكل أو إجماع شملي مع ولدي أو إحنن قلب راجلي علي
hgY;jzhf ,ha i, i]h
الله يدير ليك تاويل ديال الخير
حشومة عليكم البنات 24 مشاركة أو غي رد واحد عفاكم البنات راني متأزمة بزاف نفسياً أو ربي هو لي عالم بية وخى غي شي دعوة راه الملائكة ملي كتدعيو كيقولو أمين ولك بالمتل
المشاركة الأصلية كتبت بواسطة rania01 
الله يدير ليك تاويل ديال الخير أمين أختي ربي اخليك والله حتى المشاركة ديالك فرحتني أو الله أيسهل عليك كل ما صعاب يارب
السلام عليكم ورحمة الله تعالى وبركاته شوف أختي، هادشي لي كتقولي فيه راه عادي وكل مرأة كتدوز منو من بعد الولادة ، ويسمى ou REACTION DEPRESSIVES DU POST-ACCOUCHEMNT / BABY BLUES . الله يرضي عليك ، ماتخليش راسك تضيعي فالمتاهة ديال الأمراض النفسية، عالجي نفسك بنفسك ، وماتخليش راسك فدوامة ، الحمد لله عندك زوجك حداك وكيضحك معاك ، ووو- .. يعني لحد الآن وبالرغم من تغير تصرفاتك معاه مادارش شي تصرف سلبي معاك ، راه كاينين الرجال لي والله مايهزو من عيالاتهم حتى أنها تشكي . ادن عالجي راسك براسك ، دخلي ديري لآصال ، منها باش تردي البال لصحتك وتكوني خفيفة ، ومنها باش حتى النفسية ديالك كتنتعش قراي القرأن أكثر فأكثر ، ففيه شفاء للصدور ، وصلي وتقربي أكثر لله تعالى، ألا بذكر الله تطمئن القلوب خملي دارك ، بدلي لها شوية الديكور وتهلاي فراجلك وعطيه وقتو أكتر ، ونقولها لك كلمة من عندي ، دابا لي الضروف غير ملائمة باش يكون ولدك حداك، ماتاخديش غير الجزء السلبي من هاد الوضعية، وانما شوفي الجهة المشرقة من الموضوع ، وهي أن الوقت كلو ديالك وديال راجلك، استغلوه وتقربو أكثر فاكثر من بعضياتكم ، ماشي تنغالقي على راسك وتبعدي عليه ، راه دابا تشوفي إن شاء الله منين تجيبي وليدك لعندك ، راه مايبقى لك الوقت حتى باش تجلسي جليسة زوينة أو تفرحو براسكم أنت وباباه 🙂 أما فيما يخص قولك أن راجلك ماشي حنين بزاف أو ماكيبينش الحنان ديالو، راه أحبيبة أغلبية الرجال هاكدا، راه قليل فين الراجل كيشد مراتو ويبدا يطبطب عليها ، وهذا ماكيعنيش أنه ماشي حنين أو ماكيبغيكش، ولكن ببساطة، هوما تفكيرهم مختلف على تفكيرنا، هوما كيترجمو الحب والحنان ديالهم بطريقة أخرى 🙂 تعودي بالله من الشيطان الرجيم ، وإياك ثم إياك تدخلي فراسك متاهة الأمراض النفسية، وهادشي كنقولو لك عن تجربة ، ختك دازت من هادشي 2 مرات فولادتين متتابعتين ، فاش بنتي كانت عندها شهرين حملت ، وانا والدة بعملية قيصرية 🙂 الله يدير لك التاويل ديال الخير ، وبقاي تطمنينا عليك مرة مرة دابا ولدك شحل عندو فالسن ؟
السلام عليكم ورحمة الله وبركاته اقوى علاج للاكتئاب هو ولا شك فيه قراءه القران والمحافظه على الصلاه و كثرة الإستغفار أقولها لك أختي عن تجربة الله يدير ليك تاويل ديال الخير ويسر أمورك و يشافيك بعض الأدعية الدعاء الذي علمه النبي صلى الله عليه وسلم لفاطمة رضي الله عنها أن تقول: "اللهم رحمتك أرجو فلا تكلني إلى نفسي طرفة عين وأصلح لي شأني كله، لا إله إلا أنت، يا حي يا قيوم برحمتك أستغيث" . وكذلك الدعاء الذي علمه النبي صلى الله عليه وسلم لأبي أمامة أن يقول "اللهم إني أعوذ بك من الهم والحَزن وأعوذ بك من العجز والكسل وأعوذ بك من الجبن والبخل وأعوذ بك من غلبة الدَين وقهر الرجال". والدعاء أيضاً الذي رواه ابن مسعود "اللهم إني عبدك ابن عبدك ابن أمتك ناصيتي بيدك ماضٍ فِيَّ حكمك عدل في قضائك، أسألك بكل اسم هو لك سميت به نفسك أو أنزلته في كتابك، أو علمته أحداً من خلقك، أو استأثرت به في علم الغيب عندك، أن تجعل القرآن ربيع قلبي ونور صدري وجلاء حزني وذهاب همي وغمي" يقول النبي صلى الله عليه وسلم في هذا الدعاء "ما قاله مسلم إلا اذهب الله حزنه وأبدله ترحه فرحاً" كذلك "الله ربي ولا أشرك به شيئاً" والاستغفار أيضاً، من لَزِم الاستغفار جعل الله له من كل ضيق مخرجاً.
شكراً لكم بزاف البنات ردودكم فرحاتني بزاف أو رجعاتلي الإبتسامة لي بيني أو بين نفسي أو الله ادير تاويل ديال الخير والدي دبى عند 9 شهور أو نص
باين انك tres sensible بحالي;) .ماشي ساهل أختي تفرقي ولدك ولكن هدا مشكل لمرا لخداما.خاصك تصبري شوية كلشي كيدوز وزيدون ماماك غتهلا فيه احسن من الا جبت شي وحدةتشدو. دبا يكبر ودخليه للمدرسة ويبقا ديما معاك. نضمي وقتك مرة هبطي l casa ومرة تجي عندك ماماك و ولدك. أما راجلك تهلاي فيه ومتبينيش ليه الظعف ديالك;راه راجل كيبغي لمرا لقوية و لي ديما ضاحكا. يلاه احبيبة تواكضي وفرحي لاه يخليلك ماماك
أختي يمكن يكون اكتئاب ما بعد الولادة شوفي هاد الموضوع https://www.anaqamaghribia.com/vb/sho…E6%E1%C7%CF%C9
المشاركة الأصلية كتبت بواسطة ظل القمر519 باين انك tres sensible بحالي;) .ماشي ساهل أختي تفرقي ولدك ولكن هدا مشكل لمرا لخداما.خاصك تصبري شوية كلشي كيدوز وزيدون ماماك غتهلا فيه احسن من الا جبت شي وحدةتشدو. دبا يكبر ودخليه للمدرسة ويبقا ديما معاك. نضمي وقتك مرة هبطي l casa ومرة تجي عندك ماماك و ولدك. أما راجلك تهلاي فيه ومتبينيش ليه الظعف ديالك;راه راجل كيبغي لمرا لقوية و لي ديما ضاحكا. يلاه احبيبة تواكضي وفرحي لاه يخليلك ماماك ربي يخليك أختي شكراً بزاف على رد ديالك والله العضيم إلى ردود ديلكم كتفرحني أو كتحسسني انني لقية إهتمام عند البعض