السلام عليكم
مشكلتي هي زوجي
معصب بزااااااااااااااااف و انفعالاتو كثيرة و على اقل و اتفه الاسباب كيبقا يغوت ويعاير هذا يضايقني كثيرا في حياتي
صارحتو و لكن دون جدوى, هو الاعصاب عنهم وراتي حتى الاب ديالو عصبي و لكن انا كانقول الى كاين كيفاش غي نقصلو شوية هدوك الانفعالات للمستوى العادي راه الحمد لله
لي عندها شي حل تقترحو و الله يجازيكم بالف خير.
shhhhu],kd hv[,;l
شكرا اخواتي على الرد راه داكشي لي قولتوه هو لي كانديرو ديما واخا يجرحني و يعايرني انا لي كانطلب السماح حتى كنسح مابقات عندي شخصية ديما رايو هو لي يكون راه عييت
كوووووووووووووولنا هاككاك…. فاش يوقع ليك المشكل تفكري راا كلنا هاكلك
نايلةجليل صراحة اجوبتك وردودك روعة ومقنعة
حاولي تجنبي الاصتدامات معاه وما تبدايش تجادليه ولبدا يغوت شدي لخاطر باش ما يزيدش يعصب اكتر وبداي تحيدي لو اتاي ولقهوة راه كيزيدو توتر وعطيه لحليب بلويزة ولا نافع غليه وعطيه يشربو راه كيهدن طلبي ربي راه كيستجب لدعاء والله كيبغي العبد الملحاح ونطلبو الله يهديه ونزل سكينة عليه
المشاركة الأصلية كتبت بواسطة روح رشيد 
نايلةجليل صراحة اجوبتك وردودك روعة ومقنعة
لهلا يخطيك حبيبة و ربي يخليك . أختي هادا هو الواقع المر ديالنا كاملين
سلام اختي الله يسعدك في حياتك يمكن نضيف لتجارب الاخوات تكلمي معاه دائما بصوت منخفض حنون و دافئ يشبه الهمس و الجو في البيت يكون قليل الضوضاء نقصي صوت التلفيزيون و طفي الراديو المهم مايكونوش اصوات كثيرة في الدار ومن الاحسن يظل صوت القران هو اللي مسموع بلا مايكون مرتفع بزاف وبصوت مقرئ مفضل لديه لان بدكر الله تطمئن القلوب و طلبي الله يهديه و يطفي غضبه و دعي معاه الى عندو هموم و مشاكل الله يفرجها عليه باش يتهنى و يهنيك معاه و الله يسعدكم في حياتكم.
شكرا البنات على الردود اخت سماء اخت نايلة اخت مومو غادي نحاول نطبق