تجمع شد ونحت الجسم في الدار مع شمعة مضيئة .الجزء الثامن

---

j[lu a] ,kpj hg[sl td hg]hv lu alum lqdzm>>>hg[.x hgehlk

بسم الله الرحمن الرحيم
صراحة البنات باقي مقريت كمالة التجمع سبعة ولكن صدقا صدقا بقى في الحال منكم بزاف الصفحة كملات المية وتا وحدة متطوعت وحلات صفحة جديدة والله عليب عليكم راه التجمع ماشي ملك وحدة فينا راه ديالنا كلنا الله المستعان وربي يغفر لكم هذا منقول

بسم الله
السلام عليكم ان شاء الله نحاول نتذكر الاخوات ل هدرو معاي فالتجمع سبعة
اختي ام كوثر هههههه عاقلة على ضربة توغنوفيس الحمد لله فاتتني ولكن راه ديما خص يدو تكون عامرة بشي حاجة وتبارك الله عليك معنا معلمة ومفيبالناش شنوة كتقري؟ هانا كملت خدمة مقدم الحومة ام سارة ههههه وفيما يخص منافسة بينك وبين فاتي زيدوني عليكم ولدي مسكين مرضتو بالغوات ولكن راه سبحان الله هاد المشكلة خصها علاج للام ماشي مسابقة مؤقتة وستزول النتيجة بزوال السبب والله المستعان
فاتي رخفي ع بنتك الحاجة مسكينة على ما كتحكي عليها درية داخلة سوق رسها ودريويشة احياني عليك غير كتباقي انت وياها وتمرضيها ربي يغفر لك وصافي وربي يفكك ع خير عندك غير شي نهار تشدي دري صغير تلوحيه هههههههه ملي تعصبي انا راه ملي ولدي كان عمرو ثلاثة شهور عصبني مبغاش ينعس بالليل وانا نشد ليزار ديالو ومخضتو وقلت ليه اسكتتتتتت هو يسكت مسكيكين وانا نقول اعوذ بالله من لاشيطان الرجيم واش انا هبيلة كندير هاكة الله المستعان

اختي سنا تبارك الله عليك تقريرك ممتاز
ام كوثر كذلك تقريرك ممتاز اختي ولكن متعاوديهاش هديك ديال البيصارة مع الخبز والة اضطريتي تاكلي الخبز خليه بيسكوتة وحدة عوض خبز عادي
ام جهاد اختي مبروك عليك الحمل وربي يتممو بخير وردي بالك للوزن ديالك فهاد الفترة راه الحمل كيغلظ بالزربة خاصة ان وزنك كان بحالي قبل يعني حنامن النوع الصعيب كيغلاظ بزربة انا وزني تفرقع في الحمل اما قبل مكنتش هاكة وبالنسبة للنظام اختي ممكن ايام عادية فقط الحوامل والمرضعات ممنوعات من اتباع الايام الخاطفة الله غالب ممكتابش لك تبعيه كامل رغم ان السر في ديك الايام الخاطفة
ام سارة حبوبتي واخيرا غدي تهناي من بو غلاق ههههههه استغفر الله ربي يكتب اجرك الوحد يدير الخير للي يستاهل وللي ما يستاهل والله يحفظكم كاملات على الدعيوات لي كتدعيو معاية خاصة ديال رجلي
مستغفرة حبوبتي ها ؟؟؟؟؟؟؟؟ شنوة قررتي غتبعي مصر خست ولا المغرب غلاظ ؟ خخخخخخخ جاوبيني
ام ميرال اختي الله يحجبك من العين تبارك الله عليك حادكة ونص شوفي راني بغيتك ضروري فالفيس لشي موضوع انت او فاتي ضغوغي ههههههه
فاتي لوز مسكينة منعرفوش فين غابرة ربي معها وربي يشفيها
راجية اختي الله ينولك اللي فبالك والعفو هذا واجبي
اريج اختي الله يعاونك والله يشافي حماتك مسكينة والله لا يوريكم فيها سوء

البنات عفاكم بصفة عامة مبغيتش التجمع يتسد الة اضطريت لظروف ومبقتيش ندخل ديما بغيت ملي نرجع نلقى التجمع مفتوح عفاااااااااااكم امانة فرقابيكم وربي ييسر الامور للجميع الله غالب

الاخت لي نسيت مرديتش عليها تسمحلي وخصكم تعرفو راكم عزازات علي وبزااااااااااااااااف
وشميعة الله يسمعنا عليها خبار الخير مسكينة

السلام عليكن الف مبروك الجزء الجديد مزيدا من الرشاقة الشاااااااااااقة والمتعبة هههههههه
وفاء حبيبتي البارح كانت عندي خالة راجلي مريضة والله البيسي مشعول وانا مقابلاها خسرلي خاطري ملي شفتها فديك الحالة الله يخفف عليها مانزل داكشي علاش وخا دخلت فالليل مكتبت والو فمابالك نحل دار اخرى سمحي لي بالنسبة للريجيم مادمت فداري غنديرو والى عطاوني تكليف منقدرش مع الخدمة المهم من هنا لتما والله معايا دبا نتبعو ان شاء الله
باقي الامورات نهاركن سعيد

تقرير الريجيم ديال البارح الاربعاء للتصحيح حبوباتي
على الريق 3كيسان ماء
الفطور كاس حليب بلا سكر مع نص تريدة
من بعد بساعتين 2كيسان ماء +فرماجة
الغداء كرتان بالشفلور والطون +سلطة خضراء +خيار مقطع بدون ملح ولا سكر ومكليتش الخبز ولا الديسير غير شربت بصح كاس اتي جاني البرد هههههه
من بعد بساعتين 2كيسان ماء +ليمونة
من بعد كاس قهوة مسوسة +خبيييييييز صغير فيه فرماجة وويتة بلدية +دنونة
صافي وقفت الماكلة مع السادسة والنصف

السلام عليكم

مبروك علينا الدار الجديدة والف شكر ليك اختي وفاء الله اجعلها فميزان حسناتك

انا احبيبتي بلا متقلقي مني كون حليت الدار ماغاديش نحط المقدمة حدي نفتح التجمع ونزيد فحالي وهادشي للي مبغيتوش لان اي وحدة جديدة داخلة راه كنسبق الصفحة الاولى منها كتفهم كلشي كنت تنشوف راجية متواجدة بغيت نطلب منها تفتحها وتفكرت حتى هي عندها طابليت المهم كان الله في العون

وفين غتمشي اختي ياك لباس خلعتينا عليك

شرفرف الله اشافي ديك السيدة مسكينة

سلام عليكم البنات كيف الأحوال مبروك علينا دويرة جديدة وشكرا ليك اختي وفاء لاهلا يخطيك علينا كيف ماشين مع الواجبات مزيان هاد اسبوع انشاء الله كلنا ماليكات واميرات مكانشي مولات عباء سوداء هههه لي يشوفها وماعرفشي على مسابقة يقول هادي واش كاتفايل على راسها ههههه

السلام عليكم ألف مبرووووووووووووووووك الدويرة الجديدة الله يجعلها قدام الربح علينا هاكو بعدا خليو باش توليو هههههههههه عندو تغلقو

البنات باركو لي مشاو الضياف الله على راحة والاكين خلاو موراهوم الدار راحلة منين نضت مع 7:30 وانا واقفة ويالاه دربت الكتير الكتير ولاكن بقات لوستي مسكينة معايا مخليتهاش تمشي حسرتها كتعز عليا مسكينة ضريفة وكبرت شوية ومزال متزوجت واترت عليها هاد المسألة ولات غير كتخمم لهادا قلت نخليها معايا تفوج شويش مكنخليهاش دير الشقا كتشدلي الوليد وانا كنشقا بعدا كتهنيني منو
اختي ام كوثر كان عندي أحساس أنكي كتمتهني التعليم والا مخفت نكذب انتي كتدرسي اللغة العربية كاينا ولا اعترفي
سولتيني فاش كيخدم كبوري وراه خوك في المهنة حتى هو في التعليم زعما سولتيني غير على الله بحالي عارفاه فاش خدام شفتي نتوما الناس ديال التعليم عندكوم شي رابط مشترك بحال التوام هههههههههههه

البنات أنا معاكوم في فكرة أننا منبقاوش نعنفو وليداتنا حتى انا عندي بنتي مسيكينة عندها 4 سنوات مكاين غير العصا حتى هي كانت كتغير من خوها في الاول ولاكن دابا ولفات بيه الحمد لله