السلام عليكم اخواتي
تيقوني الا قلت ليكوم عندي ادمان على المنتديات و المواقع اللي كتحدث على النحافة و درت مجهودات كثيرة فهاد المجال و رجعت خبرة ههههههههههه غير مابغاوش اعطيوني شهادة دوكتوراه و انتقلت من 38 كيلو الى 53 و لكن فمدة أكثر من 15 سنة. و مازال ماوصلت لداكشي للي بغيت يعني مازالة مشيشة وصاف.مازالة معقدة من هاد الجانب و حاسة بنقص.
المهم هادشي بلا ما نطول فيه لان اي وحدة دخلات لموضوعي راها كتحس بهادشي كامل.
المهم أي شيئ قريت عليه كنخلط فالبلاصة سواء طبيعي او دوا ثم رجعت كنستعمل أكثر من وصفة فدقة وحدة و النتيجة مازال صدري فراكة ههههه و من بعد الولادة طاحو لي شي سنان و رجع فمي خاوي .المهم وجه ميمتي مازال ماشاء الله عامر مقارنة بوجهي و هادشي كامل زيد عليه التجاعيد لدرجة ختي الكبيرة كتبان صغيرة علي.
هاد الايام قلت فراسي : وقف …..stop الوصفات بوحدها ماشي ط§ظ„طظ„ ……..
الملاحظة اللي عندي على راسي و على واحد بنت خالتي مسلوتة بحالي : أننا معروفات فالعائلة بحساسية زائدة و نفسية ساهلة تطيح و خاطرنا ضيق. فالمقابل أختي و أختها ماشاء الله عامرات و لكن نفسيتهم مطلوقة ماهازينهاش منين تقالت.
تصوروا الا قال لي شي حد كلمة وحدة تقدر تفرقني على الماكلة نهار.و كلمة أخرى تخليني بلا نعاس ليلة أو أكثر.
فالله اجازيكم بخير هاد الموضوع ديالي بغيتو بحال test أو اختبار واش حتى نتوما حساسات ؟ كيفاش كتقابلو مشاكلكم ؟ واش خاطركم واسع أو ضيق ؟ واش عصبيات.
الله ارحم ليكم الوالدين الا بغيتو نلقاو حل لحالتنا ناقشو بيناتنا مزيان هاد المشكل امكن الا لقينا شي أغدية أو ادوية أو مهارات باش نتجاوزوا حالتنا النفسية امكن الا كلينا غير شوي ابان فينا.
و لكم مني جميل الشكر .يالاه ما تبخلوش علينا باراءكم.
hgkpdthj H[d, krgf, ugn hgpg td hj[hi hov> hov
hatta ana bhalak zidini 3lik ay haja sghira wala kbira kat2atar fya o katamchili chahya ya9dar 2 jrs ila sma3t chi hadra ma3ajbatnich kanwali makana7malch nakol
ewa lhamdolillah 3la kol 7al
allah ighalladna
brit lwasafat li darti w ghaldok mn 38 L 53KILO
شكرا على الاخوات الكريمات على المرور الطيب.بالنسبة للأخت قانة لله الوصفة اللي جابت معايا نتيجة مزيان هي سيو نورافيت خلطو مع حليب نسلي محلى مدوبا فيه باكية د ماروخا .و لكن مع دابا الخدمة و ولدي صغير مابقاش اجيب نتيجة معايا.
الاخوات فوفليسا -ايما – الهناء صراحة حنا ماخاصناش وصفات لزيادة الوزن بصدق خاصنا :
وصفات لتيساع الخاطر .و ان شاء الله نهار اوساع لينا الخاطر و ترجع نفسيتنا مزيان اللي كليناها تبان فينا.
يا الله اللي عندها شي اقتراح راحنا فالاستماع.
شخصيا باغا نمشي عند طبيب نفسي غير هاد الخطوة جاتني شوية صعيبة خص اللي يحمسني اش ضهر ليكم .و كنسكن فمدينة صغيرة مافيهاش طبيب أو كوتش اقدر اساعدني يعني التنقل بلا خبار راجلي شوية قاسحة و باش نقول ليه راني مسافرة عند الطبيب راكم عارفينالعقلية ديال رجالنا كيدايرا.
اش ضهر ليكم.
اشنو كاتقتارحوا أنحيفات باش ترجع نفسيتنا هي هديك؟