السلام عليكم وشكرا للمجيبات
lk sfr gih Hk .hvj hg’fdf fsff hgslkm ,,[]j hgkjhz[ hg’dfm shvm ,k[pj
ولكن ملي حملت بديت على الماكلة خصوصا الحلويات اللي فيهم اللوز وسلو وزيد وزيد تا وليت بحال الفيلة هههههههههههههه
المهم انا مقدرتش نرجع للرجيم ديالي لحقاش ملي كنت حاملة في لاشهر الولى كنت متبعاه دابا غير نشوف الاكل اللي كنت متبعة وجيني حشاك الرضان
زوين الصراحة نقصت بدون حرمان ووجهي صغااااااار بزاااااااااااف
ورعت ريما للعادة القديمة
تحياتي
اخواتي الرجيم اللي كنت متبعة نتمنى يساعدكم بحالي ساعدني زويين ومتحسيش بالجوع والو مع المدة غتولي تاكلي اقل منو
بسم الله نبداو
الفطور .. 2 كيوي بالنسبة اللي عندو مشكل الامساك بحالي 2 كيسان الحليب مع قهوة +الخبز انا كانت قالت لي نخلط 4 المعالق الكونفليكس مع الحليب انا مكنحملوش كناخد الخبز والزيت العود
الغداء ..150غ الدجاج او 200 غ الحوت او تون 100 غرام كل يوم نوعي +الخضرة اما مشوية في الفرن او صوبة +سلطة الكمية اللي حبيتي
معلومة انا كنت كنديرها وهي اللي عاونتني بزاااااااف وهي الكرعة الله الله عاونتني بزاف كناخد الكرعة الخضرة ونقطعها اما طويلة او مدورة ونحطها في المقلة مكنخليهاش تطيب غير تولي دهبية وناكلها عرفتو والله تاكتشد الجوع مزييان وكتعاون على الضعف
العشاء بحال الغداء
وعندك 2 بيضات مصلوقين مرة في الاسبوع والفرماج 100غرام 2 المرات في الاسبوع
والخبز الاسمر 120 غرام اما في الغدا او العشا وما بين الوجبات كانت قاتلي خدي دانون او فاكهة انا مكنتش كناخد لان الكرعة صافي غتعمرني هههه
الماء بعد الاكل لا لا على ربع ساعة وفي اليوم كله ساعة بعد ساعة كاس الماء
وكانت قاتلي في اخر الاسبوع كلي اللي حبيتي بحال البيتزا الكلاص وزيد وزيد الصراحة كندوق منهم حتى كرهتهم ملي شفت راسي نقصت بزاااااااااااف مبقيتش كندوز جيهتهم
ايوا نتمنى نكون افدتكم والله يسهل عليكم تا توصلو الوزن اللي بغيتو ياربي