طلب مساعدة

السلام عليكم ورحمة الله وبكاته
أخواتي لي سبق ليها وجاتها لكزيما فودنيها ودارت ليها شي حاجة وبرات ليها تفيدني

أنا دوزت عند طب العام حتى طبت ومشيت عند الأخصائي وعطاني أونتيبيوتيك وبوماضة ومدارت لية والو ورجعت مشيت مرة أخرى وبدل لية لبوماضة وقالي بلي السبب هو الما فاش كندوش كيدخل وكيدير لية داك لحكة ولقشرة وقالي نبقا ديما ندير لبوماضة بعد الدوش مباشرة ولكين هاد الأيام مع صهد مبقات تقضي لية لبوماضة والو .

---

‘gf lshu]m

الله ايشافيك اختي والله ماعندي فكرة

الله يشافيك ا حبيبة .سيري لطبيب د الجلد يكون احسن

الله يشافيك اختي هبة ، ماعندي حتى فكرة على الدوا ديالها ، انا كاعرف كاتجي بالما الى بقا فشي بلايص ماتمسحش بحال بين الصباع في الوضوء و اختي كانت شرات واحد البوماض مزيانة ، بالحق لرجليها ماعرفتش واش تليق لودنين ولا لا ، انا فنظري من الاحسن تشوفي طبيب ديال الجلد

هبة عندي ليك واحد الدوا رائع غير قولي لي واش ديك الكزيمة لي ناشفة او كتقشر ولاى ديك ديال اليدين لي كاتكون حمرة او مكمشة حتى انا في فديا او السبب حرقت صبعي او ناض لي عليها الكزيمة جاوبيني الى كانت الناشفة عندي دوا دقة بطلة ههههه

دوى ديالالكزيمة لي لي ناشفة هي ملي تفيقي من النعاص فالصباقبل مدري والو داك التخت لي كيلسق فسنانك دوزي صبعك على سنانك او مسحي ديك الكزيمة ستمري كلا صباح حتى تبان ليك النتيجة راها مبهير باليجريب انا كتكون لي فجنب الحجبان او فالجناب دوجهي ملي كانت بشرتي ناشفة او دابة مبقاتش تجيني او حتى وجهي ملي غلاضيت ولى مزيان

امين اختي الله يجازيك بلخير

امين احبيبة ويشافي جميع مرضى المسلمين
عندي لكزيما لداخل فودني ماشي برا ومشين عند اخصائي ديال الودنين مرأت عدة كتبرا لية ولكين غير دوز شي مدة كترجع

امين ا يارب العالمين . راني مشيت عند اجصائي فلودنين حيت عند لكزيما فودني لداخل وقالي سبابها لما فاش كندوش وعطاني واحد بوماضة سميتها (طوبسين جيل) وقالي فوقما دوشي ديرها وكانت كتقضي لية شوية ولكين هاد اﻷيام مع صهد مبقتش تقضي والو كتجيني واحد لحكة رهيبة
وهو راه قالي بلي معندهاش دوا لي كيبريها فمرة يعني داك لبوماضة غير مهدئ.

اختي انا مكيبانش لية لمنضر ديالها ولكين كنضن ديك ناشفة حقاش فية لحكة بزاف وكدير لية قشرة بيضة وويﻻ زغبني شيطان وحيدت داك لقشرة كنولي نحس بتوزويز بحلي مجروحة ودني من لداخل