كتلة في الثدي

---

;jgm td hge]d ;jHf

ختي الله يسمعك خبار الخير وانشاء الله مايكون والو حيت ماشي معنيتها أي كتلة في الثدي تكون شي حاجة خايبة غي هو حاولي تمشي تشوفي في لأسرع وقت باش متبقاش نفسيتك محطمة باش طمني وطمنينا عليك انشاء الله

الله يجازيك بخير اختي ويارب يسمع منك ومتكونش شي حاجة خايبة راني منعستش بالتفكير اللهم لك الحمد على كل حال

allah ychafik khti enchallah ykon khir

اللهم امين يارب بارك الله فيك اختي

حبيبة ما يكون عندك باس ، ماتخافيش إن شاء الله خير ماتعمريش راسك بالوسواس راه ماشي أي كتلة فالتدي راها خبيبثة كما قاتلك الأخت غير توكلي على الله وسيري عند الطبيب والله يشافيك ويسمعك خبار الخير
أحبك في الله

Hta ana nafs mochkil brit nmote bi khl3a w stresse mchit dart mamographie et radio
walkin hamdo lillah 9alo lya ri kotla dyal chahma

بسم الله الرحمن الرحيم
متخافيش اختي راه عادي انا يلاه جبت التحاليل ديال الاكوكرافي وعندي فيهم بجوج ولاسس كثار،ماشي معناه شي حاجه خايبة،هو تغيرفي الهرمونات،ومرتبطين بالسن وهي حميدة وتتزول غير بوحدها بلى حتى حاجة.
اطمئني .

الله يسمعك خبار الخير ماتخافيش و ديري يقينك في الله سبحانهو مايكون غير الخير
أنا في شهر فبراير دررت راديو بيّن بلي عندي ولاسس تحت الإبطين الطبيب تخلع كثر مني وسيفطني درت ماموغرافي
لي بينات بلي فعلا كاينين ولاسس
من بعد ما درت سكانير بان بلي ماشي غير تحت الإبطين لكن حتى ف جدور ديال لفخاض
الحمد لله نهار 21 منهاذ الشهر عاد رتاحيت نسبيا أخيراbiopsie الي درت بينات بلي ماشي سرطان و لكني خاصني نراقب أي أنني غادي نرجع من هنا 3 أشهر باش ندير شي تحاليل + راديو يمكن biopsie لكن الحمد لله كيما قلت لك ماشي cancer
فإذن سري لعد الطبيب أخصائي ديال النساء وما تسبقيش الخلعة إن شاء الله مايكون بأس عندك
و عن تجربة ديري يقينك في الرب و قولي لي جات من عند ربي مرحبا بيها و غادي تكوني قوية إن شاء الله
الله يسمعناعليك أخبار الخير

الله معاك اختي ان شاء الله ماشي شي حاجة خايبة غي ما تخلعيش حتى انا اختي كانت وقعت ليها و لكن كانت يالله ولدات .. ربما شي حاجة طبيعية مع الحمل و الولادة او الاجهاض .. و لكن مافيها باس تمشي تعملي التشخيص عند طبيبة مختصة .. الله يشافيك و يعطيك دوام الصحة و العافية و يعوضك في الجنين الي فقدتيه.. السلام عليكم