السلام عليكم يا بنات
اليوم جيت نقترح عليكم موضوع و مشكلة جديدة
انا تخطبت هد ليام المشكلة للقيت انا وراجلي هي اننا فالاتات ديال دار معرفنا باش نبداو ولا شنو نسبقو وشنو نوخرو و لي دارناها كنديروها ناقصة قلة التجربة فحال الى كنلعبو عروسة و عريس و مباغين تحد يفهم علينا كيقولو لعكر فوق لخنونة ههههههههههههههههههههههههههههه
المهم الاقتراح هو كل وحدة فينا تقول لينا باش بدات وشنو تبعات ههههههههههههههههههههههههههه نيت مزال خاصني كلشي ههههههههههههه
dghi kjuh,k, thghehe
ألف مبروك الله يكمل بخير ونفرحو بيك فالقريب إن شاء الله.
أنا ممزوجاش ولكن كانت عندي تجربة سابقا ولكن مكملاتش. المهم فالأثاث ديال الدار أنا في رأيي كتبداي بالأهم تم المهم و هكدا، على حسب الأولويات. فالترتيب ديالي كنبدا ببيت النعاس هو أهم حاجة، كنحط أشنو نحتاج فيه ونحط معاه ميزانية مقربة لأن ضروري مغادي تكون شوية ديال الزيادة. من بعد الحمام و الكوزينة،و بيت الجلاس عادي يكون فيه غير شي طابلة و كنابي ولا 2 صدادريعني للماكلة و الجلسة قدام التلفازة. و الصالون خليه هو الأخير وحدة بوحدة حتى تكمليه. ولاأهم هو الصبر و التفاهم و الفال للبنات جميع إن شاء الله.
لي عودة في الموضوع إن شاء الله
الله يكمل عليك و على كل البنات
رأيي هو أنك تجيبي ورقة و قلم و تكتبي الاحتياجات و باش باغا تبداي
ملاحظة ماشي كل الناس كايبداو ببيت النعاس لأن كاينين شي عرايس عندهم العائلة و كايبداو الزيارات بزاف للمباركة فكايبداو بالصالون و بعده بيت النعاس و في بيت الجلاس كايديرو غير طاولة أكل بالكراسي دياولها
لكن هدا ماشي معناه كايخليو الصالون خاوي لأ كايشريو غير مثلا ناموسية و زربية …
المهم
حاجة أخرى خاسك تشوفي ألوان الدار و الأثاث المناسب و قياس الغرف و كيفاش تحطي الأثاث حسبه
و ايلا كانت الدار مدهونة بالأبيض او الباج أحسن
وبعدها الفراش الاخر والكوزينة كنت انا مبلية بشريان الماعن وجانى الفورنو كادوا والفران
وشرينا غير الثلاجة والمكينة ديال الصابون حتى جربنى واش حادكة عاد شراها ليا هههههههههه
من بعد شي 3 شهور ايوا شوية بشوية كيحمل الواد
كنتمنى لك حياة سعيدو واهل شئ التفاهم تم التفاهم لا تغركي الاشياء
موفقة حبيبتي