قرب عرسك و تالفة مع التحضيرات .دخلي .حتا انا بحالك هههه

السلام عليكم و رحمة الله تعالى و بركاته عريسات اناقة لغزلات
دخلو مرحبا و الف مرحبا الدار داركم
صراحة طاحت عليا هاد الفكرة ( ما تخافوش مفلقاتنيش هههههه) من واقعي المعاش ..خواتاتي عرسي فصيف ان شاء الله و مكرهتش كون كانت عندي ختي ولا صاحبتي لكتوجد لعرسها باش نتعونو في الأفكار و لي نسات شي وحدة شي حاجة تفكرها لخرا و نحيدو على بعضياتنا الخلعة و نبقى معاها و تبقى معايا متبعاني حتى الليلة العمر و بما انكم نتوما خواتاتي و اكيد كاين لبحالي الله يكمل عليهم بكل خير نتعاونو مع بعضياتنا الى الفكرة عجباتكم
يالاه العريسات لدخلات و قبلات بهاد التجمع تقول لينا فوقاش عرسها واش بدات توجد ولا لا واخاااااااااااااااااااااااااا
كننتظر ردودكم

---

rvf uvs; , jhgtm lu hgjpqdvhj>>>]ogd>>>pjh hkh fphg; iiii hgjpqdvhj]ogdpjh

الله يكمل عليك اختي الغالية بخير و يسر امور زواجك كلها
و ان شاء اللله العرس ديالك غادي يدوز زوين غير خلي لي حقي من الحلوى و صافي ههههههههههه
اشنو غادي نقوليك بغيت ا حبيبتي نعاونك و لكن انا ما مزوجة ما كنوجد لزواج
و الله يلاقيك مع شي انيقة لتعاوني انت و هي
تقبلي مروري

شكرا اختي راجية _الجنة على هده الفكرة راهاااا زوينة بزاف و كيشرفني نكون اول عروسة كتشرك في هده الفكرة انا عندي عرسي في شهر يونيو راني بديت كنوجد في تحضيرات ديال العرس كيف مقولتي راه شداني واحد الخلعععععاااااااا منكولش ليكم ويالههههههههها العريسات ديال الصيف دخلواااااااااااااااااااااااااااااا

اختي موسليم موروكن الالة مرحبا بيك و الف مرحبا اجي نتي لعرس كاع تشرفيني
شكرا اختي على مرورك و الله يجيب ليك شي ولد ناس بخلقو و دينو يتهلى فيك و يحطك فعويناتو ياااااااا ربي و نشوفوك عن قريب معانا فهاد التجمع ياربي
تحياتي

مرحبا بأول عروسة فهاد التجمع صلى و سلام على رسول الله …..يوييويويويوييييييييييييييييييييييييييو
الله يكمل عليك بالخير اختي راك سابقاني انا عرسي فغشت شوية بعيدة عليك ههههههههه حتى ندوزو عرسك ان شاء الله
اوا قوليلي فوقاش بديتي تحضير و باش بديتي اول حاجة
انا راه لبنات تيخلعوني تيقولولي خصكي تبداي تعربني و لكن انا كنحس مازال الحال

انا بديت كنوجد من شهر يناير اول حاجة بديت بيها هي عربنت على القاعة ديال الحفلات و 2 -شديت النكافة 3-الكوافورة4-مصور 5-لكروب ياكي اتقولي راكي وشدتي بكريييييييييييي لالالالالالالا راه من مشيت كنقلب على القاعة لقيت كلشي عامرررررررررر بزافففففففف ومن تما و انا نبد نوجد خسكي تبداي من دبا اختي و الله يكمل علينا كاملين الى حتجيتي شي معلومة انا معاك منين انتي

مشيتي تشوفي القاعة تخلعتي هههههههههه و راكي حادكة تبارك الله عليك بعدا المهم راكي درتيه
انا تيقولولي صحاباتي راه كاع لبنات لكيعرفو بداو يوجدو انا قلت حتال شهر ابريل او ماي عاد نبدى نعربن لبديت بيه دابا هيا لخياطة حيت غير كيدخل يونيو غير بلا متدفع لخياطة كيوليو غير يخربقو و كيتعطلو دفعت شي تواب بقاولي من الخطبة ديال قفطان و جلابة و عاد شريت توب تكشيطة مازال مدفعتهاش .
انا اختي من مكناس و انتي كنظن من كازا ياك ؟؟؟ و قوليلي كلقيتي الأثمنة بحال لكيكون فاش كتشديهم فصيف ولا رخص

السلام عليكم
ها العروسة التانية وصلات
أنا عندي العرس شهر 7
فشهر 1 لقيت كلشي عمر
الناس عطاو العربون ديال شهر 6و7و8 من شهر 1

مرحبا و الف مرحبا بعروستنا الثانية كنظن من اسمك فاسية مكرهناش نرحبو بيك بالحليب و التمر و الله يكمل ليك بالخير و يدوز ليك كلشي كيف تمناي
عندنا دابا لعرايسات بالترتيب
نانيتا فشهر يونيو فاس_فاس فشهر يوليوز و انا فغشت ان شاء الله
تبارك الله كتفاجؤوني ..ايوا قوليلينا اختي فاس عربنتي غير القاعة ولا حتى داكشي لاخر كيف الأخت نانيتا ؟؟؟

[align=center]
السلام عليكم ورحمة الله وبركاته
الله اكمل لكل وحدة بالخير وبكل ماكا تمناه
انا معاكم العرايسات
انا عرسي في شهر يوليوز في الاخير
يلاه بديت نوجد الكسوة
[/align]