بخصوص الحلاوة

السلام عليكم البنات البارح كنت عند مول المكياج وبانت لي ديك القريعة ديل ط§ظ„ط­ظ„ط§ظˆط© وأنا ما عمري جربتها وحشمت نسول داك الرجل على كفاش نستعملها : وصافي شريتها حيت عييت من فيت الصيف على الأبوب و بالحلاوة الشعر كيتعطل ف النمو ياكو بعدا هه؟؟ وكدلك عطاني معها دك ألصقات باش نحيد

المهم دبة أنا بغيت نعرف كفاش كتسخن ديك القرعة وكيفاش كدار على البشرة و- واش كنحيدو بعكس نمو الشعر !!! عفكم البنات لي معتمده تقولي على تجربتها معها واش مزينة وكدلك كفاش نستعملها لله يعطيكم ما نويتو فخاطركوم جاوبوني

---

fow,w hgpgh,m

سلام انيقتي تا انا وليت كا ندير لاسير الساخنة هادي شي شهرين
كنت من بعد عرسي مرة نديرها عند الكوافيرة مرة نديباني ب براون و دبا جيت للغربة الصالونات غاليين و ما زعمتش حيت ما عنديش صحابات هنا قلت نشمر راسي ههه
فالصراحة كا نفضل هاد لاسير على براون لأنها نتفة وحدة كا تطير العجب و ارتاحيت فيها. مع دلك كا ندير براون للرتوشات

انا كا نديرها مثلا نهار او 2 بعد الحمام باش الشعر اللي يكون نايض تحت الجلد يطلع فوق البشرة و يتحيد بلاسير، و حتى البشرة لا كانت محكوكة كا تجي الشعرة اسهل فالتحياد لأنها أرق

ايوة كا تسخني القريعة ف بان ماري (حمام مريم) كا نغلي الماء مزيان و نحطها في غراف واسع د الحديد و نخليها 3 او 5 دقايق ، تا تولي ملي تبركي على القرعة تبان ليك لاسير ولات سائلة الداخل . حليها و دوزيها على يدك باش تجربي الحرارة و وجدي الثلج و بيافين عند الضرورة

صافي دوزيها في اتجاه نمو الشعر مثلا الرجلين من الركبة الى التحت. دوزي غير طبقة خفيفة باش فالتحياد ما تتعجنش ليك. دوزي مثلا رجلك القدام كاملة ماشي تدويزة/نتفة هكداك غادي تتعطلي. المهم ديري الورقة في نفس اتجاه نمو الشعر و ما تنسايش تخلي شوية من الورقة فالتحت يبقى مهزوز أو المهم ما يتقاسش بلا سير باش تلقاي في تشدي الورقة ملي تجي تحيديها

ايوة جريها فخطفة وحدة في اتجاه عكس نمو اشعر يعني بالنسبة للرجل من عند الكعب للفوق يعني طالعة للركبة

راه نفس الورقة يمكن تستعمليها 2 مرات يعني تحيدي بيها جيهة و بنفس الورقة تحيطيها ثاني على جيهة اخرى مدهونة بلاسير و راها غادي تحيد ليك. هدا علاش ما تديريش طبقة غليضة د لاسير باش ما تتعجنش ليك و تطليك

ملي كا نكمل كا ندهن بأي زيت باش تحيد البقايا د لاسير لأنها ما غاديش تحيد بالماء بسهولة ن عاد كا ندوش و ثاني الدهين. بيافين مزيانة الى عندك بشرة حساسة او الزيت راه كافي

و ضروري داومي على الحكان الاسبوعي باش ما ينوضش ليك الزغب تحت الجلد

يالله بالصحة الترييشة مسبقا !

مافهمتش هادي اشقساتي

هههه سمحي ليا التعبير ديالي كان غامض
اللي قصدت بالحكان هو الحمام المغربي زعما السخون + الكيس و حك يا ما تحك لأن الكوماج ضروري باش ما ينوض الشعر تحت الجلدة و يتحبب

اختي كنت شفت واحد التعليق ديالك هادي فموضوع اخر و عجبني التوقيع ديالك بزاف … حلمك اختي ماشي مستحيل ولا كثير كلشي قريب عند الله :-] الله يناولك ما في خاطرك عاجلا عير اجل قولي امييين

توضيحات اخيرة : لاسير راها كا تدوم ليا انا مثلا 3 اسابيع و كا يبدا ينوض، و كل وحدة و داتها انا شخصيا مزغبة من نهاري هههه و لكن النتيجة كا تبان من اول استعمال كا ينوض ضعيييف و غي زغبة هنا زغبة هنا ماشي بحال فيت او الرازوار. ايوة كاع الى عكزتي تقدري ما تنتفيش تاني حتى تكملي شهر … و مع دلك ما كا يجيش معيييق
و لكن الافضل تداومي و ما تعكزيش باش ما يصحاحش الشعر تاني و تنوض الخلفة انا مثلا ميكت عليه ايامات الوحم و المرض شي شهرين ايوة اجي تتفرجي درعاني ولاو يتضفرو ههه ما ريشتهم تا غفر الله الدنوب

ملي تسالي من نتيف دهني بزيت الزيتون ضروري راه كيعطل نمو الشعر و في نفس الوقت كيرطب
وشوية الملح وهذا بالتجريب اوااااااااااا راه صيف هذا ديال الكسويات هههههههههههه

nasiha albnat lasir tabi3i hsan min vit ozizwar lasir kayni9i lbachra okayratabha .salam har okhti fatima

شكرا لك بزاف بزاف على هاد التوضيحات وعلى طريقتك فالشرح لله يعطيك ما نويتي فخاطرك الحبيبة

وش ملي كنسخنو لحلاوة كتخرج بسهولة حيت هادي لي عندي وقيلا مكتحلش!!

بالصح الصيف قريب وضروري نتخلصو من هاد الشعر الزايد وأكيد غاندير الزيت البلدية بارك لله فيك أختي

كتبي بالعربية راه احوليت عاد قريت هاذ العرنسية ههههههههههههه