تجمع خاص بالاخوت شعر الدهني أفيدونا

---

j[lu ohw fhgho,j auv hg]ikd (ugh[ jshr’ hgauv) Htd],kh hgdi,] hgauv ugh[

صباح الخير انا اليوم راشقة ليا على الشعر ههههه
ضحكتني ادا كان مكرر الى الارشيف ……..
انا تندير حاجة وحدة زيت الزيتون مقروء عليها القران وخلاص زيت في الكوزينة و القران في فمي
احتراااااااامي

السلام عليكم
عرفتي اليوم عجبتيني بزااااااااااف:d
حتى هاذي فكرة راه شعي مسكين خالعني بزاااف
غير الله استر وصافي
شكرا بزااااااف

بلا متعي راسك اختي ام الحلوين
راه حسناء معكازا،غادي تعول ليك قراي ليا انتي عليها القران ،هادشي الي ماقالت ليك راني محفظاش ههههههههه
حسناء متقلقليش مني راكي عزيزا بزاف دكشي باش كنشد فيك
ممممححححححححح

صباح الخير

انا تندير حاجة : الزعتر يغلى في كاصرونة د الماء, و من بعد غسيل الشعر خوي عليه ماء الزعتر المصفى (هو آخر مرحلة يعني ما تشليهش), استعمليه غير مرة في الأسبوع (نهار الحمام مثلا) و ردي عليا الاخبار

ضحكتيني الله اعطيك ما تاكلي
لا وهديك دغيا نديرها اما داكشي ديال طحن و لا دك و لا خلط تاي عصبني :(:(
و ماتان قدرج نخلط فوق راسي عرفت لي كاين الله اعطيك الستر

سمعت اختي حتى زعتر مطحون مع زيت الزيتون
زوين والله مان عرف:confused::confused::confused:
شعري طويل تبار ك الله و لكن ولا كاي طيح لي هاد الايام بزاااف وما بقيتش تان حمل ندوز عليه المشطة نهائيا
شكرا لك عزيزتي على المرور الطيب

شوفي قاراي علي شعرك ديريكت،متحتاجي كاع زيت هههههههههههه

حبيبة حتى أنا شعري طويل, و مع الماء ديال الزعتر ارتاحيت بزاف و تهنيت من كثرة الخلطات, خصوصا مع الرضاعة كيولي الشعر كيطيح بلا سباس و بلا قياس

الله يشافيك اختي حسناء الرودانية بحالي بنت مدينتي والله يشافينا جميع نفس المعانات

بعد بحت قررت نطهلا فشعري وغا نعطيك الوصفات لي كندير الوصفة الاولى :

في كسرونة فيها ماء+ زعتر+قشور رمان+خزامى +قرنفل+بصلة منقية ومقسومة على 4

ثومة مقسومة على 2 خلي كلشي يطبخ مزيان وطفي عليه وخليه يرتاح ويطلق عاد جيبي

قرعة رشاشة وصفي الخليط فيها ورشي شعرك جيدا من الجدور حتي الاطراف وعملي مساج

حكي باطراف صباعك وخليه فشعرك يوم كامل اوليلة كاملة وعسليه ومتقوليش عكزتي هادي

مافيها الطحين والطلي ,الوصفة الثانية: خديت علف الثمر حرقتو+ جنجلان+زريعة الكتان

حفنة من كل واحد كتحمريهم قليلا وطحني كلشي وتصبي عليهم الزيت البلدية زيت العود كما

كنقولو ليها وجمعي كلشي فكسرونة وخليهم يطبخو مليح وطفي عيهم ملي يبردو صبيهم

في قريعة وخليهم 3 ايام وكل مرة نخضيهم مزيان من بعد وقت ما بغيتي تغسلي

شقي بهم شعرك مزيان وخليه فيه ليلة كاملة ولغد غسلي شعرك هادشي لي كندير

وربي شاهد وصبري شوية راه حتى حاجة ماكتجي بالساهل

وهادي وصفة اخرى كيديروها طفالاتي وكنديرها لبنتي الحبوبة حتى هي

رائعة كتقوي الشعر وكتخليه كثيف وغزير وصي على مرارة العجل كتجيبيها وكتجيبي

5 دراهم حرمل كتكليه وكتعمري به ديك المرارة وكتخليها مدة في الشمس حتي تكرم مليح

طحنيهم وزيدي عليهم الحبة السوداء كليها وطحنيها خلطي الكل مع الزيت البلدية وبداي

شقي بيه شعرك كل ما بغيتي تغسليه ولا درتي هاد الوصفات مغايبقاش يطيح ليك شعرك

وغا يقوى ان شاء الله