عنايتي بحمامي لبارح
لشعري درت خلاصة مجموعة من الأعشاب لزوم تساقط الشعر( خليتهم يرقادو 15 يوم فزيت الزيتون )
درت لبوني ومنبعد بلاستيكة
وجهي درتلو كوماج التقشير الطبيعي … سنيدة+ زيت زيتون
منبعد درت صابون بلدي بلأعشاب للفرك .
للغسل ستعملت جيل دوش بصبار حكيت قدامي بحجرة ودفاري بشيتة وصابون لوجهي
أخر شيء شللت شعري بمنقوع البابونج
حكيت سناني
من بعد الدوش دهنت جسمي بزيت جونسون
المنطقة الحساسة بزيت الزيتون
درت أولا مزيل العرق الطبيعي
كنستعمل 70غ شبة مدقوقة رأس ملعقة نعناع ميبس في الفرن ومطحون + رأس ملعقة قرنفل مطحون+ راس ملعقة قرفة+ 2معالق كبار طالك بعد مدة عاد درت مزيل العرق إصطناعي
ودهنت وجهي بكيرم مرطب ويدي ورجلي بفازلين عادي
درت باتشا لشعري ودهنتو بزيت السمسم
مسحت ودني من مخلفات الماء
قاديت لباسي وكحلت عويناتي وتعطيرت و رطبت شفايفي
mamachraf
ماشاء الله كلكم في المستوى
غنزل وصفتي لعناتي ببشرتي الليلية
قبل كلشي غنغسل وجهي بصابون عادي وأكيد سنينات
بشرتي جافة
ندهن وجهي بزيت الزيتون مزيان كمية كتيرة نخليه على وجهي حتا يشربو وفهاد الأثناء نوضع كمادات خيار لزوم الإرهاق
نكون موجدة عصير التشين مع عسل حرة ندهن بيها وجهي منبعد ..ونخليه على وجهي حتا لصباح يعني نبات بيه
هاد لوصفة كتفيد جميع أنواع البشرة
مفعولها إزالة الشوائب والحماية من التجاعيد والحبوب
كما أن فتامين س مهم للبشرة
رجليا هاد ليلة ختاريتلهم
كمية زيت زيتون + كمية فازلين عادي نخلط كولشي وندهن بيه رجلي خصوصا كدامي نحاول نعطيهم وقتهم فدهين
نديرلهم بلاستيكا جهت لكدم ونعسبيه حتا تعراق رجلي
يدي ندهنو بفازلين عادي
حتا الصبح إن شاء الله ونمسح بكلينكس وندهن وجهي بزيت الورد
ماشاء الله عليكم حبيباتي في قمة أناقتكن اللهم زد وبارك
كالعادة حبيباتي بشرتي جافة
منبعد الماسك المغذي لي درت لبارح بليل ديال لتشين والعسل
هاد صباح غسلتو بصابون ودهنتو بزيت الورد أصبح ملمسو رطب وبشرتي مشرقة
للإشارة البشرة الجافة ضروري من دهنها كل ماغسلنا وجهنا
بشرتي هاد صباح نخليها ترتاح
وطبعا منساوش التزين نكحل عيوانتي ونتعطر ونرطب شفايفي وأكيد نقاد لباسي
هادو بعض المنتوجات لي كنستعمل
واقي شمسي تخونسباغون كتنقي لبشرة وكتحيد ليطاش
ختاريت لعنايتي هاد نهار اليدين
درت كوماج*** سكر+ زيت الزيتون دهنت بيهم يدي وخليتهم المدة الكافية منبعد مسحت بكلينكس ودهنتهم بلحامض مزيان وحكيت اصابعي خليتها أطول مدة ممكنة منبعد نشفت بماء الورد
كيبقاو ناعمين
مع أنيقات جميلات ههههههههه
ماشاء الله عليكم عناية وجمال تسلمو
تقريري لعناتي لليوم الثالث فلمسابقة
ليوم كنت صائم فختاريت حمام خفيف مع العناية الإعتيادية
شعري عادي وبشرتي جافة
فصباح دهنت جسمي كلو بتبريمة ديال دوف وخليتو أطول مدة ممكنة
1/2 لتر حليب+ صابونة دوف+ قابسة غاسول أبيض+ كأس نيدو نسيت مصورتوش
حكيت دوف وخلطها مع باقي المكونات ودرتها فقريعة وفي التلاجة كنجبدها قبل ماندوش نديرها على جسمي كولو قبل بعدت ساعات
هاد لوصف تصلاح 3 أينم في الأسبوع للتبيض وخصوصا تحت الإبط
منبعد مسليت شغلي دخلت درت دوش خفيف وشللت بجيل دوش ديال الصبار
بعد الدوش دهنت جسمي كيلعادة بزيت جونصون ودهنت وجهي بكريم مرطب
درت للإبط خليط ديال شبة ولقرفة والقرنفل مع طالك
يدي ورجلي بلفازلين ولبست تقاشر
درت باتشا كي لعادة و ريكسونة للعرق
ندهن وجهي بزيت الورد منبعد كل غسيل
تقريير عنايتي لليوم الثلاثاء
بشرتي جافة
في المساء عملت ماسك للتبيض لوجهي والعنق وحتا ليدي
مع ماء الورد+مع حليب سائل+ مع حليب غبرة نخليهم على وجهي ربع ساعة وااااااااااو كيخلي لبسرة نقية
منبعد غسلت وجهي بماء الروز
خليتو شوية ومسحت بكلينكس
دهنت وجهي ببافين
يدي ورجلي بفازلين وعملت لكرشي خلط الزنجبيل لي حطاتو الأخت أموريا
هدا مكان هاد ليلة إلى لقاء قادم
تقريري لعنايتي ليوم الخميس
نهار كنت صائم مدرت والو فليل ختاريت لعناية برجلي درت حمام للرجلين بماء سخون مع لملح والنعناع خليت فيهم رجلي حتا رتاحو وترخاو منبعد درتلهم لجيل دوش وحكيت بلحجرة باش زولت الجلد الزائد
عذرا الصور تمسحولي ….
منبعد ذوبت الشمع وخلطو مع كمية ديال لفازلين ورطبت بيهم رجلي ودرت ميكا على كدامي ولبست تقاشر
خاصية الشمع مفيد للتشقاق رجلين بحيث ناس لقدام كانو كيشعلو الشمعة ويقطروها فبلاصت التشقاق باش تسد ليهم الفراغ وتجمعليهم الرجلين
فليل وجت لحنة لي غندير لشعري بلخلطة المعتمدة عندي لي هيا
اللون الأكاجو بالحناء
قشور الرمان+شاي أسود)
حناء+ ماء الباربا+ سواك درتو فبلاصت( قشور الكركاع) 3 مك نسكافي+3مك كاكاو+عصير الحامض
كنغلي السواك فماء الباربا ونصفيه ونعجن بيه الحناء والكاكاو ونسكافي…ونخليها ليلة حتا لصباح وندفيها ونديرها ونخليها فشعري حتا تطلق مليح على ألاقل 4 سوايع
وجت صابون الجسم لي كيرطبو ويخلي ريحة زوينة
م أداد مطحون + م سكر كلاصي+ م خزامة مطحونة+ م حناء + صابون بلدي
نخلطهم وندهن بيهم جسمي نبقا شوية ونشلل بلماء منبعد نفرك جسمي
منبعد شللت بجيل دوش المعتاد
ودهنت الإبط بخليطي المعتاد ديال شبة ولقرنفل والقرفة والنعناع مع طالك
دهنت جسمي بزيت جونصون ورجلي ويدي بلفازلين ووجهي بلكريم
مشط شعري عادي حتا ليل عاد ندير باتشا
لبست لباس طويل ودرت شالي وحطيت خاتمي مع كرميط وكحلت وتعطرت عطر خفيف
كيعجبني نلبس هكدا يوم الجمعة
فنهار ضروري كل مانغسل وجهي ونمسح ندهن بزيت الورد حيت وجهي جاف ونشرب الماء بكترة
تحياتيييييييييي
كيف حالكم حبيباتي أنيقات كعادتكم ماشاء الله
سأدرج بإذن الله بعض من إستعمالاتي للعناية.
مع العلم أن بشرتي جافة وشعري عادي
هاد الأيام صاوبت صابون طبيعي لبشرتي . مقترح من الأخت أم ميرم وياسين جزاها الله كل خير
فيه ربطة معدنوس+ كأس ماء ورد+ م عسل+ م حليب غبرة + م نشا يخلط الكل ويضاف لصابون عادي فوق النار حتا يذوب ويعقاد
أنا إستعملت نصف المقادير عملتو فطاسة ودخلتو المجمد من بعد قسمتو .
من الماسكات لي ستعملت هاد الأيام
لتنقية البشرة استعمل
م عسل+ 2 معالق حليب سائل يوضع على الوجه منبعد يمسح الوجه بماء الورد
إستعملت ماسك لتبيض البشرة
ملعقة خمارة+ ملعقة حليب سائل يوضع على البشرة ويغسل بالماء العادي
لا أنسا عنايتي وأنا في المطبخ فهو يحتوي على كنوز طبيعية لكافة أنواع البشرة
جميع الخضر أو الفواكه لي نستعمل كندوز لقشور على وجهي
منها
قشور الطماطم فيها فوائد كتيرة فهيا تفيد حروق البشرة والحساسية
ونا نحك الطماطم ندوز بلقشور على وجهي
ايضا البرتقال يحتوي على فيطامين س الذي يعتبر بمثابة تغدية للبشرة
أضيف العصير للماسكات ومرة مرة ندوزو على وجهي
ضروري من بعد الماسكات ندهن وجهي بكريم مرطب أو زيت من الزيوت أستعمل زيت الورد دون التعرض للشمس طبعا
حكيت لكرعة وضعتها حرابل فلمجمد منبعد نقطعها وندير بيها كمادات لزوم ألإرهاق
بالنسبة لشعري
صاوبت زيت الفلفة المقترحة من طرف منا جزاها الله كل خير
وضعت الفلفل مقطع خويت عليها زيت الزيتون وخليتها ترقاد منبعد نصفيها
كدالك عملت زيت القرنفل
عملت كمية من القرنفل وخويت عليها زيت الزيتون خليتها 15 يوم حتافضت بعواد لقرنفل فيها .
نشقق بيها شعري بليل أو بالنهار ريحتها زوينة
لا أنسا شرب الماء بكثرة لكي لا يتعرض جسمي للجفاف
أضعه قربي في المطبخ لأتذكر شربه حين أراه
يوم الخميس بشرتي كانت فراحة ماعاد كندهنها بزيت الورد كل مغسلت وجهي
وفنهار درت واقي شمسي حيت كنت فشمش
يتبع……..
يوم الجمعة عملت حمام مغربي لي معتامداه .. أداد مع لخزامة مع سكر كلاسي مع صلبون بلدي مع لحنة ..
ولشعري درت لماسك المفضل عندي
لي هو باننة ممعوسة مع زيت ديال مجمعة من لعشوب كنت صايبتها + زيت أركان معستهم وحطيتهم على شعري ودرت لبوني
دخلت لدوش درت الصابون بقيت 10 دقايق وحكيت لجسم ديالي وغسلت شعري منبعد درت لجسمي تبريما ديال دوف لي كنت صاوبت وخليتو على جسمي واحد المدة
فهاد الأثناء درت لوجهي صابون لي صاوبت بلمعدنوس ولعسل ونيدو مع نشا
شللت بلماء السخون جسمي مزان وفي الأخير عملت لشعري تشليلة بمغلى الزعتر
درت لجيل وشللت وخرجت
دهنت جسمي كولي بزيت جونصون والمناطق الحساسة وتحت الإبط بطالك ورجلي ويدي بفازلين و وجهي بكريم مرطب
لبست لباسي ودرت شالي لباسي المفضل يوم الجمعة. وكحلت وتعطرت و درت كلوس خفيف
في الأخير شربت كأس عصير ورتاحيت
دمتم في رعايتي الله وحفضه
أتمنا التوفيق لجميع المشاركات كلكم تستاهلون التقييم
تحياتي