في الصباح كما العادة غسلت وجهي بجيل نطوايون و مسحتو بطونيك من نفس النوع حيت عندي البشرة جافة 
و من بعد درت ماسك لوجهي بالغاسول الابيض و النشا و ماء الورد بقيت به حتى نشف و غسلتو ومسحت وجهي بماء الورد 
و ملي تنبغي نخرج تندير هاد ليكرون 
و في اليل قبل ما ننعس تندهن وجهي بزيت اركان و رجلي بكريم صاوبتوا فيه 2 معالق كبار فازلين + 1معلقة كبيرة كريم من اوريفلام + معلقة صغيرة زيت اللوز + 3 معالق كبار طالك و تنلبس التقاشر و نخليه فرجلي حتى للصباح 
و نحك سنيناتي بمعجون خاص فيه معجون اسنان عادي مع معلقة صغيرة عسل و معلقة صغيرة عصير الحامض و نصف معلقة صغيرة بيكربونات الصودا و طرف خبز محروق 
و هذا هو برنامجي لليوم
jtvh,j11
تقريري ليوم الاحد 02-06-2019 فالصباح و كما العادة غسلت وجهي بجيل و مسحتو بطونيك و بديت تنوجد لحمامي واخا تنديرو غير فالدار اول حاجة درت حمام زيت لشعري بالزيوت الاتية : زيت جنين القمح + زيت الجنجلان + زيت الكوك + زيت الخروع + زيت أركان + زيت اللوز خلطتهم كاملين و شقيت به شعري و درت ليه فوطة سخونة و خليتو واحد نصف ساعة فشعري عاد باش دخلت للدوش 
اول حاجة درتها في الدوش هي الحنة مع مغلى البابونج والورد و الخزامى و زدت عليها معلقة صغيرة ديال الخرقوم بلدي و درتهم للحمي و بقيت بيه شي ربع ساعة و شللت و حكيت بحال الى فالحمام 
و من بعد غسلت شعري بالشمبوان و ديميلور ديالوا 
و من بعد درت كوماج للجسم بجيل دوش مع دقيق الارز و النشا و الماء ديال الاكسجين خلطتهم و دهنت بهم لحمي و خديت كيس د الصابون و بقيت تنديربه كوماج بحركات دائرية 
وجهي درت ليك ماسك لي ولا معتمد عندي تقريبا كل يوم لي فيه النشا و نيدو وما الورد و لكن قبل درت كوماج بنواة المشمش من ايفروشي 
و من بعد حكيت رجلي و شللت و دهنت الجسم بكريم للجسم من ايفروشي 
و المنطقة الحساسة دهنتها بكريم كنت صاوبتو كانت حطاتوا لينا منى الله يجازيها كل خير مرطب و مبيض و ريحة فنة فيه مسك + ماء الورد + زيت اللوز + كريم oplastine و لكن انا كان عندي baby set هو لي درت تنديرو يوميا فالليل و نغسلو فالصباح 
و ملي خرجت دهنت شعري بكريم فاتيكا و وجهي مسحتو بماء الورد و دهنت بكريم مرطب 
و قبل ما ننعس تنحك سنيناتي بالمعجون لي مصاوبة و رجلي بكريم ديالهم و وجهي بزيت اركان
تقريري ليوم الإثنين 03-06-2019 اليوم خليت البشرة ديالي ترتاح ما درت حتى حاجة من غير العناية اليومية ديال ديما ملي تنفيق حيت تنعس بوجهي مدهون تنغسلو بجيل نيطوايون و نمسحو بطونيك و من بعد بماء الورد و شعري دهنتو بسيروم و درت ستيك ديالي و رجلي دهنتهم بكريم فيه طالك و كريم مرطب و زيت الزيتون و فازلين و دهنت المنطقة الحساسة بكريما ديال babyset مع مسك و ماء الورد و زيت اللوز و سنيناتي حكيتهم بهاد المعجون د الاسنان زوين تيحيد ليتاش و دابا غاديا نمشي ندهن وجهي بزيت اركان و ننعس و هادي صورة 
تقريري ليوم الثلاتاء 04-06-2019 في الصباح كما العادة غسلت وجهي بجيل و مسحتو بطونيك و من بعد بماء الورد 
و في العشية درت حمام بخار لوجهي بالبابونج و درت كوماج بفرماجة يا سلام كي كتخلي الوجه نقي و غسلتو و درت ليه ماسك بالنشا و حليب مجفف و غاسول بيض و حليب سائل خليتو واحد 20 دقيقة حتى نشف و غسلتو بماء بابونج لي درت به البخار و مسحتو بماء الورد و دهنت بكريم مرطب 
و من بعد دزت ليدي درت ليهم حتى هما كوماج ببقايا القهوة و سنيدة و زيت الزيتون حكيت به يدي مزيان و غسلتهم غير بالماء و درت ليهم ماسك بخميرة معجونة و الحامض و النشا و خليتو حتى نشف و غسلتهم عاود بالماء و دهنتهم بالكريم الخاص بهم 
و قبل من النعس دهنت وجهي بزيت اركان ولكن قبل ماندهنو تنعاود نغسلو بجيل عاد ندهنو و رجلي دهنتهم بالكريم ديالهم والمنطقة حتى هي بالكريم لي فايت مصاوبة ليها و حكيت السنينات 
تقريري ليوم الأربعاء 05-06-2019 غسلت وجهي بجيل و مسحتو بالطونيك و ما الورد 
و درت ماسك لشعري خديت بنانة و معستها و زدت عليها معلقة كبيرة د مايونيز و العسل و معلقة صغيرة زيت لافوكا و زيت الجنجلان خلطت كلشي و درتو لشعري و خليتو شي 3 السوايع 
بيدما ساليت شغلي دخلت درت غسلة خفيفة غسلت شعري بالشمبوان مزيان و ديميلور و درت لحمي الصابون التونسي بالعكر الفاسي و خليتو واحد شوية و درت كوماج بكيس د الحمام و كملت دوش ديالي عادي و درت واحد طالك معطر و ستيك و شعري دهنتو بالسيروم 
و في الليل درت ماسك لوجهي ببياض بيضة طربتو مع النشا و نيدو و دقيق ابيض و زدت قطرات من زيت اللوز و خليتو حتى نشف و غسلتو و مسحتو بماء الورد و دهنتو بزيت اركان و دهنت رجلي و المنطقة الحساسة بالكريمات الخاصين بهم و دهنت ركابي و المرافق د يدي ببيافين و غسلت سناني بمعجون لي مصاوبة و بدينيفيت تيبيض السنان 
في امان الله
تقريري ليوم الخميس 06-06-2019 اليوم خليت بشري ترتاح ما درت ليها حتى حاجة من غير العناية اليومية العادية في الصباح غسلت وجهي بجيل و مسحتو بطونيك و ماء الورد و دهنتو بكريم مرطب و بالواقي الشمسي و درت ستيك و دهنت شعري بزيت جنين القمح و في اليل عاود غسلت وجهي و دهنتو بزيت اركان و دهنت رجلي و المنطقة الحساسة بكريمات ديالهم لي مصاوبة و السنينات حتى هما حكيتهم و دهنت ركابي و مرافقي ببيافين و نبينا عليه السلام 
تقريري ليوم الجمعة 07-06-2019 كما جرت العادة في الصباح تنغسل وجهي بجيل نطوايون و نمسح بطونيك و ماء الورد 
من بعد درت ماسك النشا و غاسول بيض و ماء الورد لوجهي و خليتو حتى نشف و غسلتو و مسحتو بماء ورد و دهنت بكريم مرطب 
اليدين درت ليهم كوماج بتخت القهوة و سنيدة و زيت الزيتون من بعد هدنتهم بكريم اليدين 
وفي الليل تنعاود نغسل وجهي و ندهنو بزيت اركان و رجلي بكريم (فازلين-كريم مرطب-زيت اللوز-طالك) و المنطقة الحساسة بكريم (مسك-كريم بيبي سيت-زيت اللوز-ماء ورد) و ركابي و مرافقي ببيافين و حكيت سنيناتي و السلام 
تقريري ليوم السبت 08-06-2019 في الصباح كما العادة غسلت وجهي و ملي ساليت شغالاتي درت حمام بخار بالبانوج و من بعد منو درت كوماج جاهز بنواة المشماش من ايفروشي و درت ماسك فيه الحلبة مدقوقة و دقيق الذرة و النشا و خلطتو بدانون طبيعي و خليتو واحد 20 دقيقة و غسلتو مزيان بالصابون حيت تبارك الله ريحة غزالة ههههههههه و مسحتو بماء الورد 
و شعري حيت جاف صاوبت خليط من الزيوت باش نبقى ندهنو به يوميا زيت لافوكا و زيت الجنجلان و زيت جنين القمح 
و في الليل دهنت وجهي بزيت اركان و يدي و رجلي و حكيت سنيناتي و نعست
تقريري ليوم الاحد 09-06-2019 نسيت البارح وجدت الوصفة للجسم ديال منى بلحق درت غير نصف المقادير درت فيها نص صابونة منجل ديال زيت الزيتون و نص صابونة دوف محكوكين مع كاس صغير د ماء الورد و نص قرعة غليسيرين و ربع قرعة زيت الورد و عصير حامضة خلطت الصابون مع ماء ورد و الحامض و خلطتو مزيان و عاد زدت عليه الزيوت و في الليل طليتو للجسم كامل من غير الوجه و نعست به 
و اليوم ملي فقت فالصباح غسلت وجهي ووجدت ماسك لشعري ببنانة معستها و زدت ليها معلقة د مايونيز و زيت لافوكا و زيت الجنجلان و زيت الخروع و زيت الورد و درت ليه بلاستيك و درة و خليتو ما عقلتش حتى شحال مع التخمال بقيت به حتى ساليت عاد باش غسلتو 
و دخلت درت دوش خفيف حيت عييت ما قديت على حكان في الاول غسلت شعري مزيان و درت ليه الغاسول و خليتو فيه شوية بيدما غسلت درت كوماج بدقيق الارز و الحمص و النشا مع ماء الاكسجين و بان دوش طليتو و خليتو واحد ربع ساعة 
و في ديك الربع ساعة درت ماسك لوجهي بنيدو وغاسول بيض و ماء الورد و رجلي درت ليهم بيكاربونات الصودا مع الصابون البلدي و حكيتهم 
و كملت دوشي عادي و ملي ساليت درت حليب للجسم و طالك و ستيك و دهنت وجهي بكريم ورطب و رجلي دهنتهم بالكريم لي مصاوبة ليهم و لبست ليهم بلاستيك و التقاشر 
و في الليل ان شاء الله غادي ندهن وجهي بزيت اركان
اعتذر على التأخير المهم نبدا بتقريري ليوم الإثنين 10-06-2019 خليت بشرتي ترتاح مادرت ليها والو من غير العناية اليومية من غسل وجهي بجيل نطوايون و مسحتو بطونيك و ماء الورد و درت ليه كريم مرطب و خليتو واحد الشوية عاد درت ليك الواقي الشمسي و درت ستيك و غسلت سنينلتي طبعا هادشي فالصباح و في الليل عاود غسلتو و دهنت بزيت اركان و رجلي و يدي دهنتهم بكريماتهم و الركابي و مرافقي ببيافين و هادا ما كان و هادي صورة جماعية ليهم 
في امان الله نمشي نصلي العصر راه أذن و لي عودة نكمل باقي التقارير