وجبة "تَاعْشَّاتْ" من إدين ماما وبالصور

السلام عليكم اخواتي
اليوم جبتلكوم اكلة امازيغية صيباتها ماما، تقريبا مرادف الرفيسة ولكن ماشي بحال بحال، هاد الوجبة كادار ملي كاتولد المرا او فاي يوم خصوصا فايام البرد، هي طيبْتها كاتكون ملي كاتصايب بالبصلة وماطيشة دالجنان دالبلاد والدجاج البلدي وطيب فإناء دالطين، ولكن انقدمها ليكوم بالخضرة عادية. هو الناس ليفايت لهوم داقوها هوما ليغايعرفو البنة ديالها، ولكن زوين تعرفوها ولو ماتكونوش غاديروها ^^
بالنسبة للطريقة:(المقادير القدر ليبغيتو نتوما)
كاديرو المرقة بالطريقة العادية (بالدجاج البلدي، او الرومي، او اللحم عادي او فقط بالخضرة) مع الخضرة.

وفڭصعة كاديرو البلبولة+زيت العود+دقيق الشعير+الملح+شوية زيت ارڭان (اختيارية) وكايتجمع الكل بماء دافئ ويكون الخليط مرخوف شوية وكايلصق

إلى عندكوم عويدات استخدموهوم ماكانوش ديرو معالق، فراشط وكاديروهوم بحال لي فالصورة
ومن الخليط ديرو خبيزات وفكل مرة غطسو يديكم فالما باش ماتلصقش ليكوم بين إديكوم
كاتحطو خبيزة الاولى
وكاتسدو عليها باش يدور بيها البخار وملي تحطو جنبها الاخرى مايلصقوش (وهاد العملية ديروها مابين كل خبيزة وخبيزة) وكاتزيدو الما للطنجرة

وهاهيا من بعد ماوجدات

ارتمناخ اكن تاعجب تاعشاتاد
ولاي تساؤل مرحبا

---

,[fm "jQhuXa~QhjX" lk Y]dk lhlh ,fhgw,v jQhuXa~QhjX i]dk ,[fj

تبارك الله عليك اختي اكلة جديدة اول مرة نسمع بها
الله يعطي الصحة للواليدة و يخليها لكم

آمين ياربي،بارك الله فيك احبيبة. الله يخليليك كل من هو عزيز عليك

تبارك الله عليك اولتما اميم الخيراد اكم اسربح ربي
و الله يخلي ليك الميمة

آمين ياربي، تانميرتنم اولتما، اكميحفظ ربي

تبارك الله عليكم
ايفولكي الخيراد أولتما .
الماكلة ياد أول مرة أداس سفلدح. الله يعطيكم الصحة

إوا الحمد لله إليخ ڭيخ السبب ايليخت تسنت. اكميحفظ ربي ياجام الصاحت نم

أختي هداك الخبز لي طاب كفاش كديرو له واش كتغمسو به أو كتفرتوه و تسقيوه
واش مكيجيش معجن
أكلة أول مرة نسمع بها
شكرًا على الطرح

ماشاء الله اول مرة نسمع بهاد الاكلة رغم انني امازيغية
واش هاد الاكلة ديال الشلوح ديال سوس و لا شي جهة اخرى

بكل فرح احبيبة، لا احبيبة ماكايجيش معجن، جيهة ليكاتكون على المرقة ليكاتكون رطبة شوية والذاخل والفوق كايكونو ناشفين، هيا كانغمسو بيها، وكاين لي فآخر الماكلة كايمعسها مع البلول دالمرقة وكاياكلها (بحال العصيدة)