السلام عليكم ورحمه الله تعالى وبركاته
بغيت نسجل بنتي في مدرسه جديده وطلبو مني دير un teste في العربيه والفرنسيه والرياضيات ط§ظ„ظ…ط³طھظˆظ‰ ط§ظ„ط§ظˆظ„ cp المشكل هو انني يالاه رحلت لمدينه جديده ومجبتش معايا الكتب ديالها عافاكم اللي تقدر تساعدني الله يجازيها بخير راها غدوز نهار الاتنين عافاكم ساعدوني
lshu]i td hglsj,n hgh,g hfj]hzd
كنتمنى الاخوات اللي كانو ولادهم السنه اللي فاتت يساعدوني ويقولو ليا الدروس اللي غنراجع معاها ولهم الف شكر
واش بنتك كانت فالقسم الاول وطالعة لتاني
انا ولدي كان فمدرسة ونقلتو هاد لعام كان فالاول وطالع لتاني وعاد لبارح دار teste يلا كانت طالعة لتاني نقولك شنو عطاوه
المشاركة الأصلية كتبت بواسطة ام نضال2 
هاد التست كيديروه فقط الخاص
وخا نسولك علاش حولتي بنتك
المشاركة الأصلية كتبت بواسطة ام امي اذن بحال ولدي عطاوه ديكشي ليقرا هي لكاتبة دلمودير مبغاتش توريني التست ولكن انا غير لمحت لوراق فيديها
عطاوه ورقة رياضيات ورقة دلفرنسية ورقة العربية
الرياضيات عطاوه سؤال فعملية الجمع وسؤال فأكبرواصغر وتالت على نقود اشترى عمر لعبة وها شحال عندو واش غيقدوه ولالا بحال ليقراو العام ليداز
والعربية عطاوه قرالهوم قطعة وسؤال فيه تحويل انا انت انت انتما وسؤال اكمل كل كلمة بتاء .ت بة
والفرنسية سؤال فيه la le les وسؤال فيه je colorie …. شافوه واش تيعرف الالوان بلفرونسي وتالت مشفتوش لمهم ديكشي ساهل يلا كانت بنتك قرات لعام ليداز فمدرسة خاصة راها تعرف تجاوب على ديكشي كوني متأكدة
انا هاد المدرسة لينقلتلها ولدي المستوى ديالها طالع على دلعام ليداز وفاش مشيت نقيدو قاتلي يدخول دابا يدير التيست وانا تخلعت قلت راه مغيعرف يدير والو حيت مراجعتش معاه قلت غير نمشي نسول وهوما ديك ساعة زربو عليا والحمد لله دوز مزيال لأن ديكشي ساهل وقارينو
الله يعطينا صبر باش نكونو معاهوم ويتبت الأجر
كنتمنى نكون فدتك نبقاو على تصال هاد العام باش نخدمو مع وليداتنا مجموعين