السلام عليكم بنات لمنتدى لحبيب
وجمعة مباركة بادن الله
أنا بغيت نستشركم
حنا عايشين فلغربة، أنا جالسة فدار وعندي بنية وراجلي خدام مزيان موفرلي كلش
لبلاد فن عايشين غالية بزاف، سكن لي عايشين فيه غير بيت واحد و كارينه بمليون ونص تقريباً، وبنتي كتكبر خصها بيتها، ادى بغينا نكريو دار أكبر ب-2 أو 3 بيوت خصنا كتر من 2 مليون غير تمن للكراه عد زيد لما وضو وباقي لمصاريف يعني كتر من تلتين دلمانضة كتمشي غير فيهم
نتمى عارفين لواحد فلغربة كيبغي يجمع شوية فليسات بش يدير علاش يرجع حيت ديمة المغرب ورجوع ليلو كيبقى لدخل ديالنا
راجلي نصحوه صحابو بزاف أنه يشري سكن أحسن حيت كيتقم أرخص من لكرا.
متلاً غنشرو دار ب-2 أو 3 بيوت وغنخلسو أقل من مليون ونص شهرية ديل كريدي، ونهار غنبغو نرجعو لبلاد غنبيعوها ونكملو فلوس كريدي لبنك ولي بقى رباح لينا، ماشي بحال تبقى حياتك كاملة كاري نهار تخرج تجبر راسك مموفر والو.
لكن كتبقى ربا
أنا ممرتاحاش اننا نهزو كريدي من لبنك خفت ربي ميباركلناش فحياتنا
راجلي سول فجامع وقالوليه أن بزاف دعلما دين أجازو ط´ط±ط§ط، سكن للحاجة خاصةً فبلد لغربة
أنا قلت نتشاور معكم راكم غتفيدوني أكتر
خاصةً المغتربات لي عايشين تجربة الغربة
avhx s;k thgyvfm
سقسي الناس لي شراو بالربا شي حاجة واش هانيين في حياتهم ؟ مايتهناوش في الدنيا وفي الآخرة العذاب
ختي كانو شي علماء أجازو الربا في حالة الناس اللي ساكنين فالغربة وماعندهمش بنوك إسلامية في حالة معندهمش باش يكريو (و كانو دارو فيها بزاف ديال الشروط بحال متبيعها ما تكريها ماتستافد منها إلا للسكن وماعندكش الحق تتصرف فيها ) ماشي محنت باغيين يوفرو و مع ذلك تراجعو على هاد الفتوى والكل مجمع أن الربا حرااااااام حتى فالسكن
حبيبتي شي بنات الفوق كتبو ليك الضرورات تجيز المحضورات، ولكن السكن يكون ملك عمرو ماكان ضرورة، و الربا النصوص فيها واضحة و صريحة، أنا بنفسي اقترحت على راجلي عوض يكري دار ونبقاو نخلصو بحال داكشي اللي قلتي نشريوها و لكن عن طريق بنك إسلامي بطريقة مايسمى البيع بالمرابحة، اللي هو البنك كيشري الدار اللي عجباتك نتي و تكون بإسمو و كيبيعها ليك بالثمن اللي بغى ونتي كدفعي هداك الثمن على شكل أقساط منين كتكمليهم عاد كيولي البيت فملكيتك و هذا حلاااااااااااال لا غبار عليه غير الناس ماكيعجبهمش لانك ماتقدرش تاخد راحتك فهاديك الدار و كتكون بحال الى غير كاري
المهم فعلا راجلي قلب على بنك إسلامي و خلا ليهم رقمو و هوما عيطو ليه ومن الصدف كنت أنا معاه في الهاتف و بقيت كنسمع ليهم قالو ليه خاص تعطي واحد الدفعة بحال الثلث و الباقي تيكونو أقساط و عطاه مثال و كان بحال الى خلاصنا الدار في ظرف 10 سنين غادي تزاد شي 15 مليون و عجباتني الفكرة و إن شاء الله غادي نديروها
المهم اللي نوصيك عليه حبيبتي راه النفس الصعيبة هي و الهوى ديالها و شي ناس الله يهديهم كيبقاو يشجعوك على الربا ويبسطوه ليك و الشيطان كيدخلك أنك مغادي يبقى لك والو ماتجمعي
شكون حسن ليك ماتجمعي والو وتبقى علاقتك مع الله مزيانة وفيما تهزي كفوفك تطلبيه يقولك لبيك عبدي و لى تولي اللعنات ديالو و البلاء نازل عليك نتي و اسرتك الله يحفظ
وتكوني في حرب نتي ماشي قدها أبدا ابدا، إيااااااااكي ثم إياااااااااااااااااكي و الربا، اللهم إني قد بلغت اللهم فاشهد
المشاركة الأصلية كتبت بواسطة نبــع الحنـــان 
سقسي الناس لي شراو بالربا شي حاجة واش هانيين في حياتهم ؟ مايتهناوش في الدنيا وفي الآخرة العذاب
وحاجة أخرى ، خاصنا نتبعو لي قالوه جمهووور العلماء الكبار ، ماشي غير واحد قال الربا جائز نوضو كاع نتبعوه