السلام عليكم
الله يخليكم البنات اشنو هوما الخطوات و الاوراق اللي خاصيني باش ندفع للفيزا باش نلتحق بزوجي مع العلم انه مواطن بريطاني
سمعت بلي خاصني ندوز واحد الامتحان ديال اللغة في شي مدرسة قبل ما ندفع للفيزا فين يمكن لي ندوز هاد الامتحان في كازا
نتمنى متبخلوش عليا راني قريبة نكمل عامين باش تزوجت و مدرت لا عرس لا والو و معنديش شي صور مع راجلي اصلا انا كنلبس اللثام يعني مكين لاش نتصورو حيت سمعت بلي خاصني شي صور كتجمعني بيه
سمحولي طولت و لكن راني معرفت منين نبدا
lshu]m fow,w td.h hgjphr fhg.,[ gfvd’hkdh hggi d[h.d;l
سلام اختي GHYZYF لازمك اول شي تدوزي امتحان KET . وراه تياخد الوقت شي اربع شهور عاد تاخدي النتيجة يعني من دابا توجدي ليه وعاد تجمعي الاوراق عقد الزواج وسجل العدلي وحسن السيرة والشهاده الطبية من عند اطباء الي محدداهم ليك القنصليه البريطانية راه كاينين ف الرباط و عقد الازياد وشهاده الامتحان و فوطوكوبي باسبورك من الصفحة الاولى للاخيرة وتصاور جوج بخلفيه بيضاء وعاد اوراق الزوج ديال البنك الست اشهر الاخيرة و اوراق الماء والضو الست اشهر الاخيرة و ورقه الخدمة و الورقه الدخل السنوي p60 وتصاور ديالك انتي معاه او الخطبه او العرس و اوراق الدار او الكراء و لوراق باش كان اصيفت ليك لفلوس ويسترن يونيون و الورقة د الطلاق ادا كان مطلق و خاص راجلك اكتب رساله كيفاشش تعرفتو واول يوم جى وامتى تززوجتو و رساله اخرى اقول انه تيدعمك ومسؤؤول عليك ف ابريطانيا حتى ديري اوراقك واكتب فيها اسمو ورقم الباسبور واسمك ورقم باسبورك
كنتمى نفيدك و مانكونشش نسيت شي حاجة والى بغيتي تسولي هانا موجودة بحول الله