لكل وحدة كتسافر مع طفل رضيع في الطيارة دخلي فيدي أختك بتجربتك

السلام عليكم أخواتي. ولدي صغير في عمره سنة و لأول مرة غادي نسافر بيه في الطائرة. بغيت نعرف باالنسبة للتذكرة كتخلصو عليه؟ إلا كان مجانا خاصك تعلم شركة الطيران انك مسافرة برفقة طفل؟ أنا غادي نسافر لبلجيكا كيفاش تنظيمك الرحلة باش ولدك يبقى على راحته؟ و شكرا

g;g ,p]m ;jshtv lu ‘tg vqdu td hg’dhvm ]ogd td]d Hoj; fj[vfj; Hpf; g;l ,[]m

وعليكم السلام أختي أن سبق لي سافرت مع إبنتي كان عندها 8 شهور من فرنسا إلى المغرب أو كولشي داز مزيان بنسبة التذكرة طفل قل من عامين ماكايخلسش أراه تايكون مكتوب فالبيي صافي ملي كاتلعي كايعتيوك سمطا باش درها ليه ملي تكون طيارة غتقلع أمن بعد كاتحيديها إلى بغيتي ترضعي أولى تجلسيه معاك أملي تكون الطيارة غاتنزل عاد خاصك ترضيه لبلاصتو أديريليه عاوتاني صمتا أو هانتووما وصلتو على سلامتكوووووم الحاجة اللي نبغي نصحك بها هي أنك تدي معاك لا بوست حسن من أنك تبقي هزا الطفل فيديك أراه ماتاتخلسيش عليها هادشي بخصوص شركة الطيران ryanair

اختي على حسب شركة الطيران انا بنتي كانت عندها 5 اشهر وخلصت عليها 750 درهم ملي تيكون البيبي اقل من 6 اشهر تيعطيواك سرير تحطيه فيه باش يرتاح ولكن ملي تنزل طيارة وتطلع تيعطيواك السمطة تربطيه معك اما ادا كثر من 6اشهر تتربطيه ماتيعطيواكش السرير وتتخلصي نص التذكرة ولكن ماقلتيش اختي انا بلاد نتيا وفي اي خطوط ان شاء الله غادي تسافري باش نفيدوك اكثر

أختي الله يجيبك على خير لبلجيكا بالنسبة للبيبي حسب الطائرة لي غادي تمشي فيها ،ryanair تخلصي واحد القدر بسيط كنضن 30 أورو ، أما jetairfly راه باطل ماتخلصي والو على بيبي لي من عامين لتحت ، ومايكونش عندو بلاصة يبقى جالس عندك ، كيعطيوك واحد السمطة تركبيها في السمطة ديالك باش تشديه ، بالنسبة للسفر إذا غادي تقطعي البيي من الأنترنت راه تما كلشي موجود ، شحال من شخص غادي يسافر ، وشحال من طفل ، وكاين خانة ديال طفل سنتين وكاين خانة ديال سنتين الفوق (هادو يخلصو بحال بنادم كبير) ، بالنسبة للتنضيم الصاك لي غادي طلعيه معاك في الطائرة ديري فيه ليكوش ديالو واحد 2 ولا 3 ، راه كاين فين تبدليلو تما ، ودي لانجيت ، واحد التبديلة احتياط باش إذا تقيا ولا شي حاجة ، الحليب ديالو وهوما يسخنوهلك ودانون دي غير حاجة خفيفة لحقاش راه غير 2 سوايع ونصف، وديري واحد جاكيت حتى هو ، لحقاش الجو بارد شوية هنايا في بلجيكا ، منين تبغي تنزلي لبسيهلو وسديه ، والبوسيت غادي حتى تبغي طلعي في الطائرة وحطيها قدام الدروج ، ومنين تنزلي غادي تجبريها تما ، البوسيت ماتخلصيش عليها باطل وليك نتي إذا بغيتي تشري الأكل ، غادي من بعد مالطيارة تطلع ، غادي يدوزو شوفي شنو بغيتي تاكلي كتكون المنو تما ، واختاري المهم خاص يكون عندك الأورو ، لحقاش مايتعاملوش بالدرهم ، هادشي على الشركات لي قلت ليك ، أما الخطوط المغربية باطل يجيبولك تاكلي الله يجيبكم على خير ، إذا احتاجيتي تسقسي أي حاجة مرحبا

اختي كيف قاتلك نبع الحنان نفس الشي نزيدك معلومة مهمة حتا انا كنت سافرت بنتي 6 شهور وقاتلي طبيبة ضروري مين تبغي تطلع الطيارة او تنزل تعطيهآا تمضغ اللهاية او ترضع باش ودنيهآا ميتسدوش وميوجعوهاش

الله يجازيكم بكل خير على المعلومات القيمة أن شاء الله تكون صدقة جارية تستفد منها كل أم تالفة بحالي هههههههه.. غادي نجي أم شاء الله في الأسبوع الثاني من شتنبر لاحقاش قبل التيكيت غالية بزاف. و غادي نقطع غي روايال اير ماروك. الله يحفظ ليكم وليداتكم

السلام عليكم ،نبد ببعض النصاءح من تجربتي الخاصه :اولا متنسيش اختي انه جميع السواءل لي كتفوت 200 ml ممنوعه فكري فشراء علب الصغارو تحضير كلشي فشي ساك يكون فالمتناول : كوش ،كريم ، lingettes, حليب ، و ملابس للتغير + مزان حراره ، doliprane…الخ. من اسعافاث الضروريه . ثانينا هو عند الاقلاع و aterissage ترضعي البيبي الانه كيحميه من la pression باش مكيضروهش ودنيه ، داكشي علاش الاطفال عند الاقلاع كلهم كيبداو يبكيو من الالم و الى مكنتش كترضعي ديري سكاتا و حرصي علي انه يبقي يمص فيها . Pتالتا و هو متنساش تجيبي شي نونوس او الغطاء لي المولف البيبي كينعسو معاه لالنه مهم انه الطفل يحس بانه كمينش فرق مابين فراشو لي مولفو او الفراش ديال الطياره و الا عدي يكون مرتبك و ماعاديش ينعس اجي؟ وا ش طلبي من شركة الطياران حجز مقعد القدام لانه عندك رضيع..???

بالنسبه للتدكره راه ييكون 10% من تمن تدكره لشخص كبير

السلام عليكم ورحمة الله اختى انا كنت سافرت اول مرة مع ولدي وعندو شهرين بالنسبة لي كنخلصوا عشرة في المية من ثمن التدكرة وعندو الحق في 10كيلو المهم الى نصحك به الصاح عملي فيه جوج تبديلات يقدرتحتاجي لتغيير ملابس ديالو ليكوش والحليب والماء الضروري وخافض الحرارة وميزان فاش تبغي تقلع الطيارة ضروووووري يكون كيرضع وفاش تبغي تهبط نفس الشئ رضعيه باش فمو يكون مشغول ومايدروهش ودنيه احسن طلبي منهم يعيوك بلاصة قدام باش يعطيوك سرير ينعس فيه البيبي يكون وزنو قل م10 كيلو هدا الشئ الى كنعرف ورحلة يعسدة للجميع

شكرًا بزاف اخواتاتي. انا استفدت منكم بزاف. و أن شاء الله لكل يستفد