واحد الطليبة من بنات السعودية و بالاخص بنات الرياض

السلام عليكم حبيباتي
من التالي و بالاختصار المفيد عندي صديقة ليا غادي تلتحق براجلها بالرياض عما قريب ( ”عقبااااالي يا ربي , دعيواا معاي حتى انا يفرجها الله عليا”) و مسكين ما عارفة راسها من رجليها فالحوايج اللي تاخد معاها و الصراحة حتى انا حرت منين شورات معايا ما عرفت واش تاخذ من الاواني البرمة و لا الكسكاس و لا الكوكوت و لا الكصعة و لا المقلة ولا البراد ولا الصينية و لا الكيسان ..ولا الصابون البلدي ولا الكيس و لا الاعشاب ولا العطرية و لا…... بقينا كنشوفوا راه خاصها طيارة غير للبوالز….ايوا قلت مع راسي نطرح موضوع يساعدونا فيه الخوت فالسعودية و ط¨ط§ظ„ط§ط®طµ فالرياض .
اشنو هوما الحوايج المغربية الضروريين اللي ما موجودينش فالرياض و اللي من الضروري تاخدهم كل وحدة رايحة عند زوجها؟؟؟؟ و انتوما اللي عايشين تما و ما شاء الله عندكم تجارب فالحياة اكتر مني و منها ..يا ريت ما تبخلوش عليها (” و عليا حتى انا – باغية ندخل كرموستي بالزز -قولولي سيري خليك غير مع حريرتك و حتى يخلاق و نسميوه سعيد—-)
اه و نسيت قولولي حتى القضية ديال الحقائب شحال خاصها ديال الوزن ..وايلا كان زايد شحال كيخلصو على الكيلو ؟؟؟؟ مع العلم انها متقلة …و ايلا كانت الامكانية ديال انها تصيفط حوايجها فين تمشي ؟؟ و بشحاال؟؟
يلاه ان شاء الله ما نكونش تقلت عليكم بقوة التساؤلات و سمحوليا و دعيواا معايا
في انتظار ردودكم

احبكن في الله

---

,hp] hg’gdfm lk fkhj hgsu,]dm , fhghow hgvdhq

السلام عليكم مبروك التحاق صاحبتك براجلها وانتي العقبة ليك بشي عريس من هنا توانسو ههه امين
بالنسبة للحوايج انا فجدة لكن نقولك من خلال تجربتي الطواجن رسلت جوج مع راجلي اول مرة ولكن جيت هنا لقيتهم موجودين فجدة وثمنهم مناسب يعني بلا ماتثقل بيهم ولكن فالرياض ماعرفت واش كاينين
البرمة جيت متقلة بيها ودرتها مع البكاج وتثقيت وتعرجت غير ثقلت بيها ولقيتها هنا ايضا ونزيدك هاد الماعن غير االا غتهزهم فيدها حيث كيتهرسو خاصه الطاجين
الكوكوت عطا الله اشكال انواع
العطرية موجودة الا بغات تجيب عشوب تقضي بيهم عل ماتعرف فين تشري اما العطرية فجميع السوبر ماركت الا المروزية وراس الحانوت جبتهم وزيت الزيتون الحرة املو زيت اركان السمن وجبت حتا كنور تاع السمن خخخخ
تجيب معاها الحلوة غير شوي لايجيها حد تلقا ماتحط وماتكثر حيت كتكسر تهزها فيدها
ايوا تجيب الصابون البلدي وصابون الطاوس والكيوسة والحجره تاع القدام وبراد اتاي وكويسات اتاي قفيطنات لبيسات بلديين تبدل فيهم مرة مرة هاد الشي حبيبتي اللي فبالي دابا
اما شحال تاع الوزن عل حساب الخطوط اللي جاية فيها
الله يجيبها بخير نتمنى نكىن فدتك

شوفي دخلي هاد الموضوع تستافدي اكثر وماتنساينيش بدعوة فظهر الغيب وفقكي الله غاليتي
https://www.anaqamaghribia.com/vb/sho…d.php?t=281575

شكرا اختي ام مراد على الرد الله يجازيك بالخير يا حبيبتي و الله يبارك ليك فمراد و فأبو مراد و يرزقك الذرية الصالحة يا ربي
ضحكتيني اله يعطيك الخير ملي عاودتيلي على التقل ..بالنسبة لجدة سمعت من البنات باللي هاد الحوايج موجودين و سمعت عاوتاني باللي غاليين بزااف يعني عوض ما تاخذي براد من المغرب يتمن رخيص تاخذيه بالضوبل تماك ونفس الشي قالولها فيما يخص الطواجن و داكشي البلدي واش بصااح ؟؟
و الخطوط اللي مسافرة فيها هيا كنظن يا اما الخطوط المغربية ولا السعودية وحدة فهادوا قوليلي انتي فاينا خطوط كتسافري و شحال كيخليوا الواحد يهز و الكيلوات الزايدين شحال ممكن تخلصي عليهم ؟؟
في انتظار يدخلوا ناس الرياض يفيدوا الصديقة ديالي ..خذينا منك معلومات باش ما تديش الكوكوت و البرمة و الكسكاس و العطور ..اما البراد و الكيسان و الصينيات و الغلاي ديال الما و الطواجن و الزيت البلدية و اتاي حبوب و العشوب … راه القائمة طويلة على الله يبانو بنات الرياض و يذكروا لينا منين ممكن تتقضى ملي تجي ان شاء الله

اما انا يا حبيبتي الحمد لله ارزقني ربي بولد الناس و انا فعداد المتزوجات و لكن كنعاين زهري فالاوراق مازال ما يسرش الله فيهم دعيي معايا الله يجازيك..

حبيبتي شكرا على الرابط راني قريتو و قلبت على شي اخت ذاكرة فيه البلد السعودية ما كاينة حتى وحدة الاغلبية ديالهم مشاوا للدول الاوروبية …
الله يجعلها فميزان حسناتك اختي حيت رديتي عليا و خليتيني فبالك للمرة الثانية

سلام عليكم غير مقلبتيش مزيان ها وحدة غادة لسعودية انشاء الله في الخطوط القطرية وعاطيني 35 كيلو و هادشي كولو لي قلتيه غانديه + مقلة لوجدية صغيرة+ غاسول ابيض+ زيوف حياتي + مشطة لكرن + لاناب زوين و+ دغاوس دييال النموسية …….. و القاءمة طويلة جدا انا مغاداش رياض غادة ل دمام انا غي بغيت نجاوبك

يا اختي القائمة طويلو ايوا كيف غادي ديري للتقل ؟ راه 35 كيلو فيها غير باليزة متوسطة هاد الاخت غير حوايجها راه تكون ديك 50 كيلو وزيد التقضية اللي غادي تتقضاها و الكادويات و داكشي المغربي را واقيلا توصل لل 200 كيلو الله يخليك ايلا كانت عندك شي افادة و لا الزوج ديالك عندو شي معلومة فيدينا الله يجازيك بالخير و الله يجعل رحلتك تكون ميسرة و تجمعي بمول دارك فاحسن الظروف و ياتيكم ربي باللي نويتو فخاطركم

احسن حاجه دير الشحن ليهم قبل ما تمشي

شكرا لي صاحبة الموضوع

ونتمنى من البنات اشاركو معانا في البحث هنا في هاذ الرابط

https://echorouk.dzbatna.com/#282641

اختي راه القضية ديال الشحن هيا اللي احسن.. قولي عفاك عارفة كيفاش ممكن تشحنهوم و بشحال باش الواحد يدير بحسابو … واش الشحن عن طريق البريد العادي و لا حتى تمشي للمطار و عاد تشحن و لا كاينين شي شركات خاصة بالشحن فيدينا احبيبتي الله يجازيك بالخير و يا ريت ما تنسايش الثمن..و شكرااااا مسبقا