السلام عليكم ورحمة الله وبركاته
صراحه انا هدا اول موضوع ليا نحطو من راسي سخون ليكم واتمنى يعجبكم:p
لاني انا ضد نقل المواضيع ونسخها صراحه تبغي اللابداع وان الواحد يكتب من دماغو:D
المووهيم انا موضوعي اليوم وكيف باين بالعنوان على السفارات ط§ظ„ظ…ط؛ط±ط¨ظٹظ‡
معرفتش واش كل شي تيحس بالي انا حاسه فيه ولكن انا غادي نفضفض ليكم
على ط§ظ„ط³ظپط§ط±ط© المغربي ظˆظ…ط§ط§ط¯ط±ط§ظƒ مالسفارة ط§ظ„ظ…ط؛ط±ط¨ظٹظ‡ بلندن
بحكم اني عايشه في بريطانيا
علاش الجزائر احسن منا:(
:eek:دايرينها حدا هيد بارك ومنطقه راقيه وحدا سيفارة هولندا والدار كيديرا من الداخل
قلت ليهم ويلي كون غير يعطيوه ليا انا ونولي نصبنو مره بالسيمانا:Dويلي كاع الحداقه فينا وتنجيو تال السيفاره الضرابو مسخ وملوي مسكين طايح عليه الضيم 🙁
نجيو للديك الدار الى منعرف شكون وراها ليهم انا بغيتو تلاقاه
المهم مني دخلي تعت الله كاع الشباب والشواهد وحاطين الى تماك كاع شارفين ومتيعرفو حتى يهضرو مزيان اما الى في الاستقبال هداك غسلت منو يدي من نهار ماعرفش يكتب northampton وقلي مليها عليا:Dدرس الاملاء ومني اسيدي هاد الاسم ماعرفتيش تكتبو شكون خدمك تم سير مقاطاعه درب غلف ولا درب السلطان وخدم العربيه وهانت مهني ولا سير خدم لك شي مقدم:D
المهم انا والله حتى بقا فيا الحال علاش سيفارتنا ديره فحال هكا؟
والله ماكينش فرق بينها وبين مقاطاعات الى بالمغرب
ولو انه المقاطعه احسن بعدا فينا بعد المرات ولاد الناس
علاش سفاراتنا خصها تكون مرايه للبلد
ويلي واحد النهار كنت عندهم وانجليزيه متصله باغا فيزا تهبط المغرب والسيد تيهضر معاها وتيغوت وكون غير كانت عندوشي انجليزيه مقوده فحال عباد الله بقاليه شويه ويسوطها من التلفون ههههههههههههههههههه
واش كاع السفارات فحال هكاك:confused::confused:
واش كلكم حسيتو بالي حسيت فيه :confused::confused::confused:
علاش ديك العماره ممصبوغه حتى مزيان:confused::confused:
كنتمنى نعرف هدوك الى خدامين تما كيدارو ليها:confused::confused:
اسئله تدور في راسي بزاااااااااااااااااااااااااااااااااف ولكن الله غالب الا جيت نكتبها مانساليش
علاش علاش:(
الفقصه وصافي
اعتذر عن ركاكت التعبيرلاني احب الكتابه باللهجه ط§ظ„ظ…ط؛ط±ط¨ظٹظ‡ التي احبها والتي اشتقت اليها كتير كاشتياقي لامي ولد اول مااجد فرصه اتكلم فيها:Dماشي فحال شي وحدين تيتغربو شهرين تيرجعو المغرب ويهضرو معوجين تقوليهم زيدين تماك هههههههههههههههههه ماعلينا هدا موضوع اخر نتلاقاو فيه في حلقه اخرى
اتمنى تفاعلكم يابانات وكل وحده عندها شي ملاحضه على سفارات المغرب بالدول الى هي مغتربه فيه تكتبها
وان شاء الله النقذ يصير منو من بعد الاصلاح
ياربي
ومشكورين واسفه على الاطاله
hgsthvm hglyvfdi ,lhh]vh; lhgsthvi
اختي السفارات المغربية حالها يرتى له من جميع النواحي
الموقع دائما تيكون عيان او في منظقة صناعية ماشي دبلوماسية رغم انني متاكدة انهم تيدفعو فيها فلوس صحيحة لكن مبدا الجيب اولا هو اللي خدام
الموظفين غير مؤطرين واحيانا غير مهدبين واحيانا غير متعلمين
التنظيم غير منظمين ويعملون بطريقة بدائية وتعامل فض مع المواطنين لاتوجد اماكن مخصصة للنساء يعني امراة محترمة تحمل رضيعها تجلس بجانب مدخن او سكران
غلاء الطوابع البريدية مقارنة مع المغرب
المراحيض اكرمكن الله باينين من وجهم بلا ماتدخلي غادي تعرفي كيف دايرين
موضوع مهم حقا اتمنى مشاركة الجميع
السلام عليكم
اختي موضوعك زوين بزاف ونبغي نوضح ان كتابتنا وانتقادنا هي غيرة على بلادنا ماشي زعما راه حنا تغربنا ودسرنا وشفنا راسنا باش تاشي واحد ما يفهمنا غلط عفاكم
بالنسبة ليا عايشه في الامارات بابوظبي
وبصراحه السفاره كينه في موقع غزال وزوين وفيه سفارات بزاف
والفيلا حتى هي زوينه اللي فيها كتشبه لباقي السفارات من برا
بالنسبة للذاخل في التحت خيبه بزاف حتى الكراسى تخافي تبركي فيهم وتطيحي ههههههههههه المعامله يا سلام حدث ولا حرج شويه ويضربوك بسبرديلا ههههههههههه حتى الاجانب ما سالمينش الااااااااااااا في حالة واحدة اذا كنتي شي مرفح خصوصا اذا كنتي اماراتي حيت الامارات عاطيه قيمة كبيرة لمواطنيها وضروري كل شي يحترمو كبير وصغير .
بالنسبة للطابق اللي فوق راه غزال ومنقينو ومرتبينو والمعامله زوينه حيت هي ما يطلعو ليها غير الناس هاي كلاس والدرويش بحالنا يتكمش ويشد الارض والحمدلله هههههههههههه
ايوا الله يهدي المسؤولين على السفارات ويهتموا بنظافتها وخصوصا معاملة الموظفين للمواظنين اللي هي مفتوحه على قبلهم ومن بعد للناس الاجانب .
عندي سؤال كيبرزطني
علاش فاش كتمشي للسفارة ديال بلادك اللي هي مسؤولة عليك ووظيفتها راحتك وتيسير امورك كيسخسخوك وما يجاوبوك حت يشحفوك وكون ما حشموش يجريو عليك
/
فين ما كاينة شي إدارة عربية كدير الشوهة
ليس فقط السفارات و المطار ؟
الطلبة عاين باين و بتحمار العينين فالصراحة خاص تدار جمعيات تحارب هاد الشي كيشوه بينا اماتا السمعة ديال البلاد خاصها قرون عاد إلا تصإوبات
الله يصاوب
شرفني حضورك وردك على موضوعي المتواضع
:)وبالنسبة المراحيض الواحد يقضي غراض في دارو باش ميحتاجهمش
احسن واهون هههههههههههه مشكوره
اختي المسلمه لربها
الزين حضورك وردك الاجمل الحبيبه ومنوره موضوعك
وشكرا على الرد
اختي ام معاد السلفيه
:dغير خلي داك الجمل راقد
اسعدني حضورك
تنتسنى المشاركات
سبق وحكيت في موضوع على السفارة فهولاندا وطرحت أسئلة عديدة
أنا تجربتي ماكانتش خايبة مع الناس لي فالقنصولية لا أبدا المشكل كان مع المغاربة الي هما احنا اعلاش مامنظمينش ؟؟؟؟
القنصولية في روتردام بناية عادية المشكل ماش فالحيوط المشكل فالناس الي داخل الحيوط
أول حاجة النظام والو شد النوبة وإذا اغفلتي هزك الما
اعلاش ماكاينش الآلة اديال النوبة كل واحد دخل ياخذ رقمه حتى يشوفه فالإشارة على الحيط ويقوم
ماغتكون لا احضيني نحضيك زعما راه هولاندا بلد متقدمة ومنظمة والمغاربة هنا واصلين مراكز كبيرة
الثمن اديال التمبر محسوب بالأورو ماش بالدرهم
الأقسام ماتعرف آشمن مكتب خاصك تتجه ماكان لا إشارات ولا لافتات على المكاتب <<شبه مكتب>>
خاصك تسول شي حد ضروري باش تعرف فين توقف تشد الصف الي مخلط وساعات ربما نازل مع الدروج
حينت أنا وقفت نيت قريبة الدروج وماعرفت حتى فين نوقف حتى سولت
أما العلم المغربي مابقيتش اعقلت واش كان ولا لا ههههه ولا يمكن كيف قلتي من قوة الغبرة مابانش لي
وباش مانكونش نكارة الناس لي خدامين هناك ناس مزيانين كيف شفت وخاصة أنني في مرة مشيت معطلة وقربو يسدوا ومع ذالك ماردوناش واطبع لي السيد المكلف بالجوازات زاد لي فالباسبور والسيد لي مكلف بالبطائق دالتعريف حتى هو ساعدني لأنه تصورت وكنت تعبانة وطلبت يحط صورة أخرى غير الي دفعت وساعدني الله يجازيهم بالخير لذا كنقول العيب فالقنصل نفسه ماش فالقنصلية ديالنا هو الي في يده يجعل القنصلية فالمستوى
موضوع فعلا بناء و عايكون عندو فائدة كبيرة على الله المسؤولين يشوف الشوهة لي كاينة
شكرا الاخت مغربية فقط
انا تجريبتي مع السفارة فبريطانيا نيت خطيبي كان خاصو فيزا للمغرب مشا يا ختي من wolverhamptom حتى للندن من شي 5د الصباح و هو تايتلاوح من التران للطاكشي يقلبلو عليها مني وصل ماوصل حتى 11 قالو ليه سيري صافي كانقفلو بلاصا د الفيزات مع 11 بغا عي يسول شنو خاصو يجيب كيفاش عايدير يعني اسئلة بديهية من المفروض اي موضف امكانو يساعدو والو يعميه
ناض هو لقا واحد صاحبو مزوج عربية و هو كردي و نفس الحالة ديالو عندو عي اقامة دائمة سولو كيفاش جا المغرب و قاليه شنو خاصني نسيفط ليه دعوة مصادقة فالبلدية و المقاطعة المهم درتها سيفتها ليه فالبريد السريع باش توصل على 3 ايام و مانضيعوش الوقت
وصلاتو مشا تاني ناض مع 3 الصباح وصل مع ال9 ايوا راكم عارفين خاصك تقبط السربيس و الباشار بزاف و التعامل ماكاينش
المهم عطاوه ورقة application باش يعمرها شنو سبب الزيارة هو قال زواج قال فراسو زعماك باش يسهلو لينا الفيزا و عطاهم داكشي لي تايتعطا و الدعوة قالو ليه على الاكثر 8 اسابيع تحصل الفيزا
حنا ساينا ديك الشهرين و السيد تايوجد الوراق راكم عارفين داكشي ديال الزواج المختلط وجد كلشي كيف قاليه صاحبو شرا الكادويات شرا الكمبلي للعرس ههههههههه ايوا دازت الشهراين عيط ليهم الرقم مرة يخدم و 20 مايجاوبوك
ناض هو مسكين مشا عندهم عاوتاني و راه تايبات خدام و يصبح شاد الطريق قالو ليه راه المشكل الدوصي واقف فالمغرب قول لدوك الناس لي مسيفطين ليك الدعوة يمشيو يسولو فوزارة الخارجية يشوفو اش كاين و عطاوه واحد الرقم
مشيت انا سولت فملحقة وزارة الخارجية قلت لواحد تايهضر معاك بالواقوفي زعماك تكركبي دغيا
قلت لو سيفطنا واحد الدعوة قالي لا راه مازال مامسيفطين والو عي عطاوكم داك الرقم مازال ماواصل والو
المهم تايضحكو عليا بالعلالي قلنا ما فيها باس
من بعد عيط قاليهم راه مازال ماسيفتوه قالو ليه حصلتي رفض
قلنا ماشي مشكل سيفطنا تاني و ثالت و رابع و خامس و سادس و سابع و تامن و الله 8 المرات بالحساب و ب5 د الدعوات يعني 5 الاشخاص مختلفين
اخر دعوة كان سيفطها لي واحد السيد الله يرحم ليه الواليدين و الله يبارك ليه فعمرو ويرزقو الصحة و العافية تايجينا من العائلة مسكين صاوب لي الدعوة و كلشي
مني عاوتاني مشا هو دفعها بالعدااااااااااااااب و التكرفيص
application من بعد النهار الاول ولا مسكين تايدير فيها سياحة حيت انا غوت عليه فالاول قلت ليه علاش درتي زواج انا عارفاهم تايبغيو الخير لينا و هو قالي انا يسخابلي عايسهلو الزواج
تاني ساينا شهرين كالعادة فالاخير عطاوه رقم قول للعائلة يمشيو يسولو و مشا داك السيد مسكين واخا هو كبير فالسن مشا مسكين مع هو كان عميد شرطة لقا تماك شي دراري كانو دايرين سطاج عندو تايعرفهم المهم هضرو معاه قالو ليه شوف ا الحاج نتا ماعانكدبوش عليك راه مامسيفطين لا ضوسي لا والو راهم تايمنعو لي باغي يتزوج بشي بنت خصوصا عراقي او مصري او تونسي راهم تايديوهم لتماك و تايتكرفصو عليهم
المهم هو سميتو واخا داير سياحة دخلات عندهم فالكوميوتر انه فايت طلب الزواج
مسكين دايما تماك استفزازيين تايقولي هوما عايش فبريطانيا لكن مادايرينش داك الاحترام و حسن المعاملة لي كاينا تماك يعني هما عايشين فبلاد و دايرين القانون ديالهم
ايوا شوفو شحال د الوقت لي ضاع لينا و حنا عي فالفيزات و ماشديناها
من بعد تلاقا مع واحد المغريبي هو شاف مغريبي لصق فيه قاليه كيفاش ندير نمشي للمغرب قاليه تانعرف واحد السيد تضور معاه يعطيك فيزا قاليه وريه لي قاليه عيط لي عطاه رقم
مابقاش تايجاوب داك الرقم ماعرفش شنو واقع ليه مدة طويلة و هو دايما يمشي لديك البلاصة فين تلاقا معاه تايقول على الله يتلاقاه تاني
ايوا هاشي لي كاين بحال هاد الناس شنو تديرو معاهم
الله يسهل علينا من عندو و سمحولي هلى التطوال
الله يهديهم وكنتمنى انه هالدشي يوصل للمسؤولين لانه السفارة هي الى كتخلي الواحد يلتجأ ليها ويحس بان بلادو معاه ولكن احنى تيصخصخوك ومتيحسوش فيك وعلاش حالين هاد السيفاره الى متعاونش المغتربين
اختي ام كردي انا بغيت نسولك علاش راجلك خصو فيزا يدخل المغرب اشنو باسبور الى عندو
لاني انا كنعرف انه الاروبيين وبعض العرب تيدخلو المغرب بلا فيزا
ممكن توضحي لي؟