السلام البنات بغيت نعاودلكم القصة دبال واحد السيدة ليعاوداتهالي صاحبتي خدامة ماجور ديال الراديو قاتلي جاتني واحد السيدة بالصباح مع ولدها كيغوت عندو ست شهور باش نهضرليها مع الطبيب كانت كتصلي و كتحط ولدها فوق السداري و هو بقا يتقلب حتى طاح هزاتو عادي مافيه والو حتى لليل و بدا يغوت مسكين وملي دخلها الطبيب و دارتليه السكانير لقا نصف الدماغ ديالو فيه نزيف داخلي ربي لطف بيه وصافي و بقاو شادينو بالصيرومات حتى بقا يرجع مزيان
وقالها الطبيب هاد المرة سلك المرة الجاية ماغاديش يسلك يعني حلي عينك و قابلي ولدك و متقوليش راه ميتحركش لي عندها شي ولد ملي تبغي تخدم شي حاجة ديرو فمكان امن بحال رولاكس ولا كرسي الاكل المهم حتى نتاكدو انهم بامان و بعاد على موصلات الكهرباء و الادوات الحادة هاد القصة الواقعية يالاه واحد السيمانة بلي وقعت ونتمنى ربي يحفظ ولادنا
uhhhhhhhhhhhhhh[g ,ihhhhhhhhhhl g;g hl hp`vd i`h hgjwvt hg`d dl;k hk d,]d fpdhm ‘tg; g;l d,[] Y`h
الله ينجي كل الاولاد يارب
الطفل لا طاح و تقيا ضروري يمشي المستعجلات
كنظن ان الام وخا قالت ما وقع ليه والو لكن نزيف داخلي ضروري ما غادي يكون غيب اما الطفل لا طاح بقا كيلعب فهذا يعني انه بخير
انا نيت كنخلي بنتي فوق سداري غير ياربي تلطف بينا وصافي
شكرا بزاف على التنبه
جعله الله في موزاين حسناتك يارب