كنتي كترضعي طبيعي لظرف معين دخلتي لرضيعك الحليب الصناعي كيفاش درتي دخلي فيدينا

السلام عليكم اخواتي الكريمات, بنتي الله يحفظها لي عمرها دابا 8 شهور كانت كترضع ط·ط¨ظٹط¹ظٹ والحمد لله معطيتهاش نهائيا الرضاعة كنت مصرة على الطبيعي, وباش مينقشش لي ط§ظ„ط­ظ„ظٹط¨ مخديتش مانع للحمل كنت كندير لحساب وجبتها فراسي وفبنتي المهم قدر الله وماشاء فعل حصل حمل,ملي بغيت نعطي لبنت الرضاعة رفضاتها تماما المهم هي دابا مبقاش كترضع مني حاولت مرارا وتكرارا وتقهرت وعييت عطيتها وهي ناعسة وهي فايقة جوعتها, درت ليها فيه السكر عطيتو ليها فالكاس والو كل نهار نبكي, ملي فقدت الامل وليت كنحطو ليها فالماكلة ولكن مؤخرا لاحظت ان كرشها مرضات بقلة السوائل والحليب مهم ليها مزالة صغيرة وحاولت معاها مرة اخرى لكنها رفضات, طولت عليكم , الله يخليكم اللي مرات من نفس التجربة تقولي اشنو دارت الله يرحم بيها الوالدين

---

;kjd ;jvqud ‘fdud g/vt ludk ]ogjd gvqdu; hgpgdf hgwkhud ;dtha ]vjd ]ogd td]dkh gyvt hgwkhun [vfd

الموقف صعيب الي مر من نفس التجربة هو الي اقدر انفعك
الله اكون فعونك والله اشفيها ليك ويقدرك على تربيتهم بجوج

ياختي مسكينة بقات فيا ، أنا يا ختي درتها بيديا مادارهالي حد ، كنت نرضع بنتي طبيعي ، وكان فيا الحليب كثييير ماشاء الله كيخرج من الملابس ويحشمني ، إيوا وكنت نشرب سيرازيت ، وماجاتش معايا دارتلي نزيف ، مشيت للطبيبة وهي تعطيني وحدة عادية ماشي ديال الرضاعة قالتلي ماغاديش تقطعلك الحليب ، إيوا والله ماكاملاش يومين الحليب بقا ينقص يوم من بعد يوم ، حتى مابقاش قليييييييل ، وشريت لبنتي الحليب في الأول مسوس باش ماتكرهش البزولة وبقات ترضع طبيعي وحليب الفرماسيان ، ونضت أسيدي كلاوني يديا ، وشريتلها الحليب الحلو نان ، وصافي تشوف الجن وماتشوفش البزولة ، غير تشوفها تقلب وجهها وتبقا تبكيييييييييي عند ربي لي خلقها ، المهم ملي كان عندها 6 شهور صافي الحليب نشفلي تماما ، في الأول ماديت مارديت عقل البز ، قلت عادي كلشي بحال بحال ، من بعد بقيت نقرا على فوايد حليب الأم وندممممممت أشد الندم ، لوكان غير قطعت هاديك الكينة لوكان ولالي الحليب ، ولا درت الاكل لي يزيد الحليب ، أنا مادرت حتى شي محاولة ، وراني حالفة نرضع حتى ولادي يديرو عامين ولا عام ونص عل أقل ، سمحيلي طولت عليك ، بنتك الله يحفضها شحال ونتي تحاولي معاها ؟؟؟ راها صعيييبة تبغيهلك ، خصوووصا أنها عندها 8 أشهر ، يعني راها تفهم ، ونتي كنضن حيدتيلها البزولة دقه" وحدة ، على هادشي بقا فيها الحال ، كان عليك كل نهار تنقصيلها شوية ، ولا ديري عليها الكمون ، وكان عليك البيبرون ديريلها فيه واخا غير الماء مرة مرة باش تولفو بعدا ، غير حاولي معاها ، ولا شريلها الحليب المسوس داير بحال حليب الأم ، إذا بغيتي نعطيك سميتو ، كنت نديرو لبنتي

السلام وعليكم اختي نجاة نتمنا تكوني بخير يمكن متعرفينيش كنتيمعانا في تجمع مغتربات سعودية ولاحضت غيابكخير ان شاء الله
بنسبة لهادشي لوقع ليك حتا انا دزت منو غير انا كانت بنتي كبيرة شوية على بنتك وكنت كنرضعها غير من صدري وعرفتي راسي حاملة ملي بغيت نعطيها رضاعة رفضتهااااااااااااا بالمرة عيت معاها بكل طرق والو وحتا الماكلة كانت مكتاكولش ونقصات في الوزن بزاااااف صرااحة تعدبت معاها بزاااف لكنربي كبير ازمة وكتفوت من بعد شي شهرين بديت كنعطيها الحليب في الكاس وخا مكتشربش بزاااف لكن احسن من الاول وملي ولدت اختها تحسنت بززااف الحمد الله ودابا راها كبراات الحمد لله وبقا هاد شي غير تعاويد هههه
شوفي وسعي خاطرك معاها وغير بشوية دابا تاخد لحليب جربي تعطيها لحلبي في الكاس لبلمصاصة وان شاء الله تشدو والله يفكك على خير والله يحفضها ليك ياربي

[quote=nadiato;6004639]الموقف صعيب الي مر من نفس التجربة هو الي اقدر انفعك
الله اكون فعونك والله اشفيها ليك ويقدرك على تربيتهم بجوج[/quote

امين اختي شكرا ليك

شكرا اختي نبع الحنان انا راغه حملت عليها ملي كانت عندها 5 شهور ومحدش ليها البزولة دقة وحدة قلت حتى تولف لي الرضاعة ومن تم وانا نحاول معاها تاعييت ومليت بديت نوكلها الخضرة مطحونة والروز ونزيد فيهم الحليب ونوكلها ملي تفيق ليفالليل مشكيلة خاصني نوض نوجد ونطحن ولا نسخن ونبقا نوكل فيها نهار ومطال وانا شادة المعيلقة, ولكن هاذ الايام لاحظت انها مبقاتش عندها الشهية ملي كنبدا نوكلها كيجيها الرضان ومصيرناتها منفوخين و الخروج حاشاك كل مرة فلون حيث جهازها الهضمي كثيرة عليه فكل وجبة الماكلة, وخفت لايجيها الجفاف وهي محتاجة للحليب اكثر من اي حاجة خرى للعظام, داكشي علاش قلت نحاول معاها ثاني اما الرضاعة راها كتشد لي فيها الما ولكن غير دوق لحليب تدفعها لي وتبدا تبكي, ايه عافاك اختي قولي لي سمية الحليب واخة انا فالسعودية يقدر يكون هنا

وعليكم السلام اختي ام منصف كديرة وكديرين وليداتك, والله راه غير هادشي فاش انا غابرة الحمد لله على كل حال دبا كيجني الوضع صعيب واخة كاينة غير بوحدها ونظل مشغولة معاها, اللي هازة ليه الهم ملي نولد ان شاء الله كيندير ليهم بزوج وهي مبغاتش الرضاعة اللي تشدها ديك الساعة بوحدا وتهنيني, نقابلها هي ولا اللي غيتزاد عاودي لي انتي كيدرتي فتربيتهم الله يخليهم ليك ان شاء الله نجرب ليها هاد الكاس ونشوف, اما هي اللي ضربها على الزبادي بغاتو غير هو اما الحاجات لخرين كتاكل منهم غير شوية وتحبس كنعطيه ليها مرة وحدة فالنهار مبغيتش نكثر منو خفت يضرها

اهلا اختي نجاة شوفي متخافي والو ان شاء الله غير مرحلة وغادي دوز انا الوقت لحملة ببنتي تانية كنت في المغرب وحاولت ماما مسكينة تعاوني باش نفطمها والو البنت كانت كتحماق على البزولة وكان بقا ليا غير اسبوع ونرجع لسعودية صافي مفطمتهاش في المغرب رجعت هنا وبقيت كنحاول معاها وربي عاوني دغيا نساتها لكن المشكيل مبغاتش ليا رضاعة مخليت مجربت من حليب واااالو في الخير مشيت عند طبيب كانت فاتت عام قال ليا عطيها حليب جاهز ديال الاطفال لمعاه المصاصة وجبتو وبقيت كنعلمها باش تشرب منو والحمد لله بشوية بشوية حتا تعودات عرفتي كانت كتاخد غير لحليب وزبادي دوزتها عليا الحمد لله قليل فين تاكل الخضرة ولا الفواكه الا البنان كانت كتبغيه المهم ملي قربت نولد كنت غادي تجي عندي ماما ساعة خويا مرض وطرات تبقا معاه وبقات كتاصل بزوجي كل نهار باش نجيب بنتي وحتا هو عرفني غادي نتمحن بزززاف وكنولد بالفتيح ديتها لمغرب خليتعا مع ماما وخا ماشي ساهل لكن الحمد لله دازت الامور بخير وملي ولدت بنتي مكررتش نفس الخطا كنت كنعطيها حليبي ورضاعة ودابا الحمد لله وشكرو لله راهم كبرو شوية ودازت هاد المرحلة متكوني نتي ان شاء الله
متخافي والو غير توكلي على الله وشري ليها الكاس راه كاينين من شهر 6
وسمحي ليا طولت عليك ههههه

ناري  البنات انا دابا  كنرضع   دخلت في الشهر العاشر و كندير  سيرازيت  عنداك  غير  نزبلها اناري   المشكله مشيت  عند الطبيبه  و عطاتني  ياسمين و قالت لي   راه  ما  يقلل ليك الحليب و ملي  قريت عليه   لقيتو   كيقطع الحليب و بقيت  على سيرازيت   ايوة اختي الله يسهل  عليك و ربي  يعاونك  عليهم  و يصلحهم  ليك

الله يختي اشكتقولي سيرازيت راه حدها 6 شهور الاولى الا كنتي غير مستعدة تولدي دابا نصحك سيري ديري لولب احسن ليك راكي مغامرة هههههه