تجمع الأمهات لي وليداتهم كيقراو فالرابع إبتدائي

السلام عليكم و رحمة الله و بركاته
أخواتي الأنيقات بغيت نقترح عليكم هد التجمع باش نفيدو ونستافدو من تجارب بعضنا
وكدلك نحاولو نتخطاو المشاكل والصعاب الدراسية لي كتعتارض وليداتنا

---

j[lu hgHlihj gd ,gd]hjil ;drvh, thgvhfu Yfj]hzd

انا عندي بنيتة فالرابع بغيت نسولك
واش ولدك كيدرس العربية
والى كان واش كيكتب مزيان شنو هما الدروس ديال القواعد لي عندو هاد العام
اعطيني غي العناويين او انا نبحت فالنيت

جزاك الله خير

بنتي كتقر العربية
عندها بزاف ديال المواد منها الصرف و تحويل الأساليب الإملاء التراكيب
غدي نكتب لك كل مادة و العناوين ديال الدروس لي عندها
واش نتي فالمغرب وأشمن مدينة انتي

لا اختي انا فالسعودية او مدخلهم لمدارس فرنسية او كنحاول ندرسهم العربية فالدار

داكشي كنبغي نعرف العناوين وانا نبحت على الدروس في النيت

شكرا بزاف على التعاون

السلام عليكم احتا انا عندي البنيه في الرابع ابتدائي و راه كيقراو دروس مهمه في العربيه دابا غادي يديرو مراجعه لدروس اقسام الفعل اي الفعل الصحيح و الفعل المعتل و الفعل المزيد و المجرد و الفعل اللازم والمتعدي
بالنسبه اللاسم غدي يديرو الفاعل والمفعول به النعت الحال
اختي قطر الندي الي بغيتي نقدر نعطيك البروكرام بشويه بشويه
اختي زوجه خالد واش بداو الدراري يجيبو الواجبات انا بنتي جابت تمارين الرياضيات و اشمن ماده كتشوفي فيها ولدك ناقص و شكرا ليك

لا مازال مابدات تجيب الواجب يلاه كيديرو مراجعة
أنا بنتي ما ضعيفة فتامادة لكن لمشكل ليعندي معها خصني ضروري نجلس نحفظ معها
عمرها تحفظ بوحدها
ومشطونة بزاف وتموت على التلفاز واش هد الشي عادي

السلام اختي راه بحال كتعاودي علي بنتي و الله العظيم تاهي مشطونه بزاف و كتموت علي التلفزه و الميخيات و لكن راني و لاول مره خديت واحد الاجراء معاها هي و اختها كتبنا ورقه بان التلفزه ما تكون الا السبت و الاحد و راها دابا من نهار الاثنين ما تفرجت راها سابقه من نوعها وكل مره تكول متا غادي يجي السبت
انا معاك اختي في هاد الموضوع نتبادلو التجارب و الله الموفق
واش انت من الدار البيضاء

حتى انا عندى ولدى كيقرفربع هو صراحة كيجيب نقط مزيانة ولكن المشكل عندو قلت التركيز اومبلي بتلفازة او لبسي عفكم لعندها شي نصاءح تعطيها ليا

الله يجازيك الجنة ويسر ليك وليداتك

اه أنا من الدارالبيضاء
إدا عندنا نفس المشكيل هو عدم التركيزوالتلفاز والله مكرهت نهرسو
الدروس ديال هد الأسبوع
الفعل والفاعل والمفعول به
التاء المبسوطة والتاء المربوطة
الفعل المزيد
والله يوفقنا ويعونا على تربيتهم