ولدي عندو 6أشهر واش نبدل ليه الحليب

السلام عليكم أخواتي الله يجازيكم بخير ظˆظ„ط¯ظٹ وصل 6ط£ط´ظ‡ط± كنت كندير ليه novalac 1 و دابا عطيتو novalac 2
لكن بانلي ماوفقوش بحالة قبطو شوية وجاني مزفر شوية
اناس كيقولولي ديري ليه غير central uht شنو بان ليكم واش غير نزعم أو لا نصبر نديه للطبيب إبدل ليه novalac ويعطيه حليب آخر

الله يجازيكم بخير اللي عندها شي تجربة أو فكرة تعتقني بيها راه سالا لية ط§ظ„ط­ظ„ظٹط¨ أمعرفتش شنو ندير ؟

---

,g]d uk], 6Haiv ,ha kf]g gdi hgpgdf kfdg

ديري ليه نورسي 2 راه زوين بزاف جربيه ليه من بعد 3 ايام يوافقه حتى انا كنت نعطي لبنتي نوفالاك ودرت لها نورسي اما سنطرال باق الحال عليه خصوصا الا كانت الحالة المادية مزيانة اما الا الغالب الله والحالة صعيبة شريه ليه اختي حيت انا بنت لوسي كتشرب سنطرال والبزولة وبخير مضرهاش

سولي الطبيب احسن
انا ولدي حتى كمل العام عاد بدلت ليه الحليب شرب الاول 1 و زاد الثاني 2 و الله معقلت على سميتو ولكن ثمنو هو 55 درهم
ولاد عمي غير كيوصلو 3 شهور الام ديالهم كتعطيهم الحليب ديال الميكة هههه انا نهار شفت هكاك قلت ليها راه الدراري صغار قالت ليا الحليب ديال الفارمسي كيجيها غالي مع عندها تبارك الله 3 اطفال و سولات الفارمسي قالها الحليب ديال الميكة ميضرهمش و الله اعلم !
انا ولدي منين كمل العام عطيت ليه ديال الميكة و لحد الان كيشرب فيه كاس في الصباح و كاس في الليل مضرو ما والو
للي بغيت نقول انه ماشي ضروري الحليب ديالو للي كان في الاول كيشرب ممكن تبدلي ليه و مور العام متخافيش عطيه غير الحليب العادي راه كيشبع مزيان

وعليكم السلام ورحمة الله وبركاته اختي بالنسبة لحليب سنطرال باقي صغير عليه , حينت كيقولو الاطباء ميشربوش حليب البقر حتى يديرو عام.بالنسبة للريحة لشميتي فلحليب كلهم بحال بحال زفرة,انا كنت نستعمل لبنتي نورسي كونفر داك الموف هو مكيديرش القبط ولكن بنتي موافقهاش متتزادش بزاف او دابا بديت ليها نوفالاك

الحليب ديال الاطفال كاع مزفر
انا كنت كنكره نشم ريحتو معرفت كيفاش كيتقبلوه هههه

اختي من الاحسن تخلي حليب سنطرال حتى يقفل العام

أختي أنك تبدلي الحليب تيبقى اختيارك لكن للي بغيت نشير ليك راك دابا دخلتي ليه الماكلة على ما أظن راه عادي كرشو تبدا تجمع
بالنسبة لسنطرال أن للي بان لي ماشي تيضرهم و إنما غير كافي لاحتياجاتهم من فيتامينات و كلسيوم و مغنزيوم……….. و الله ولي التوفيق

تجربتي مع ابنائي
انتظر الى ان يكملو تمان شهور وبما انهم ابتداءا من شهرهم السادس ياكلون حساء السميدة والاغدية الغنية بالفيتامينات كالخضر والفواكه والنشويات فانني في هده المرحلة اكتفي بحليب uhtاللدي اشتريه عند البقال

انا اختي كنت كنعطي لبنتي نورسي منين دارت 6اشهر بدلت ليها بسنطرال ديال الميكى والحمد لله وافقها داب قفلات 7اشهر

انا كنسمع الناس بزاااف كيديرو سنترال كيزيدو فيه شوية الماء لكن بداي ليه دابا سليم واحد الشهر و ديري ليه سنترال كندير لولدي نان دابا يكمل 6 شهور ندير ليه سليم ان شاء الله