السلام عليكم و رحمة الله و بركاته
المشكلة للي ط¹ظ†ط¯ظٹ هو انا ط§ظ„طظ„ظٹط¨ ط¹ظ†ط¯ظٹ ظ‚ظ„ظٹظ„ ، واخا كنشرب عرام ديال الما 2litre و العصير و كناكل مزيان .
مرات النهار كلو كيكون صدري كيف الاسفنج ، بنت كتعيا ما تجبد و والو و تعطيها لغوات و في اغلب والاحيان ماكاتشبعش ( حيت كنعرفها فاش تشبع كتولي ناشطة بزاف) ، ا كنت كتبت موضوع ان عندها امساك ، ما كان عندها لا امساك لا والو ، كانت كتعمل كاكا مرة في الاسبوع لانها ماكانتش كتشبع!
المرات للي تحجرو فيها بزازلي شي 10 مرات من وقت الولادة لدابا ( بنتي عمرها 3 شهر و نص) و إلا كان ط§ظ„طظ„ظٹط¨ في الصباح ، باقي النهار والو!
قبل اسبوعين بديت كنعاون بالرضاعة ، تقريبا رضاعة كل يوم او يومين باش نشبعها خاصة في الليل .
البارح درت الرفيسة و درت فيها الحلبة ، ساعة يمكن خنزت راسي علا والو ههههه ، في الليل قبل ماتنعس كانت الدنيا ناشفة .
مرات كتفيق في الليل ترضع ، كنعطيها السكاتة و نعسها تاني حيت ماكاين والو
طولت بقصة حياتي سمحوليا و لي عندها شي وصفة تزيد ط§ظ„طظ„ظٹط¨ تعطيها ليا، حيت باغا نواقف ليها الرضاعة قبل تولفها و ماتبقاش تبغي ترضع مني ، و باغاها ترضع طبيعي 100% حتى 6 اشهر
الله يجازيكم بخير, و يرحم والديكم
hgpgdf uk]d rgdg
ايضا الحلبة شربيها خودي لحبوب ديال الحلبة جهد حفنة في يديك وغليها في الماء وحليها بلعسل او السكر وشربيها بحال اتاي
ايضا عملي لخميرة المعجونة ودوبيها في كاس حليب دافء وشربيها مرة في الاسبوع ايضا النافع ملعقة صغيرة غليها في الماء وشربيها بحال اتاي ايضا الكروية بنفس طريقة النافع ايضا حبوب خيزو شوفيهم عند العطار ايضا تخغليهم وتشربي كاس مفرق على تلات مرات في اليوم
وكل هده الوصفات امنة وما تخافيش ما لهاش اضرار جانبية
المهم عملي الي ترتاحي له
ان شاء الله يكون عندك لحليب كثير والبنية تشبع
الحمص إلا كليتو هو البيض كيديرو ليها الوجع كتولي تقطع داك شي علاش موقفاه
ان شاء الله نكون فدتك ولو بقليل
انا كنسمع بزااف بالحلبة لكن كاين بعض النساء اللي كيكون من عند الله الحليب عندهم قليل الى كانت هادي الحبالة التانية والاولى كان فيها الحليب بزااف فادا السبب من التغدية
الله يعاونك اختي ومعندي حتى اضافة من ناحية التغدية البنات كفاو ووفاو
وخصك تعرفي بأن انتاج الحليب كيكون من 1 ليلا الى سادسة صباحا
وباش تعرف أنك كتشرب الما كافي شوفي لون بيبي ديالك يكون أبيض مشي أصفر وكنتمنى يكثر عندك الحليب
أخر نصيحة ايلا ما جكش الحليب مع تطبيق نصائح الأخوات فخصك تعطي بنتك الحليب الاصطناعي لأن هناك نساء مكيكونش فيهم الحليب
حتى انا كان الحليب قلييل و كان ولف ليا فسبيطار الرضاعة وحلت معااه بزز ولف البزولة و لكن ملقاش الحليب
كمتفرطيش فيها جربي كاع الوصفات جربي السانوج و اللوز و الكركاح و الحلبة مطحونين و مخلطين بالعسل الحر
معلقة قبل كل وجبة
والله يدير لي فيها الخير