بغيتكم تقولو لي كيفاش بديتو توكل اولادكم الرضع .

ليوم ولدي كمل خمس شهور بغيت نبدا نعطيه ياكل حيت كياخد غير البزولا صافي , ايوا خديت نص تفاحة قشرتها صلقتها مع شويا تاع الماء و طحنتها مزيان بديت كنعطيه براس لمعلقا غير ضاق لولى و ثانيا صافي ما بقاش باغي غير نحطها ليه في فمو تجيه تقيا واش حتى نتوما وقع ليكم هاكا اول مرة

---

fydj;l jr,g, gd ;dtha f]dj, j,;g h,gh];l hgvqu>>> hgvqy

نعم أختي العزيزة هاد الشي طبيعي ، ولكن ننصحك راه خاصك تعطيه دابا الماكلة في ابيبرون ، حتى يكمل 6 شهور عاد عطيه بالمعلقة ، أنا بنتي بديتلها سيريلاك ،ودانون ديال الأطفال نيستلي ، من 4 شهور ، ملي دارت 6 شهور عاد بقيت نعطيها الفواكه ، تفاح ،إجاص ، بنان ، والخضر بديلو بالبطاطا ، خيزو ، الكرعة الحمراء والخضراء ، عاد بشوية بشوية زيديلو الخضر الأخرى ، دابا ماتعطيهش الفواكه ،والخضر ، عطيه غير سيريلاك ديال 4 شهور ، ودانون ديال 4شهور لفوق ، والبيسكوي مع الحليب في البيبرون

شكرا اختي على الرد ولكن ولدي مكيبغيش يشد لي الرضاعة بغيت نعرف كيفاش نصوب ليه سيريلاك معاش نخلط واش خاص يكون عاقد ولا خاتر.

ختي ممكن تعطي لولدك الأكل ، أنا عطيت لولدي الشهر إلي فات كان عندو أربعة أشهر و بديت ليه سيرلاك و وكلتو بالمعلقة ، و زدت عطيته الخضر و لكن مابغاهاش لي و أنا نحبس و كملت ليه غير سيريلاك
نصيحتي ليك عطيه سيريلاك بالمعلقة و إلى بدا كيدير بحال إلى بغا يرد إذن ولدك مازال ماجاهزش للأكل هاك قالت لي الطبيبة ديال ولدي ، حاولي مرة أخرى و إلى شفتي أنه باغي بحال إلى يرد حبسي و خليه حتى يدير ستة أشهر ….
و هادي هي النصيحة إلي كايعتيو الأطباء هنا في أمريكا و الله يصلح ليك وليدك و وليدات المسلمين

كنشكرك اختي بزاف ولكن بغيت نعرف باش نخلط ليه سيريلاك حيت هو كياخد غير البزولا

ختي بعض المرات نخلط ليه سيريلاك إما بالحليب ديال الصيدلية غير شوية ، ندير الحليب غبرة ديال الصيدلية و شوية ألما من الأفضل سيدي علي و نخلط بحال إلى بغيت نعطيه ليه في الرضاعة و خلطي به سيريلاك ، و إلى كنتي كتديري ديك آلة باش تجبدي الحليب فممكن تخلطي بالحليب ديالك ، نتمنى نكون فسرت لك ختي و إلى عندك أي سؤال أنا في الخدمة

شكرا حبيبة ,ما نقدرش نصلق الخضر ناخد الماء تاعها ونخلط بيه حيت بغيت ندير ليه فرينة تاع الارز الى كانت عندك شي نصيحة ما تبخليش عليا عافاك

نعم أه4تي كاين بززاف أنواع ، كاين من أربعة أشهر لستة أشهر ، وكاين من ستة أشهر، وكاين من 8 أشهر ، وكاين عام ، ولكن ماعرفتش واش موجودين كلهم في المغرب ،أنا كنت نشري لبنتي من المغرب سيريلاك يعني 1 étape نتاع 4 أشهر وهو ديال القمح ، وكاين ديال الفواكه 2eme étape، في المغرب ماكاينش أنواع كتيرة باش تنوعي كاين 3 أو 4 ، ولكن نعتقد أنه في المحلات الكبيرة بحال مرجان يكون فيهوم

الله يحفض ليك العزري
عادي اختي يرفض الاكل فالاول هاد الشهر بداي تدوقيه مرة فرماجة مرة تفاح مسلوق وضيفي ليه سنيدة ولا العسل باش تعجبو الحلاوة مرة بطاطة مسلوقة مع الفرماج لابيري مرة فرماجة مرة بطاطة طايبة في طاجين ممعوسة مرة ماء الخضر مسلوقة مع الروز طخنيه و عطيه ليه فالرضاعة نوعي باش يبغي ليك الاكل و ربي يخليه ليك

شكرا اختي على هاد المعلومات.