salam 3alikom 3afakom ilama goli lya chi hal rah waldi raso khraj lih mn jihte lisar owala tiban bhala 3waj galo lya dih kwi lih obah mabghach waldi yalah ghadi ykmal 3mois ma"yite na3so 3la jihte lisar o waloomabghach yarja3 lih tiban jiha kharja o jiha dakhla rani khyfa 3lih yab9a lih fhal hakak
waldi 3waaj lih rasoo>>>>>>>>>>>> 3at9ouni rasoo
السلام عليكم اختي عندك تكوي ليه او تشرطي ليه تبعي الكلام الخاوي ديال الناس ديه عند الطبيب هو ايقوليك بالشفاء انشاء الله
amin ya rabi lakin rah dito 3and tbiba w 3abrato lih galte lya mzienwla kin anaki ban lya 3waj
اختى الله يحفظه لك ويحميه ان شاء الله
o5ti 3awdi dih l chi tbib a5or
rah tay5arjo lihom wa7d smita taydiroha f ras bach yt9ad
matb3ich klam nas tachrat w lkawyan hadakchi ghi t5abi9
dih ma7ado ba9i sghir w inchaa llah ykoun 5ir
llah ychafih lik a 5ti
ااختي عندي ليك 2 النصائح اولا ديه للطبيب وتاكدي ياكا ما طيحو شيحد معاك فالدار والثانية راه شي مرات الدراري الصغار تيبانو ليك كيتبدلوا مرة مرة ويمكن غدي نزيد الثالثة استشري مع امك او حماتك ربما هما ادرى ببعض الامور منك والى ماكنوش قراب منك استشيري مع احدى جاراتك لان هناك نساء يفهمن في بعض امور الاطفال واقول لك هذا لان امي رحمة الله عليها كانت تفهم في الاطفال وتنصح بما تراه مناسبا لهم واقول النساء اللتي يفهمنا وليس المشعوذات والعياذو بالله فوالله العظيم امي عالجت طفلا كانت احدى فقرات عنقه خارجة فقط بتدليك خفيف ولمدة قليلة المهم طفلك في سن مبكرة ولا تغامري به اعمل ما عليك والباقي دعيه لله سبحانه قادر على كل شيء واسال الله العظيم رب العرش العظيم ان يشفي لك ابنك وامانة عليك ان تخبرينا بحاله عند شفائه امين
لأختي الكريمة ماتكويش له حاولي تنعسيه على جهات كاملين ديال راسو فاش يكون ناعس مرة دوري له راسو لليمين مرة لليسار مرة على قفاه إلى مبغاش غير صبري معاه شوية حيت مزال صغير و كيتعلم و ديه لطبيب أطفال مختص حيت بنت جارتي كانت تنعس على جهة واحدة و خرج لها الطبيب كاسك باش يتقاد لها راسها المهم دعي الله يشافي لك وليدك حتا أنا بنتي راسها كلو فشكل جهة داخلة جهة خارجة طبيب كيقول ماشي شي حاجة حيت راسهم كلو محلول و عاد كيتجمع باش يتسد هادشي لي قالولي هنا المهم ديه لطبيب يكون خير
السلام عليكم احبيبة الولد الى كان كاينعس وياكل ويتحرك بشكل طيعي وما كايبكيش وسخانته ماطالعاش فالامر عادي كاين الي كايكون راسو طويل من اللور وكاين الي كاتعواج ليه جهة على اخرى لاسباب اما الى تولد بالفونتوز تجر من ديك الجهة ولا كاتنعسيه غير على جهة والاخرى الا وهادا غلط خاص تردي البال كل مرة تقلبيه لجهة ومرة تنعسيه على الكريشة ومرة على الظهر وخودي دريرة ديال حياتي وبداق تعقدي ليه الرويس عنداك تزيري عليه على الراس عادي غير عقدي الرويس دياله وما تخافي من والو الى كان ما كايبكيش وما طالعاش ليه السخانة غير مع المدة غادي رولي الراس عادي وقراي عليه اية الكرسي والمعوذتين وخليه عليك فالتقار اشمن تشققيه ولا اش قلتي ديك الكلمة بعدي على ولدك راجلك معقل تبارك الله الله يخليه ليك ويصلحوا وتشوفيه كيف تتمناي
salam akht9 kima 9alo il akhawt wayaki otchrat rah ana 3indi tjirba jouj murat rah binti liwla kan dakh9l liha rasha milour onass tygolo liya binti malha mdighit liha rasha otbib ty3bro tygol li 3adi okhilitha hahiya daba 3 ans machaa alah rasha kilkora hhhhhodaba binti lkhra rasha tygolo liya mtwil o3tayahom michi 7intntbiba dyalha 9alt li 3adi khas ghir tbib ikon i3bro osafi rah tykbro otytgado
السلام عليكم و رحمة الله تعالى و بركاته.
أختي ، الله يحفظ ليك وليدك من كل سوء .
و أنا أقرأ موضوعك انتابني احساس بأنك أم لأول مرة ، أرجو ألا تقلقي أختي لأن من رحمة الله تعالى بالأم أن جعل عظام المولود لينة و الا لما استطاعت أم أن تضع مولودها بغير العملية القيصرية ، و لكن بعد الولادة تبدأ عظام الصغير في اكتساب صلابتها بفعل المواد التي يحصل عليها من الحليب ، و بعد ذلك بسنوات عديدة يأخذ الرأس شكله النهائي ، الا أنه من باب الأخذ بالأسباب أنصحك بزيارة طبيب أو طبيبة أطفال و لا تترددي في البوح له بهواجسك فيما يخص شكل رأس صغيرك مستقبلا و سيطمئنك باذن الله ، و لا تنسي بعد الزيارة أن تطمئنينا على صغيرك .
أختي ، الله يحفظ ليك وليدك من كل سوء .
و أنا أقرأ موضوعك انتابني احساس بأنك أم لأول مرة ، أرجو ألا تقلقي أختي لأن من رحمة الله تعالى بالأم أن جعل عظام المولود لينة و الا لما استطاعت أم أن تضع مولودها بغير العملية القيصرية ، و لكن بعد الولادة تبدأ عظام الصغير في اكتساب صلابتها بفعل المواد التي يحصل عليها من الحليب ، و بعد ذلك بسنوات عديدة يأخذ الرأس شكله النهائي ، الا أنه من باب الأخذ بالأسباب أنصحك بزيارة طبيب أو طبيبة أطفال و لا تترددي في البوح له بهواجسك فيما يخص شكل رأس صغيرك مستقبلا و سيطمئنك باذن الله ، و لا تنسي بعد الزيارة أن تطمئنينا على صغيرك .