اش هادشي الله يحضر السلامة

هاد لأيام لأخيرة انتشرت و بشكل كبير ظاهرة خطيرة جدا تؤدي فيما بعد إلى ما لاتحمد عقباه.ألا وهي الطلاق المبكر جدا و أنا بغيت نسميه الطلاق الصاروخي.ومن محيطي شخصياً كنعرف ثلاثة ديال لبنات ل ي مطوله فيهم جلست مع الراجل ثلات سنوات وهي الآن لا تتجاوز العشرين من عمرها و تحمل لقب مطلقة و كانت ولدات معاه وليد وتوفى و هو عندو سنتين.و ظ‡ط§ط¯ط´ظٹ كلو بلا عقد زواج و الٱن بلا وثيقة طلاق،ولبنت الثانيه عاد تزوجت غير فمارس الماضي هاد السيمانه جات لدارهم و جابت حوايجها و طالبه الطلاق،والثالثة تزوجت فيونيو 2024 ودابا راها فالمحكمة و عندها بنيتة فعمرهاشهرين واش ظ‡ط§ط¯ط´ظٹ ماكيخلعش خصوصاً أنني مخطوبة و مقبلة على مرحلة جديدة ما هزيت معايا غير الصبر و الأمل فأن الغد مخبي الأفضل و هاد التجارب الفاشلة و المريرة نتمنى التجاوب ولي عارفة شي قصه من واقعها تفيدنا و جازاكم ط§ظ„ظ„ظ‡ كل خير…

---

ha ih]ad hggi dpqv hgsghlm>>>> hg.lhgm

عندك الحق أختي هاد الشي ولا تيخلع، ومتيبشرش بالخير
حقا أن الحياة الزوجية صعيبة ومسؤولية كبيرة، وخاصة منين تيجيو الأولاد، تيتزاد العبء والضغط على الزوجين بجوج، وهاد الشي تيتخصو الصبر وطوول البال، أو وعي تام بأن الحياة الزوجية راه ماشي دائما وردية، وماشي هي ديك الأحلام الر و م ا ن س ي ة اللي كنا تنشوفوها قبل في فترة الخطوبة، لا، راه كتجي أوقات صعيبة وكتخلق مشاكل ومتاعب، وايلا معرفوش الأزواج كيف يتخطاوها، راه غتبان ليهم طريق الطلاق هي الساهلة، بالخصوص ايلا كانت الزوجة باقية صغيرة فالعمر ومكيينش اللي رد ليها عقلها ويثبثها ويصبرها
وشكرا عزيزتي على هذا الطرح القيم

سلام فعلا هادشي صعيب بزاف بزاف
و لكن راه حتا الواليدين ماعندهومش دور خصهم يكونو قاصحين مع بناتهم
ماشي بكية جوج سير طلاق
الله يستر و صافي هادشي كتر بزاف، مابقا مايعجب

اختي الحياة الزوجية مسؤولية كبيرة خصها صبر وعقل متبث

اول حاجة الزواج اللي عن حب ماشي ديما كينجح… البنت والولد كيدوزو اوقات زوينة قبل الزواج فين ماكين شي رومانسية وشي كلام زوين كايكون داز في فترة التصاحيب او الخطوبة الطويلة

وكل واحد كيبين احسن ماعندو ومللي كيتزوجو كيبداو يبانو العيوب والطرفين ماكايكونوش معولين على هاذ الجانب الخايب في الشريك كاتكون صدمة وكاين اللي ماكيصبرش كاتكون النهاية.

احسن حب هو اللي كايجي من بعد الزواج والطرفين كل واحد فيهم كيبغي يدير الخاطر للآخر وكاتكون العشرة حلوة وكاتطول.

ثاني حاجة خاص الزوجين يحتافظو بامورهم الخاصة ومشاكلهم الخاصة لنفسهم مايشركو فيها حد الا في بعض الحالات

البنت كاتمشي تعاود لامها الزوينة والخايبة في راجلها هادار لي ها فعلي كاينة الام اللي عاقلة كتخاصم على بنتها وتصبرها وكاينة اللي ماعندها عقل كاتخرج على بنتها

اجي لدار باك مايخصك خير…

والزوج وكذلك نفس الشي كايعاود لمو على مرتو ماحادكاش مانقياش ما ما ما ما…

وحتى الاحترام ماكيبقاش بين الام ونسيبها وبين البنت وعكوزتها.

وديما الواحد يصلي ويدعي ربي باللي فيه الخير

احبيبة المشكل ومافيه أن الناس بعدت عن الدين إلا من رحم ربك .وولات القدوة ديالهم هي المغنية والمغني فلان وعلان , وأبطال المسلسلات المكسيكية ودابا التركية .
إو ولبنات انحصرتهم صورة الزواج فيما يشاهدونه في هذه المسلسلات القدوة. يعني غير السلام وعليكم وعليكم السلام , بحبك, بتحبني المأذون العرس هايلالا والجوقة وفيناهو الساس الله يجيب.

علاقة معندها لاساس ولاراس ,باش بغيتيها تنتهي غير بالطلاق .

البيت إلى مكانش مبني على أسس دينية, زوج وزوجة وأخلاق ودين فانتظر الساعة.

الزوج والزوجة إلى مكانش عندهم نضج كافي ووعي بمسؤولية كل واحد منهما في هذه العلاقة التي أحلها الله بميثاق غليظ,كبغيتيهوم يعيشو غير في الجحيم .

الفتياة دابا إلا من رحم ربك كتقولك بغا نتزوج كيفما بغا يكون وكتصطدم بحقيقة الزواج أنها ليست كما كانت تتصور. إذا لم يكن عند الزوج درجة من النضج في تحمل أعباء الزوجية فسرعان ماتنهار هذه المؤسسة.

كذلك بعض شباب اليوم يختزلون الزواج في أمور الجنس فقط تحت تأثير المشاهد المثيرة التي يشاهدونها ليل نهار سواء في النت أو الأفلام. فيصبح عوض ما يفكر بعقله يفكر بغريزته. وتلك مصيبة أخرى.

ظاهرة الطلاق مست كذلك شريحة الكبار المتعلمين.لماذا ؟

أعود وأقول لبعدنا عن الدين. أين نحن من قول الله سبحانه وتعالى

" لَقَدْ كَانَ لَكُمْ فِي رَسُولِ اللَّهِ أُسْوَةٌ حَسَنَةٌ لِّمَن كَانَ يَرْجُو اللَّهَ وَالْيَوْمَ الْآخِرَ وَذَكَرَ اللَّهَ كَثِيراً "

هل فعلا قدوتنا رسول الله صلى الله عليه وسلم ؟
إذا كان الجواب نعم هل قرأنا سيرته ؟ هل تعلمنا منه طريقة التعامل مع الزوجة ؟هل قرأنا الأحاديث عن كيف تتعامل المرأة مع زوجها ؟

هل قرأنا وبحثنا وسمعنا محاضرات عن كيفية التعامل بين الزوجين ؟ كيفية تخطي العقبات؟

وقبل هذا كله هل بدأنا زواجنا بعرس يرضي الله سبحانه وتعالى , يخلو من الإختلاط والعري والمنكرات والموسيقى ؟

هل بدأنا حياتنا في ليلة الدخلة بصلاة ركعتين والدعاء كما أمرنا بذلك سيد الخلق رسول الله صلى الله عليه وسلم ؟

جوابنا عن هذه الأسئلة هو مقياس كبير ومؤشر واضح لصحة ومثانة هذه العلاقة من تلك.

نعم اختي صدقتي وحتى صلاة الاستخارة مهمة بزاااااف في الزواج

حفظك الله أختي لا تنسى الصلاة في وقتها و أحسنت القول

كل ما في الامر
لم يعد الانسان يختار صاحب الاخلاق والدين

معدهمش دور كاين حالات لي لبنت متقدش تكمل حياتها مع زوجها و عن تجرب انا تتزوجت من عائلة وقريب بزاف لييا وجلسة معاه3 شهور وتفارقنا لأنو صدق إنسان ماشي راجل ليبغي يدير عائلة ديما مجري عليا من داروبزاف لحوايج لي أي مرا مغتقدش تكمل وهان دابا عندي 22 سنة ومطلقة وراه كاين لربي سهل عليهم وعايشن مزيان طلبي ربي وصلي

كاااينة آستتناءات الحبيبة والله يحسن العوان والله يستر علينا وعلى العباد كاملين، كاينين بعض الأزواج اللي تتكون العشرة معاهم شبه مستحييلة وصعيبة بزاف وقليل اللي تحملها، الله يهدي ماخلق، والله يصاوب للجميع، غير هو في المقابل كاينين بعض المشاكل اللي تتكون عاابرة وهينة، ولكن الشيطان الله يلعنو ويخزيه كيكبرها ويخليها تبان كبيييرة وماعندها حل بديل سوى الفراق ، وكيخلي المرأة تفكر فالطلاق كحل نهاااائي وحتمي، داك الشي لاش كترات نسب الطلاق فالمجتمعات ديالنا، غيير هاكا الله يصلح الأحوال وبهدي النفوس
والله يعوضك خير أختي ان شاء الله