التكيسات عند المراة

السلام عليكم البنات انا وقع معيا واحد المشكل غادي نعاود ليكم و نتمنى تعطيوني الراي ديالكم المهم بلا ما نطول عليكم
انا كان عندي موعد مع الطبيب ديالي باش يعطيني الكينة ديال الميلاد لان اللي تنخدها ما جاتش معيا من مشيت عندو قالي غادي تمشي عند اختصاصي هو اللي غادي يعطيلك من مشيت عند الاختصاصي دوز علي و قالي عند كيس كبير و خاصك تزوليه و ارسلني لختصاصي اخر و عطاني ندير التحليل و قالي خاصك تفتحي في اقرب وقت والاختصاصي اللي ارسلني عندو هو اللي غادي يحدد موعد العملية المهم عملت التحاليل ومشيت عند الطبيب الي سيفطني عندو الطبيب الاول لقيت دكتورة ملي قلبتني و عملت لي التلفزة قاتلي ما عندك حتى حاجة كلشي عندك مزيان ما فيك لا كيس لا والو
و دبا شوفي غير التحاليل اللي عطاهم ليك واش مزيانين ملي خرجو التحاليل مزيانين نورمال
و دابا وخى قاتلي الدمتورة هاكاك باقي في الوساس ديال الكيس و دابا بغيت نعرف الله يجازيكم بالخير شكون عندها معلومات على الكيس يعني الاعراض دياله او تعرف شي وحدة دايز عليها الكيس
باش عرفت باللي فيها مع اني ما كنحس حتى بحاجة الحمد لله و الد ورة عندي منظمة و لكن راني خايفة الان الظروف ما تسمحش لي باش نعاود ندوز سمحولي طولت عليكم
نتمنى تفيدوني و شكرا

---

hgj;dshj uk] hglvhm

100مشاهدة و حتى واحد ما اعطاني نصيحة

lah m3ak ana 3lr prit njawb 3lik lakin ma3andi hata ma3loma
.lah isam3ak khbar khir

حبيبتي واش تتحسي بشي الام لان السيدات للي عندهم تكيس اكيد تيحسو بوجع و الام اكيد انتي في حيرة من امرك طبيب قال عندك تكيس و دكتورة تتاكد انك بالف خير و كل التحاليل مزيانة وما عندكش امكانية تعاودي تدوزي غادي تاخدي اوراق الطبيبة و تديهم للطبيب للي قالك شاف عندك تكيس هو يشرح ليك الامر ووريه التحاليل و فحوصوات الطبيبة وشوفي رايه و غادي تكون بحال كنترول بعد الزيارة يعني ما تحتاجيش تخلصي الزيارة فهمتي هههه الحيلة احسن من العار هههه اختي ربما غير كان عندك انتفخاخ من البرد او ما شابه و ضن انه تكيس ان شاء الله خير اختي

hta ana mchit ltbib lahkach bret nhmel walakin mnin dert tlfaza khrejli kiss baka macht tbebe rade nhmak wach ha a khter wela 3ade

السلام عليكم بالنسبة لاختي الكيس ماتخافي والو راه وقع ليك بحالي أنا كنت مشيت ندير غير مراقبة حيت عاملة اللولب و مللي دارت لي الطبيبة التلفازة لقات عندي كيس كبير على المبيض ديالي اليمين و قالتلي خاصك تحيديه ضروري و صيفتاتني عند واحد الطبيبة اخرى باش تعاود لي التلفازة و بالفعل لقاتو عندي و بالنفس لعبار اللي عطاتني اللولة و لكن قالتلي ما تخافي والو حيت كاينين ليكيس اللي كيكونو فيزيولوجيين كيجيو من بعد أو قبل الدورة و كيبقاو واحد المدة و كيمشيو بوحدهم ماكايكونش عندهم حتى تأتير مع العلم انو الطبيبة الاولى قالتي راه كان فيك هدي كتر من 3 شهور و انا كنت عاد ركبت اللولب و الطبيبة اللي ركباتولي ماقالت ليا والو ياك ما دوختك بقوة الطبيبات هههه اوا اختي شنو غانديرو غادي نحماقو ههههههه اوا المهم نرجع ليك لموضوعنا اوا صافي قالتلي بما ان ماكايدير ليك لا وجع لا والو غادي نخليوه واحد الشهر و نعاودو التست الا مشى بوحدو راه مزيان و الا زاد او بقى بالحجم ديالو ديك ساعة نشوفو واش نحيدوه غير هي واحد القضية غير تحسي بشي وجع صعيب بزاف و الترويعة صافي خاصك تمشي ضروري للمستعجلات احيدوه ليك ديك الساعة كيكون الكيس كيتلف حول المبيض و هدي الله يستر قاضية خايبة يعني انتي دابة جلسي واحد الشهر و عاودي المراقبة و ان شاء الله مايكون والو ..
كنعتدر على كثرة الهضرة ولكن غير بغيت نشاركك بتجربتي

الله يشافي اختي

انا نقوليك اختي انا كان عندي 2 كيس فالمبيضين زيد الدورة كانت غير منظمة وكان عاندي الم المهم مشيت عند الطبيبة الاولى خلعاتني وجيت كنبكي تلقاتني جارتي قالتلي سيري عند هاد الطبيب ادا قالك نفس الشي ديري العملية المهم لما مشيت عندو قلبني وقالي بصح هاشنو فيك المهم انك تلتازمي بالدوا وانشاء الله ماعادي يبقا فيك والو عطاني دوفاستون شهرين ورجعت بعد 10 ايام الاولى ديال الدوا جاني الحرييييييييق حتا ماقدرتش نوقف صبرت ولما جات الحيض هبط مني العجب رجعت قالي الحمد لله العلاج جايب نتيجة بعد مدة 4 أشهر ولا كيهبط معايا افراز لونو بني قولتهاليه قالي غادي نزيد دوا احور رجعت كنشرب دوا نسيت اسمو نتفكرو نرجع نكتبو لي عاقلا هو فيه 200 لكن سببلي مشاكل من الدوخة وتساقط عنيف دالشعر زيد لون الجلد البشره وحتا نوعية تبدلات وعاد عملي سمنة اصلا اانا غليضة وزيدت ههههههه الحجج ههههههه
المهم بعد البمية الاولي اللي شربت ورجعت لقا بلي الكيس بجوج نقصو وبديت كل مرة نحسب معاه بدينا من 5 سم الي ان قال لي شوفي مشا الكيس الاول اللي فشمال وبقا واحد فيه 1 سم فليمين وقفلي الدوا شهر جانتي الخيض فغير وقتها رجعت دوز قولت صافي ديك الكيس زاد لكن الحمد لله مابقاش وانا نرجع لدوفاستون لولا فضل الله وهاد الطبيب كوراه باقا ندور معا طبيبات انا من طنجه والصراحة هاد الطبيب نعيا مان نشكر فيه مانوفيهش حقو لكن اختي انا من رمضان اللي فات وانا متبعه كل شهر كنمشي وبعد المرات 2 فالشهر خسرت الفلوس لكن كسبت صحتي والحمد لله ماتهاونش ومشي عند اختصاصي فالعقم والولادة حيث هادا اختصاص ديال الطبيب اللي مشيت عاندو انا طبيب الولادة واخا يفهم ماشي قد الاختصاصي وافضل لو انك تمشي عند المحلف فالمحاكم راه ثقى واخا تكون بيزيطا غالية صحتك لولا انا اللي كنسمع كنصردو لهاد الطبيب وكننصح ماتهاونوش
انا اختي فبلاصة ماتخرج بيضة وحدة كيخرجو 2 3 4 5 وحتا وحدة ماكتكتمل كتنفجر قبل الوقت وحدة والباقي كيبقا وشكلو بحال العنقود ديال العنب الحمد لله وقالي لما يحصل الحمل عمرو المشطل مايبقا لكن اهم الواحد يهتم بالصحه ديالو ويختار الطبيب اللي كيخاف الله ماشي دباحا اللي ولاو الا من رحم ربي
هانا تفكر اسم الكينات اولتراجيستون 200
الله يشافيك والا شي سوؤال انا هنا